احُببتكِ حُب لو تعُلمَ بهُ، لنَدمُت خجُلاً مَن البعَد.
_________________________________
ريم : بقينة نسولف اني و ماما وراها راحت و بقيت افكر معقولة حبيتة وليش أحبة أصلاً ما شفتة غير مرة وحدة و ع شنو أحبة اكبر مني بهواي و ما اعرف علية اي شي جوز مزوج و عندة اطفال أصلاً بنتة بعمري ما اعرف احس نفسي تايهه اول مرة احس هذا الشعور مدا افهم نفسي شريد ما اعرف نفضت هاي الأفكار من راسي و توضيت و صليت رفعت ايدي دعيت ربي يخلصني من هاي الفوضى الي دا اعيشهه يا رب خلص نور إذا چانت واكعه بـ مشكلة اهديهه إلى الطريق الصح احفظلي اهلي يا رب ما عندي غيرهم
ما اعرف بهذا اليوم چان گلبي مقبوض بقيت استغفر و قريت أدعية شوية رتاحيت نزلت جوا لكيت ماما و بابا كاعدين
حيدر : يا هلا بـ ريم صح النوم بوية
ريم : هلا بيك بابا حبيبي لعد منتظر وين
فتون : بـ غرفتة
ريم : تمام راح اروح اشوفة
___________________
احمد : هسة غير يحجي منو هاي
اكثم : ما احجي
احمد : ليش بلا
اكثم : لأن تلزمهه علية و تبقى تضحك
احمد : لا لا ما اضحك بس احجي
اكثم : احلف
احمد : وداعت ودوقة
اكثم : غزالة
احمد : ههههههههههههههههههههااااااااي لا بشرفك
اكثم : و زقنبوت
احمد : لا لا اوكف مدا اصدك تحجي صدك انتَ لو تضحك علية
اكثم : يعني تعرف نفسك مضحكه
احمد : هسه غير يحجي
اكثم : يابة والله شبيك
احمد : شلون حبيتهه
اكثم : كتلك يمكن مو اكيد
احمد : هذا مو حب اعجاب مجرد وقت و تنسى
اكثم : اتمنى يا ريت لأن مستحيل اقبل اظلمهه وياي
احمد : وليش تظلمه وين تلكه احس منك
اكثم : دنجب يعني اني عمري ٣١ سنة و كم شهر ادخل لـ ٣٢ وهية كلهه صف خامس اعدادي
احمد : عادي الحب مو بـ العمر
اكثم : ما اعرف بعد
__________________
منتظر : ادخل
ريم : ما عرفتك استاذ منتظر صاير ثكيل و كذا
منتظر : ها حبيبتي لا والله بس شوية تعبان
ريم : عادي اكعُد يمك لو ازعجك
منتظر : صايرة تحترمين شعجب
أنت تقرأ
عشک ابن الانبار
Romanceقصة بقلمي أنا الملاك المتواضع تتموحر عن : الغدر بين الاصدقاء والابتزاز الالكتروني والحُب الوهمي ظلم الأهل العادات والتقاليد ظلم الحياة واكثرها وجعاً الحُب المُستحيل
