بين ليلة وضحاها تنقلب الموازين

البارت 10

بقلم اسراء عباس
وما فائدة كلمة "أنا بجانبك" بعد المعافاة، و" أنا أحبك" وأنت لا تتقبل عيوبي، و" أنا آسف" بعد أسبوع من الخصام! ما فائدة " أنا فخور بك" وأنت لم تشاركني معاناة الوصول، و"دموعك تقتلني" بعدما تركتني للحزن يتآكلني، لا ياعزيزي، لا فائدة من كلمات باردة تأتي في غير وقتها، لا فائدة من ترميم روح قد ماتت قبل فترة، ولا فائدة من أن تخبرني بكلمة كنت أتوق لسماعها في حين من الزمن، لتقولها أنت في زمن آخر تمامًا ماتت فيه لهفة الاستماع.

قبل مانبدي ضغطو عالنجمه
روان: اشتاقله اي ماانكر كولشش جاي اشتاقله بس اكو شئ بداخلي مايقبل اسامحه عقلي يگلي عوفيه مايفيدچ الشك بيچ مره يرجع يعيدهه وگلبي يگلي لاااا رجعيله انت تحبينه لا تكابرين شمري كلشي وره ضهرچ ورجعيله ومحتاره وكلهه كون وابني الجاي يكبر ابطني كوم ثاني ست شهور وبطني علت وبديت احس بحركاته ووي كل حركه منه توگع دمعه من عيني تمنيت كلشي ماصاير وتمنيت احمد يشاركني ويفرح وياي من عرفت بنفسي حامل فرحت وحدي ومن عرفت جنس الطفل فرحت وحدي ووي اول حركه تحركهه الطفل همات فرحت وحدي وياخوفي من اجيبه اكون وحدي اعرف كلشي بيدي وچنت اگدر ارجعله من اول يوم عرفت بحملي بس مااگدر السواه احمد شئ چبير وماينغفر

مصطفى: چنت جاي مستعجل عندي اوراق مهمه ردت رائد يوقعهه فتحت باب المكتب مالته عالسريع وشفت منظر خلاني اتراجع
رائد: تعال مصطفى ادخل ماكو احد غريب
ميار: عن ازنك رائد رايحه عمكتبي اذا بدكياني دئلي عالموبايل
رائد؛: تمام حبيبي روحي
شبيك تباوعلي هالشكل اگعد واني احچيلك
مصطفى: شتحچيلي مو عيب ماتستحي وهنا بالمكتب بله دخل عليك واحد من الموضفين شيگول
رائد: مراح يگول شئ تره ميار خطيبتي والكل يعرف بهذا الشئ
مصطفى: من يمته وليش ماگتلي صارلي شكم شهر هنا ليش ماحچيتلي
رائد: اسمع مصطفى من دخلو داعش السوريا وره فتره الدواعش قتلو اخوهه لميار وابوهه ماتحمل هذا الشئ وخاف على بقية عايلته خاف يصيرلهم شئ لهذا اخذهم واجه لهنا گعد عد اخوه فتره بس ماارتاح يحس نفسه ثکيل لهذا طلعت ميار تدور شغل بس مااحد قبلهه وبمره من المرات چنت گاعد بمطعم وشفتهه اجت للمطعم تطلب شغل حتى لو نادله وهمات رفضو طلعت وراها اخذت اوراقهه مخلصه تكنلوجية حاسبات ومع هذا حتى نادله بمطعم ماقبلوهه چنت بوكتهه استوني اسست شركتي طلبت منهه تشتغل وياي گلتلهه بس اني بعدني مامعروف وشغلي على گدي ومع هذا قبلت وبدت وياي من الصفر وعلى الحلوه والمره وبربحي وبخسارتي ووگفت وياي وگفه الاخو مايوگفهه الاخوه ووره سنه من شغلنه سوه صارحتهه بمشاعري وخطبتهه من اهلهه وهسه هي خطيبتي ومرتي گدام الله والكل هنا يعرف بهذا الشئ
مصطفى: وليش ماتزوجون
رائد: احنه متزوجين فعليا بس مو گدام الناس وقبل فتره عررفنه بخبر حملهه
مصطفى: اذا تحب اطلع من شقتك حتى تجهزون براحتكم اگدر اخذلي بيت على گدي وبعدين لازم تتزوجون قبل ماتكبر بطنهه
رائد: لا ابقه بيهه احنه نريد نشتري بيت صغير وحلو ونأثثه على راحتنه لتخاف اهنا كلشي عادي عدهم اطفال وبعدين يتزوجون مصطفى زوجتي بعدلهه شهر وتجيب بس هي بطنهه ماتبين
مصطفى: صدگ تحچي هاي شلون
رائد: هي ضعيفه لهذا مايبينلهه بطن
مصطفى: ان شاءالله تگوملك بالسلامه
بفتره قصيره گدرت احقق ربح خيالي وشغلي صار ماشي مثل الساعه ماانكر هوايه تجيني تهديدات وهوايه ناس تجي تحذرني وتگلي ابتعد هذا مو طريقك بس هذا الشئ خلاني احب التحدي واريد اشوف منو هذا اليهدد منو هذا الي الناس كلهه خايفه منه