السيره النبويه

٢٣ : الجزء الثالث و العشرون

2️⃣3️⃣
#السيره_النبويه ٢٣

= يا رسول الله، ألا تتزوَّج؟
" مش عايز تتزوج يا رسول الله "؟!

= فقال ﷺ: "ومَنْ؟"
" أتزوج مين بعد خديجة "!!؟

= إنْ شئتَ بكرًا، وإنْ شئتَ ثيِّبًا..
" لو عايز الصبية العفيفة إللي لم تتزوج فهي موجودة ، ولو عايز إللي فقدت زوجها فهي برضو موجودة ،،

= فقال ﷺ: "ومَنِ الْبِكْرُ وَمَنِ الثَّيِّبُ؟"
" ومين فيهم البنت ، ومين المدام " فقدت زوجها سواء طلاق أو موت " ،،

= فقالت: أمَّا البكر عائشة رضي الله عنها، وأما الثيِّب فسودة بنت زمعة،،
" البنت : هي بنت أحب وأقرب خلق الله إليك ،، وهي عائشة رضي الله عنها ،،
والمدام : فهي سودة بنت زمعة ، آمنت بك واتبعتك ،،

❓مين إللي بتشجع النبي ﷺ يتزوج بعد وفاة خديجة بنت خويلد رضي الله عنها وأرضها !؟

✍️ الصحابية الجليلة خولة بنت حكيم زوجة عثمان بن مظعون ،،

طبعاً إحنا عارفين إن السيدة خديجة رضي الله عنها ، كانت من أحب خلق الله إلى النبي ﷺ ،،
وعم النبي ﷺ رغم كفره ، لكن كان بيحب عمه جداااا ، وعمه كان دائماً بيمنع عنه أذي قريش ،،

السيدة خديجة ، وأبو طالب ماتوا الاتنين في سنة واحدة ،
النبي ﷺ حزن جداً علي فراقهم ،،
فجبر الله خاطره وقلبه برحلة الإسراء والمعراج ❤️

الصحابة كانوا بيحبوا النبي ﷺ جداً ،،
فكانوا زعلانين أوي إن النبي ﷺ بقي وحيد !!

فقعدوا يفكروا مين اكتر واحدة ذكية وحكيمة تقدر تقنع النبي ﷺ بالزواج مرة تانية ،،

فإتفقوا علي الصحابية الجليلة خولة بنت حكيم ،،
وبعتوا خولة تقترح علي النبي ﷺ الزواج مرة تانية ..

فذهبت خولة للنبي ﷺ وعرضت عليه الزواج من عائشة رضي الله عنها وسودة بنت زمعة رضي الله عنها ،،

= فقالها ﷺ عائشة صغيرة ،،
" كانت عائشة في الوقت ده عمرها ست سنين " ،،

= فقالتله الصغيرة تكبر يا رسول الله ،،

= فالنبي ﷺ سألها عن سَوْدَة بنت زَمعة،،

= فقالتله : زوجها مات وسابها بين أهله المشركين ،،

= فالنبي ﷺ قالها : "فَاذْكُرِيهِمَا عَلَيَّ".
" خلاص هيتزوج الاتنين عائشة ، و سودة " ،،

فذهبت السيدة خولة -رضي الله عنها- إلى السيدة سودة،، وأول ما شافتها فقالتلها:
ما أدخل الله عليك من الخير والبركة..
" ده أنتي ربنا رزقك بالخير والعوض والبركة إللي تملي حياتك فرحة ❤️

طبعاً سودة مش فاهمه فيه إيه!
فقالتها : إزاي !؟

= فقالتلها خولة : النبي ﷺ بعتني مخصوص عشان أخطبك ليه ،،
يا سعدك يا هناكي ..