1️⃣9️⃣
#السيره_النبويه ١٩
❓ انت تعرف إن النبي ﷺ شاف سيدنا موسى وهو بيصلي في قبره ،،
نعم !!! سيدنا موسى هيصلي وهو ميت !!؟
ده اللي هو إزاي !
✍️ ليه وانت فاكر إن الأنبياء زينا كدة عادي !!
الأنبياء حياتهم البرزخية إللي بعد الموت تختلف تماماً عننا إحنا البشر ،،
بالنسبة لأجساد الأنبياء : لا تتحلل زي باقي البشر ،،
لأن ربنا حرّم الأرض إنها تأكل أجساد الأنبياء ،،
فأجساد الأنبياء في قبورهم زي ماهي ،،
❓طب وأرواحهم ،،
أرواح الأنبياء في الجنة ،، ماعدا سيدنا عيسي عليه السلام " روحه وجسده في السماء " ،،
❓ الله !! إزاي أجساد الأنبياء في قبورهم ، وازاي أرواحهم في الجنة ،،
أُمال النبي ﷺ شاف سيدنا موسى بيصلي في قبره إزاي 🤔 !؟
✍️ الأرواح من جنس أمر الملائكة،،
يعني بتطلع وتنزل وتروح وتيجي في ثانية عادي ،،
فأرواح الأنبياء في الجنة لها اتصال بالجسد في الأرض،،
إزاي بقي !؟
الله أعلم ،،
محدش يعرف ،، لأن حياة البرزخ مختلفة تماما عن الحياة الدنيا ،،
دي من الأمور الغيبية إللي محدش يعرف عنها حاجة ابدا ،،
يعني بنقول آمنا بالغيب وسمعنا وأطعنا وصدقنا يارب ،،
❓ طب سيدنا موسي كان بيصلي زينا كدة عادي !؟
✍️ لأ طبعاً ،،
صلاة الأنبياء في القبر مش صلاة تكليف ،، مش واجبة عليهم يعني ،،
لكنها عبادة تشريف ،، وربنا عزوجل ألهم الأنبياء بها ،،
❓ و النبي ﷺ شاف سيدنا موسى بيصلي في قبره إزاي 🤔!؟
✍️ ربنا سبحانه وتعالى أعطى للنبي ﷺ القدرة على رؤية الأمور الخارقة ،،
❓وربنا أعطاها للنبي ﷺ امتي !؟
✍️ بعد ما النبي ﷺ رجع من مدينة الطائف ،،
ونزل سيدنا جبريل عليه السلام من سقف الاوضه إللي كان النبي ﷺ قاعد فيها ،،
وقاعد بيفكر في الابتلاءات إللي مر بيها ، والحزن إللي مالي قلبه ،،
فربنا عزوجل أراد أن يهون علي قلب النبي ﷺ
وجهزله رحلة جميلة ،، ليثبت قلبه عشان يقدر يكمل في طريق نشر الدعوة ❤️
فشق سيدنا جبريل عليه السلام قلب النبي ﷺ للمرة الثانية ،، ورجع قلب النبي ﷺ مكانه ومسح على صدره وقاله:
فيه أذنان سميعتان وعينان بصيرتان ، لسانك صادق ونفسك مطمئنة!
يعني النبي ﷺ هيشوف ويسمع إللي غيره مكنش بيشوفه ولا بيسمعه ❤️
بعد ما جهز النبي ﷺ هيخرج مع سيدنا جبريل عليه السلام لرحلة الإسراء والمعراج 😉
أنت تقرأ
السيره النبويه
Espiritualمختصر عن السيره العطره لسيد المرسلين سيدنا محمد صلي الله عليه وسلم
