بقلم اسراء عباس
حبايب قبل لا ابدي ضغطو عالنجمه
"أتمنى أن تدرك أنني لم أرك أبدًا خطةً بديلةً، أو ممرًّا جانبيًّا، لطالما رأيتك الحلول كُلّها، لطالما كنت الطريق والسفر*
مصطفى: صارت علاقتي بيهه بارده مو مثل قبل نجحت من الثالث وراحت رابع بس بهاي الفتره القصيره هوايه تغيرت معالم جسمهه صارت بنيه كامله مكمله بس تصرفاتهه صارت اقرب للولد من البنات قبل اني چنت اطفر على سطحهم هسه هي تطفر علينه ومستمره علاقتي بيهه بس اكو حاجز
احمد: اگلك صوف روان خلصت الامتحانات واتفقت وي الوالد اليوم يرحون يخطبوهه الي تجي وياي غير
مصطفى: لا حبيبي اعذرني كلش مالي خلك والله
احمد: براحتك مااضغط عليك ولو اني حبيت تكون وياي
مصطفى: اعوضهه بخطبتك ان شاء الله
للعصر راحو البيت عمي اني خذت باكيت جگاير وصعدت للسطح اني ماادخن الا اذا چنت مقهور كلشش لازم الجگاره بيدي وصافن ومااحس الانسحبت من ايدي رفعت راسي شفتهه روايه خذتهه وطفتهه بالگاع
روايه: مو زين عليك التدخين مضر بالصحه انت ماتخاف على نفسك
مصطفى: السويتي هسه اذا تكرر مره ثانيه امدچ بالگاع فاهمه لو مو بنيه وبعدين انتي شتردين مني شكو لاحگتني كلما اريد اگعد وحدي تطلعيلي عتقيني الخاطر الكعبه طلعي من حياتي صايره مثل ضلي وين ماادير وجهي الگاچ شتردين ماتگليلي شتردين ادخن ماادخن اموت اعيش شعليچ كرهتيني بحياتي من ساعة الدخلتي بيهه
روايه: كلامه چان مثل السچاچين بگلبي من صدمتي رجعت ليوره وانضربت بالحايط ردت بس اوصل للسياج واروح لأهلي غوشت عيوني بالدموع مشيت وجرني من ايدي
مصطفى: اوگفي روايه لا ترحين والله معصب مو بالقصد
روايه: من عرفتك ولليوم تدوس بگلبي وتگول مو بالقصد عوفني امشي عفيه عوفني
مصطفى: عفت ايدهه وركضت وراحت وبعد ماشفتهه طلعت نتيجتي وقدمت فايلي بكذا شركه للتعيين واحمد بعد قدم وياي ومنتظرين القبول وكل هاي الفتره واني مااشوفهه ابد كل يوم اصد والگه الملابس مشروره بس يمته تصعد مااعرف
بيت عمي رجعو الموافقه لأحمد وحددو الخطبه يوم الخميس وبهاي الفتره طلع قبولنه اني بشركه واحمد بشركه قبل خطبة احمد بيومين سوينه المقابله والحمدلله نجحنه وگالو باچر بلشو دوام گعدت غبشه وحضرت نفسي قبل لا اطلع حبيت اصعد للسطح مااعرف ليش صعدت ولگيتهه تشر ملابس الساعه ب8 الاربع ماشفت هيچ خبال بس حتى مااشوفهه تقربت على السياج
الهاي الدرجه شايله بگلبچ عليه الدرجة تخليچ تغسلين هدوم من غبشه وتلميهن بالليل حتى مااشوفچ
روايه: تذكر كلامك زين مصطفى گتلي طلعي من حياتي وهاي اني طلعت بعد شتريد مني ماتگلي
مصطفى: مااريد شئ بس اريد ترجع صداقتنه وماريدچ تزعلين مني
روايه: جرحتني هوايه مصطفى والله كل مره ارجع اسامحك وترجع تجرحني گلبي بعد مايحمل
مصطفى: سلامة گلبچ ياماي عيني انتي
روايه: وين رايح من الصبح
مصطفى: تعينت واليوم اول يوم دوام
روايه: الف مبروك تستاهل
مصطفى: الله يبارك بيچ يلا تأخرت رايح اني
روايه: الله وياك
مصطفى: يوم اني رايح
سوسن: الله وياك يمه محروس بعين الرحمن
مصطفى: يوم احتمال ماارجع للبيت اليوم
سوسن: ليش يمه وين رايح
مصطفى: لجدادي مشتاق الجديتي من زمان مارايحلهه وادري بيهه هسه زعلانه عليه
سوسن: خطبة اخوك باچر شني نسيت
مصطفى: لا يوم مانسيت من الصبح تلگيني يمچ
سوسن: براحتك يمه روح
مصطفى: بست راسهه وطلعت وادري بيهه ماراضيه تخاف كلشش من اروح لجدادي تخاف لا يخلوني يمهم وبعد ماارجعلهه ماتدري گلبي معلگ بيهم
ثاني يوم تحضرنه الخطبة احمد گعدنه من الصبح نحضر ونجهز واجه وفت الخطبه اشوف الفرحه بعيون اخوي تريد تطلع الله يسعدك دوم ياخويه ياحبيبي
أنت تقرأ
بين ليلة وضحاها تنقلب الموازين
Romanceأنا لا أعدك بأن تكون الحياة مثالية معي .. لكن أعدك بأنك ستجدني معك في كل الأحوال و ستجدني كتفا لرأسك المثقل بالهموم .. وسأتمسك بك مهما حصل بيننا وسأضعك بين عيناي للأبد ولن أتركك .. أعطِ حبك لمن يهتم لسعادتك ، و أعطِ صداقتك لمن يكتم سرك ، و أعطِ وقت...
