بين ليلة وضحاها تنقلب الموازين

البارت 8

بقلم اسراء عباس
لله أنا ، وقلبي ، وحيرتي ، وضياعي ، وأحلامي وآمالي .
لله فرحي ، وحزني ، وألمي ، وروحي ، وراحتي ، وطمأنينة قلبي ، لله صبري ، وقوتي ، وضعفي ، وتشتتي ، وأفكاري ، لله ما وضعه في قلبي ، من حب ، وود ، ومعزة ، لله أمري كله وعليه إتكالي ، وإتزاني ، وجميع أمور حياتي .
لله كل الدعوات الماكثة بقلوبنا💙

يقولون أننا لا نعرف قيمة ما نملك إلا بعد أن نفقده...والحقيقة هي أننا نعرف  قيمة ما نملك ولكننا لم نفكر أبداً أننا سنفقده..❤

قبل لا نبدي ضغطو عالنجمه حبايبي

روايه: سحلني سحول للبيت فلش الباب تفليش فتحته امي شمرني عليهه
جميله: عزااا يمه بنيتي شبيهه ليش هالشكل وياهه
ايهم: بت الشريفه الخذتيهه وشردتي بليله ظلمه لگيتهه تگود بنص بغداد
جميله:  انچببببببب واسكت حرف مااسمع منك بتي اشرف من كل واحد يحچي عليهه
ايهم: سأليهه وين چانت ووي منو بتچ الدازتهه تدرس گاعده وي واحد بمطعم بنص بغداد ولازم اديهه وگدام الرايح والجاي اني رايح وباچر الي تصرف ثاني
روايه: التفتتلي كون ميته ولا شايفه نظرة الانكسار والخذلان بعيون امي ماما والله اول مره هاي هو قابلني حتى ياخذ مني موعد ويجي يخطبني
لزمتي شبعتني ضرب
جميله: ولچ هيچ تسوين بيه بعت عمري كلههههههه الخاطرچ فنيت شبابي حتى اربيچ واخليچ شئ چبير وتالي هيچ تجازيني عفت اهلي وناسي وديرتي واجيت  ابيئه مو بيئتي وناس مو ناسي بس حتى احافظ عليچ من عمامچ نكسر ظهري من گعدت المكينه بس حتى مااخليچ محتاجه لأحد وهيچ تاليهه تذليني وتطيحين حظي شسويلچ هسه اموووووووتچ اذبحچ قليل بحقچ روحي مني روحييييي
روايه: ماما ماما عفيه بس سمعيني والله والله هاي اول مره والله ماسويت شئ والله
جميله: سكتي صوتچ مااسمعه وحضري نفسچ باچر عمامچ يجون ياخذوچ وهالمره مراح ادافعلچ ولا راح اوگف بوجهم لأن انتي كسرتي بيه وخذلتيني
روايه: لا ماما ابوس ايدچ لا تخليهم يأخذوني الله يخليچ
جميله: السالفه طلعت من ايدي صارت بيد عمامچ
روايه:  وتعوفيني وحدي عدهم ماتجين وياي
جميله: لا اني مااروح ابقه ابيتي
روايه: لا ماما عفيه تعالي وياي اخااااف ابقه عدهم وحدي
جميله:  راح يزوجوچ لأيهم مراح تكونين وحدچ
روايه: لاااااااا ماما لااااااا عفيه انتي تگدرين تخليني يمچ تگدرين ترفعين قضيه وتاخذين الوصايه
جميله:  اي بس اني مااريدچ روحي العمامچ هم يعرفون يربوچ اني دللتچ زايد وهذا الدلال خلاچ تلعبين بكيفچ
روايه: ذنبي برگبتچ ماما وعمري مراح اسامحچ
ثاني يوم الصبح اجو عمامي عمي عباد وعمي مسعود وايهم الشئ الي استغربته ايهم ماگاللهم هو لگاني وي واحد بالمطعم لو شئ گاللهم امي تريد تنقل الوصايه الهم وموافقه على زواجي من ايهم بالوقت اليردوه شنو هدفه مااعرف
عباد: غراض البت كامله
جميله: اي كامله
عباد:  وانتي تجين وياهه لولا
جميله:  لا اني مااجي تعبانه ومريضه والسفر يتعبني بالزايد
عباد: خلي بمعلومچ راح اعقدلهم الجمعه والعرس يوم الاثنين مانريد نطول البنيه بتنه والولد ابنه ماله داعي نطولهه تجين ان شاءالله
جميله: ماادري اذا بقيت مريضه وماتحسنت مااجي خلو بالكم منهه
روايه: حتى عرسي ماتريد تحضره الهاي الدرجه بابعتني وتريد تخلص مني طلعت بدون مااسلم عليهه اكو شئ بداخلي نكسر وصعب يتصلح كرهت نفسي كرهت الدنيا وكرهت الناس امي امي باعتني باعتني حتى بدون ماتسألني منو هذا الولد وشنو گعدتچ زياه منين تعرفيه كأنما تريد بس حجه حتى تخلص من مسؤوليتي
طلعت من بغداد ودعتهه ودعت كل ايامي بيهه ودعت السطح ودعت بيت مصطفى وعدت شارعنه ودعت مدرستي عفت كل شئ حلو هنا بهذا الشارع بهذا الفرع بذاك البيت وراح ابدي حياة ثانيه حياة ماادري شنو راح يكون مصيري بيهه
عباد: شني السبب الخله امچ تعوفچ يبت اخوي
روايه: ماكو سبب عمو بس ماما مريضه وخافت عليه لا يصير بيهه شئ ومحد الي
عباد: يعني مو نيتهه تزوج
روايه: لا عمو لو تريد چان تزوجت من زمان