بين ليلة وضحاها تنقلب الموازين

البارت 5

بقلم اسراء عباس
لا تخفي مشاعرك، فكم انتظر أحدهم كلماتك ولكنها لم تخرج..
بعض الكلام قد نراه مجرد كلام وقد يكون في ميزان الآخرين حياة..
ينتظرون أن يستنشقوه ليكملوا باقي الحياة وبه يقدرون على أن يعطوا المزيد..
فلا تكن بخيلاً في وصف ما بداخلك أو في تقدير من هم حولك..
وكن بلسماً أينما حل أضاء من حوله فأزهر وكأنه ولد من جديد..
اجعل لوجودك معنىً ولكلامك أثراً يبقى في نفوس الناس..

قبل لا نبدي ضغطو عالنجمه

روان:  متخوفه حيل شلون راح اعيش اني ومصطفى ابيت واحد واني اعرف نظرته الي شنو  ومااعرف موقفه مني وشلون راح يتعامل وياي
احمد:  شبيه حبيبي صافن
روان:  صافنه بيك حبيبي
احمد:  يابختي يمچ وتفكرين بيه
سوسن:  شبيك ماما مصطفى شوف ماعاجبني
مصطفى:  لا يوم ماكو شئ بس اكو حسبه ابالي
وين راحت هاي البنيه عقلي راح يوگف من التفكير

روايه:  اكو  هوايه شغلات عني ماتعرفوهه وراح احچيهه الكم هسه بالتفصيل
اسمي روايه عماد عمري 12 سنه وابويه توفه بالوقت الي چنه عايشين وي عمامي ابيت العايله امي لزمة عده بغرفتهه وبعد عدتهه بيوم دز عليهه عمي الچبير ورادهه بموضوع واني چنت شاهده على كلشي
، flash back
جميله:  ابو ايهم طلبتني
ابو ايهم:  اي تفضلي گعدي رايدچ بموضوع
سمعي انتي صرتي ارمله ووحيده ومالچ احد ترحيله غيرنه بس بقائچ بهذا البيت وي تلث زلم وانتي ارمله غلط واني فكرت وگلت احسن حل اعقد عليچ حتى محد يجيب سيرتچ بالعاطل
جميله:  شنو هالحچي هذا اني من طول عمري احترمك واقدرك كونك حماي الچبير وهسه جاي بكل وقاحه تطلب مني هيچ طلب واخوك ماصارله اربع شهور من مات
ابو ايهم:  سمعي هذا احسن حل حتى تعيشين بهذا البيت ومحد يحچي عليچ وحتى بتچ انطرهه تكبر شواي واخذهه لأيهم وتصير عيشتچن ملزومه بهذا البيت
جميله:  انت جاي تبين انك عينك مني من قبل لا اخوك يموت صدگ ماتستحي
ابو ايهم:  احترمي نفسچ اني ادور مصلحتچ ومصلحة بتچ
جميله:  نجوم السمه اقربلك مني ومن بتي لو تموت ماتطول اضفر من عدنه
تعالي ماما وياي
روايه:  لليل بعد مالناس نامت ماما لمت ملابسنه وگالتلي
جميله:  سمعي حبيبتي احنه لازم ننهزم منا اذا مانهزمنه مستقبلچ يضيع
روايه:  وين نروح ماما
جميله:  :  الاي مكان بعيد عن هنا
خذت بتي بعد مالكل نام وطلعت بيهه عماد چان كلما يشتغل ويحصل وارد زين يجيبلي قطعة ذهب ثكيله وغاليه ويگلي هاي خليهه للزمن من غير الحساب الفاتحه الي بالمصرف وكل فتره يخلي بيه مبلغ كأنما گلبه حاس راح يعوفنه وراح يستغلونه اخوانه أمن مستقبلنه ومات حبيب گلبي تعال شوف شصار بينه بعدك خذت تكسي وگبل للگراج طلعنه من البصره لبغداد
روايه:  من گد التعب نمت على كتف ماما گعدتني چانت الشمس طالعه واحنا واصلين لبغداد
نزلنه بفندق ماما گالت الحد مااشوف شقه بيت صغير وتأجره النه بقينه بالفندق كذا يوم الحد ما ماما لگت شقه بعماره قريبه واجرتهه ولگتلهه شغل بمشغل خياطه ماما تعرف تخيط چانت دايما تخيطلي وتخيط لنسوان عمامي وبناتهن بس ماتخيط للناس بس بالبيت واستقرينه تقريب وكلفت محامي ينقل اوراقي مالت المدرسه من اليصره لبغداد قبل لا تخلص العطله بقينه بهاي الشقه كذا شهر بس ماما چانت تخاف عليه لأن المشغل يبعد مسافه على البيت ولحسن الحظ چان اكو بيت حلو ومرتب مقابيل المشغل مباشرتا معروض للبيع استفسرت عليه وشافته واتفقت وي المالك على السعر فلوسنه الي بالبنگ كلهه نقلتهه لبغداد عن طريق الفرع الثاني لهذاك المصرف الي بالبصره سحبت فلوس البيت واشترته واطمنت عليه هنا الجيران زينين وشغلهه قريب عليه واالباقي تعرفونه بخصوص مصطفى وشلون تعرفت عليه كلهه مذكوره الكم بس الماتعرفونه اني وماما وين اختفينه
بيوم بالليل اندگ علينه الباب طلعت ماما تفتحه والخوف باين عليهه وچان تنصدم بشخص مانتوقعه ابد
جميله:  مسعود انت شجابك هنا وشلون عرفت مكانه
مسعود: والله زمان يمرت اخوي وين هالغيبه خذتي البت وشردتي بيهه بتوالي الليل بدون لا حس ولا نفس شگلتي الروحچ ماخفتي عليهه ماخفتي على روحچ واحنا عايشين وسط ذيابه
جميله:  الذيابه البشارع ماتخوف بگد الذيابه العايشه وياك بالبيت انت تقبلهه اخوك الچبير المحترم بعد موت اخوه بأشهر قليله يجي وبكل عين وقحه يخطبني تقبلهه لا وفوگهه يريد يزوج بتي الابنه وهي بذاك الوكت توهه عمرهه 12 سنه
مسعود:: اني مارضيتله بصراحه ولمته بساعتهه بس هو گال يخاف عليچ من الحچي الراح تگوله الناس وانتي ارمله وعايشه بنصنه
جميله:  واني ماسويت شئ ريحتكم من الحچي وخذت بتي وطلعت والحمدلله عايشه ومامحتاجه احد بحياتي ماتعاجزت من بتي ولا من العيشه ولا عمري احتاجيت رجال وگدرت وحدي اربي هالبنيه وادخلهه احسن مدارس وهالتشوفهه ماناقصهه شئ
مسعود:: تعالي عمو حبيبتي كبرانه وصايره عروس
روايه:: هله بيك عمو شلونك
مسعود: اني جاي حتى اخذكم وياي
جميله: انتفضت وگتله لا مستحيل وين نمشي وياك
مسعود: عباد كلش مريض ويريد يشوفكم احنه ماخلينه مكان بالبصره مادورنا وماعثرنا عليچن وقبل كم يوم بالصدفه واحد من گرابتنه چان هنا ابغداد گريب عليكم وشافچ واجه بلغ اخوي واني اجيت حتى اتأكد اذا انتي لولا وشفتچ طلعتي من ذاك المشغل الهذا البيت وعرفتچ انتي واجيت اخذكم وياي تشوفونه ويشوفكم ويطمن گلبه
جميله: اني اخاف اخاف اروح وياك وتغدرون بيه وتاخذون بنيتي مني
مسعود:  لا تخافين يخويه مثل ماراح اخذچ منا راح ارجعچ وعد رجال وعلى هالشارب
روايه: وبقه عمي عدنه وثاني يوم الفجر طلعنه للبصره خذنه ويانه ملابس قليله ماتوقعنه راح نتأخر كل هالمده
طول الطريق وماما حاطتني بحضنهه وعلامات القلق باينه عليهه
ماما اذا خايفه ليش خليتينه نجي وياه
جميله:  حبيبتي اذا رفضت راح يسووهه عناد وياخذوچ مني بالمحاكم
روايه:  بس اني مو صغيره وراح اختارچ
جميله:  بس اذا گالو للمحكمه اني حارمتهم منچ كل هاي السنين القانون يصف وياهم
روايه:  بقينه ساكتين وللعصر وصلنه للبيت البيت الي طلعنه منه مهزومين بليله من الليالي
امي القلق اكل منهه مأكل تقدم خطوه وتأخر عشره دخلنه للبيت وچان الكل منتظرنه نسوان عمامي وبناتهم كلهه بوستنه وسلمت علينه رحبو بينه ترحيب حار
عباد:  والله زمان يامرت الغالي وبت الغالي هيچ تاخذين البت ومحد يعرفلچ طريق
جميله:  اني اعتذر ابو ايهم بس اني اختاريت مصلحتي ومصلحة بتي
عباد:: واحنه اهلهه ومن حقنه نشوفهه ونعرف اخبارهه
جميله:  انت ماخليتلي خيارات
عباد:  سمعي البت كبرت ولزوم نعقدلهه على ايهم مدامكم هني يمنه
جميله:  انت شجاي تگول بتي بعدهه صغيره وجاي تدرس
عباد:  يخطبهه وتدرس ومن تدخل كليه يتزوجهه وتجي تعيش يمنه
جميله:  انتم جايبيني حتى تضغطون عليه بتي ماتزوج بعدهه صغيره رجاءا انسو هذا الموضوع
عباد:  مراح انساه بس راح أجله
هلا بيكم ابيتكم تفضلو ارتاحو
رواايه؛  ابد ماحبيت الگعده عدهم وخصوصا واني اشوف عيون ايهم ابن عمي تلاحگني
وبمره طلعت للحديقه اتمشى حديقتهم كلششششش چبيره وحلوه
ايهم: هله ابت عمي شلونچ
روايه:  هله ايهم تمام  الحمدلله
ايهم؛ كبرانه وحليانه يبت عمي
روايه:  شكرا هذا من ذوقك
بقينه عشرة ايام بس صارن بالنسبه الي سنه اختنگت اريد بس نرجع البيت وصدگ عمو مسعود وفه بوعده بس گلناله نرجع رجعنه بنفسه لباب البيت

مصطفى:  من تزوج احمد تقيدت بگعدتي بالبيت وصار اغلب وكتي من ارجع من الدوام لو بغرفتي لو عالسطح ومحيرني موضوع اختفاء روايه المفاجئ وين صارت ماادري
مره من المرات چان يوم جمعه گعدت الصبح مالگيت لا ابويه ولا امي جاي افوت للمطبخ وسمعت روان تگل الاحمد مشتهيه سمچ شوي وادري بيهه تحبه حيل دخلت للمطبخ شربت گلاص چاي وطلعت رحت اشتريت سمچه چبيره دخلت للبيت صارت بوجهي الشئ التسويه من تشوفني تضل تدلع على احمد وتتغزل بيه كل ضنهه يحترگ گلبي سبحان الله الخلاهه بعيني حالهه حال الاخت مجرد مانكتبت على اسم اخوي
دخلت للبيت صارت بوجهي بس شافتني
روان:  ويع اجه اخوك العكره
احمد:  لچ هذا مصطفى الضلع بس دره بيچ مشتهيه سمچ راح جابلچ واجه
مصطفى:  هاچ بس جهزيهه بين مااحضر الحطب
روان:  ماشي ثواني بس
مصطفى:  جاي اشوي بالحديقه وشفت سياره صفت اباب اهل روايه ولشوي وچان تنزل روايه وامهه اول مانزلت صدت عينهه بعيني اويلي يابه شگد مشتاگلهه وعلي
احمد احمد تعال وينك
احمد:  ها ابو الصوف شكو
مصطفى:  تعال هاي السمچه جهزت اخذهه حطهه بصينيه وبالعافيه انت ومرتك
احمد:  وانت؟
مصطفى:  لا اني مااشتهيه حبيبي بس اجوع اكل
احمد.:  شني السالفه لا ريوگ ولا غده
مصطفى:  اي معدتي شوي تعبانه أكلو انتم بالعافيه
ركضت للسطح انتظرتهه تصعد ربع ساعه نص ساعه وماكو ليش ماتصعد ليش فاتت ساعه ايست
ونزلت
روان:  اخوك ليش مايأكل ويانه خاف حاطلنه سم بالسمچه
احمد:  اكلي اكلي ام حلگ الفاهي حاطلهه سم هي حاطلهه سم

روايه:  اول مادخلنه البيت ماما تخربطت والتهيت وياهه وادري مصطفى صعد فوگ واني همات چنت حابه اشوفه لأن مشتاقتله بس ماصارت بعد على غير يوم

هلو حبايب گلبي شلونكم شخباركم مشتاقين
مو تنسون لايك +تعليق +شير لرابط القصه