بين ليلة وضحاها تنقلب الموازين

البارت 4

بقلم اسراء عباس
‏لا شكَّ أنّ دخولَكَ العابِث في مسارِ حياةِ إنسان ثُمَّ تركه بعدَ أن دمرّتَ مساره، هو شيءٌ ستدفَعُ ثمنَهُ غالياً، وغالياً جداً.
وقد يكونُ الثَّمن أكبر بكثير مِن مُجرّد قُبول صلاتِكَ أو صيامك "
وقِمّة الرُّعب حرفياً :
أنّ اللهَ عزَّ وجل يُؤخّر حقَّ القِصاص منكَ للآخرة، تخيَّل ما أشد  الحِساب👌

مو تنسون قبل لا نبدي ضغطو عالنجمه وتعليق حلو مثلكم
مصطفى:  حددو موعد العرس بعد اسبوعين يگول مااريد فترة خطبه لأن اني اعرفه وتعرفني ميحتاج نتعارف

وائل؛  چنت سايق بسرعه جنونيه مااعرف شصار ولا اتذكر اي شئ فجأه ضلمت الدنيا بعيوني وماشفت شئ بعد
مصطفى:  اجاني اتصال من موبايل وائل الساعه ب2بالليل
الو وائل صاير شئ
*العفو اني ممرض اليوم الضهر صاحب هذا الموبايل نقلوه يمنه للمستشفى ومسوي حادث حاولنه نتصل بأهله بس ماحصلناهم لگيت مكتوب يم رقمك اخوي الضلع گلت اتصل بيك هو اخوك؟
مصطفى:  اكثر من اخوي بيا مستشفى وشلونه هسه
*هو الحد هسه ماگعد بس وضعه مستقر ماكو شئ خطر
مصطفى:  تمام دقايق واكون يمكم
مااعرف شلون بدلت ملابسي وركبت سيارتي ورحتله وائل صديقي واخوي وابن خالي كلشش، قريب مني مااتخيل حياتي من غيره شلون راح تكون
وصلت للمستشفى ركضت القسم الاستعلامات
السلام عليكم اتصلتو بيه قبل شوي شاب مسوي حادث عدكم
* اي اني اتصلت بيك تفضل وياي
مصطفى:  شنو وضعه وشلون صار طمني عليه
* مااعرف شگلك هو مابيه اي شئ بس كسر بأيده سويناله اشعات وتحاليل وفحوصات ماعنده اي شئ لا داخلي ولا خارجي بس مااعرف ليش مجاي يستجيب للعلاج
مصطفى:  يعني شنو؟
* يعني شئ نفسي يرادله حافز يخليه يعيش
مصطفى:  اذا تسمح اخذني الغرفته بس اشوفه
دخلت الغرفته وضعه يقهر ايده مجبره وراسه مشدود وكانونه ومغذي وجهاز التنفس وين چان وين صار هذا وائل الي اذا وگف على حايط يهده يوگع هيچ وگعه صدگ كل قوي للزمان يلين هيچ الحب يسوي لك ابو اللول اگعد الله يخليك اگعد ماريد اعيش بدنيا مابيهه انت
بقيت يمه للصبح الساعه ب6ركبت سيارتي وطلعت لازم ابلغ اهله اكيد هسه بالهم وياه
دگيت الباب فتحه خالي وجهه مخطوف واضح عليه القلق
كمال:  مصطفى هله حبيبي شلونك اكو شئ صاير شئ اول تالي انت تجي علينه
مصطفى:  مشتاگلك واجيت اشوفك مايصير
كمال:  لا لا موصحيح احچي مصطفى شصاير ابني وائل بيه شئ احچييييي
مصطفى: ماكو شئ خالي بس هدي لا يرتفع ضغطك وادخل جوه نحچي
عصب وصارن عيونه حمر گلبه حسه وائل بيه شئ على صوت الصياح اجت زوجته تركض
سحر:  شبيكم ليش هاالصياح ابني وينه وائل ابني وينه مصطفى حبيبي ابوس ايدك اذا ابني بيه شئ گلي کلبي راح يوگف من البارحه طلع للدوام ومارجع
مصطفى:  بست راسهه وگتلهه خالتي لا تخافين صدگيني وائل بخير بس
خالي عتني من قميصي وگال
كمال: شنو البس وگعت گلوبنه صارلك ساعه شنو البس مصطفى:  خالي وائل البارحه وهو راجع من الدوام سايق سريع والظاهر السياره طلعت عن مسارهه وانضربت بشجره وهو هسه بالمستشفى
سحر:  يمه يمه وليدي يمن سوده بوجهي عمت عيني كون
كمال:  كافي لطم لتفاولين عالولد گومي بدلي ملابسچ نروحله
بس گلي مصطفى وائل بخير مو
مصطفى:  خالي لا تخاف هو بخير بس الحد الان ماصحه
سحر:  شلون بخير وشلون ماصحه شبيه ابني شبيه من عزه العزاني
مصطفى:  خالتي الله يخليچ هدي شوي ونوصل للمستشفى وتشوفينه وتسولفين وياه وان شاءالله يسمع صوتچ يگعد يرادله تحفيز
اتصلت بخالي جمال حتى ابلغه اريد الكل يجي يمه حتى يصحه
الو هله خالي شلونك
جمال:  هله بيك حبيبي مصطفى اني بخير انت شلونك
مصطفى:  تمام خالي اسمع وائل مسوي حادث بالمستشفى وكلش محتاجكم
جمال:  شنو شجاي تگول ويمته صار هالشئ
مصطفى:  البارحه الضهر
جمال:  وهسه يلا جاي تگلي
مصطفى:  خالي اني البارحه ب2بالليل يلا دريت
جمال:  ماشي اني جاي هسه
اميره:  شكو جمال مصطفى شبيه
جمال:  وائل البارحه من طالع من يمنه مسوي حادث وهسه بالمستشفى
اميره:  يمه دخيلك ياعلي وشلونه هسه
جمال:  ماادري هسه رايح اشوفه شوي ولحگيني انتي وبتچ
اميره:  اي ان شاءالله حبيبي
نواره:  ماما شكو
اميره:  وائل مسوي حادث
نواره:  .....
اميره:  شو سكتي
نواره: شسويله يعني هو كاتل روحه مااحبه هي گوه لو مو گوه اني مالي علاقه انتم تشيلون ذنبه انتم الخليتو بعقله فكرة انو نواره الك الحد ماعششت براسه وكبر عليهه كبر وهو يشوفني شئ خاص بيه اني مااطيته اي كلمه انتم الاطيتوه مااريده لو شيصير مراح اغير رأيي
اميره:  اعقلي يبت بطني التردينه مو شايفچ اصلا
نواره:  لا شايفني بس هو يخاف على مشاعر صاحبه
اميره:  لا ماشايفچ ولا راح يشوفچ حتى اذا وائل عافچ مراح يشوفچ اصحي اصحي ينواره ولا تضيعين الولد
نواره:  مااريده ومااحبه احب مصطفى ومراح اخذ غيره
اميره:  انتي منتبهه جاي تحچين وي امچ مو صديقتچ اتأدبي

مصطفى:  الو هله يوم شلونچ
سوسن:  يمه حبيبي وين گعدت وي الصلاه ومالگيتك بفراشك
مصطفى: ليضل بالچ يوم اني بالمستشفى
سوسن:  يمه عزا العزاني شبيك حبيبي شبيك
مصطفى:  لا يوم مو اني وائل ابن خالي مسوي حادث واتصلو عليه بالليل
سوسن:  سوده بوجهي كون وشلونه هسه
مصطفى:  بيد الله يوم ادعيله

سحر:: يمه وائل حبيبي هاي النومه مو الك يمه من عمري على عمرك كون لا اتعبني يمه واگعد خلص گلبي ييمه يمه خلص گلبي واني اشوفك امدد

مصطفى:  خمس ايام ووائل على وضعه الكل اجه زاره وحچه وياه وهو على نفس الوضع مايبدي اي ردة فعل

جمال:: اگعد يابطل اگعد ماتلوگلك هاي النومه  انت گوم واوعدك نواره ماتصير الغيرك برضاهه غصبا عنهه الك يابعد عمك ياعمو

مصطفى:  بقت بس هي واني متأكد اذا حچت وياه راح يگعد
خذت سيارتي ورحتلهم للبيت ادري بيهه وحدهه بس اني اريد احاچيهه لازم احچي وياهه
دگيت الباب شوي وفتحته الي
نواره:  مصطفى هلو شلونك
مصطفى:  هله نواره اريد احچي وياچ
نواره:  اي تفضل ادخل
مصطفى:  تعالي گعدي نواره
نواره:  اسويلك شئ تشربه
مصطفى:  لا مااريد تعالي گعدي مستعجل اريد امشي
نواره:  تفضل گول
مصطفى:  انتي تدرين بوائل شگد يحبچ وتدرين الصار بيه بسببچ
نواره:  شنو دخلي اني وبعدين محد گله يحبني
مصطفى:  نواره الولد بين الحياة والموت ومحتاجچ كلمه منچ راح ترجعه للحياة
نواره:  اني مااروح اذا رحت معناهه اني موافقه عليه وهذا الشئ مستحيل يصير اني مااريده ومااحبه تدري بيه اني منو اريد
مصطفى:  شيليه من رأسچ احسن مايفيدچ
نواره: اي حقك عشت عمرك كله معلگ گلبك بوحده ماشايفتك بعيونهه وبالتالي عافتك وخذت اخوك شلون تگدر بعد تباوع عليهه وهي صارت مرت اخوك ولا صدگ هاي اذا  چان اخوك صدگ
مصطفى:  صارت عيوني بگصتي وماتمالكت اعصابي وضربتهه براشدي فر وجهه فر
ادبسز مو بيدچ واحمد اخويه اگص لسانه اليگول غير هالحچي

وائل:  جسمي مااگدر احركه اريد افتح عيوني مااگدر بس احس بكل الجاي يدور حواليه واسمع صوت الناس التحچي وياي واريد افتح عيوني مااگدر شئ واحد انطاني قوه وخلاني اتمسك بالحياة هو دموع امي دموع امي خلتني احب الحياة واريدهه  اول مافتحت عيوني شفت الكل يمي امي وابويه وجديتي وجدي وعمو جمال وزوجته وعمتي سوسن وزوجهه ومصطفى واحمد كلهه حواليه وعرفت شگد اهلي وناسي يحبوني ملازم اخسر حياتي لأجل شخص واحد رفضني حتى لو عشت نص عمري انتظره هاي هي نواره شئ ماضي ومحيته من سجل حياتي

مصطفى:  وائل تحسن ووراهه بأيام طلعناه من المستشفى ورجعنه الحياتنه وبدينه نجهز لعرس احمد اخويه مابقاله بس اسبوع واحنه كلشي ممسوين التهينه بوائل
روايه ماشايفهه صارلي فتره واصلا ناسيهه ولا ابالي
صعدت للسطح اتفقدهه شو ماكو بس مالگيتهه فتحت الباب حيل حتى يطلع صوت مااجت كل مره على صوت الباب تجي تركض شمرت طابوگ على بابهم وهم ماكو انتظرت نص ساعه ساعه تالي ايست ونزلت شني السالفه مو من عادتهه تغلس عليه معقوله بيهه شئ
وبقيت كل يوم اصعد وماكو حتى هدوم ماكو فوگ ضل بالي يمهه وفاتت ايام واجه يوم عرس احمد
اگول يوم هذول جوارينه عزمتيهم
سوسن:  لا يمه هم مو بالبيت صارلهم تقريب عشرة ايام ماكو مااعرف وين راحو
مصطفى:  هااااا ماشي
وين راحو واني الاعرفه هم ماعدهم احد بس عمامهه ومايحچون وياهم طول ساعات العرس والزفه والناس فرحانه وترکص واني بالي وياهه وين رحتي روايه تعودت عليچ حيل

هلو حبايب گلبي شلونكم شخباركم مشتاقتلكم حييييل واحبكم كومايات
تصويت +تعليق + شير لرابط القصه