لماذا حين غادرت أبقيت نفسك في داخلي؟
_________________________________
فتون(أم ريم) : يلا ماما تأخرتي ع دوام
ريم : تمام كعدت
صحيت مثل كُل يوم بدلت ملابسي و نزلت أصبح عليهم
حيدر (ابو ريم ) : هلا بوية اكول هذا نور منين طالع ريومتي كعدت
ريم : حبيبي بابا شونك
حيدر : بخير بوية يلا بسرعه اكُلي الخط اجة
ريم : ميعرف يصبر شوية اوي
كملت اخذت مصرفي من بابا و طلعت للخط صبحت عليهم و كعدت اراجع عندي امتحان احياء وصلت لمدرسة و طبيعي اروح نفس المُكان الي دوم اوكف بي انتظر نور
نور : يا هلا ست ريم بعد وقت
ريم : يووو نور اسُكتي اليوم حيل تعبانة
نور : سلامتج حبيبي اكول شفتي شكو برا
ريم : يمعودة شنو هاي الهوسة الي موجودة برا شسالفه
نور : ولج ذولة ضباط اجوي مدري شصاير مشكلة بس محد يحجي
ريم : يمعوده لدوخيني بيهم بـ الگوة جامعه معلوماتي خاف تتخربط
نور : ريومتي اليوم اعتمادي عليج فدوة ما قارية
ريم : اعتماد ع الله حبيبي تمام لتخافين اني قارية
دخلنا للصف كعدت دا اراجع و اجتني خلود
خلود : عفوا ريم بس المديرة تريدج
(طبعا خلود من أكثر الناس الي اكرهم حقنه متنحب ابد )
ريم : تمام
رحت للمديرة اشوف شكو
ريم : عفوا ست طلبتيني
المديرة : اي ماما تعالي ادخلي
ريم : دخلت وكفت كدام المكتب مالتهه
المديرة : ريم صايرة هواي تجي عليج شكاوي ليش هيج ماما انتي شاطرة و مؤدبة سمعتج حلوة ليش هيج صايرة
ريم : عفواً ست بس ما اعرف ع شنو دا تحجين
المديرة : ليش هيج مسوية بـ خلود هيه مو صديقتج شنو هذا التصرف مال اطفال
ريم : ست اني مدا افهم شسويتلهه
المديرة : يعني متعرفين انتي الي شكيتي دفترهة
ريم : ست اني ما مصرفه هذا التصرف هيه چذابة
المديرة : ريم ماما عيب تجذبين انتي جبيرة
ريم : اني لو مسوية هيج جان حجيت ما خايفة من أحد بس ما شاكة دفترهه اصلا هية تغار مني و تحاول توكعني بـ مشاكل
أنت تقرأ
عشک ابن الانبار
Romanceقصة بقلمي أنا الملاك المتواضع تتموحر عن : الغدر بين الاصدقاء والابتزاز الالكتروني والحُب الوهمي ظلم الأهل العادات والتقاليد ظلم الحياة واكثرها وجعاً الحُب المُستحيل
