عشگ أبن الأنبار

part 10.

كان الامر يشبه نَزع شاش متصل بجرحٍ طري .

______________________

ريم : وخر من كدامي و حرف واحد ما اريد اسمع منك كافي خدعتني بما بيه الكفاية مو طفلة كدامك تقشمرني بـ كلمتين

اكثم : ريم و رب الكون احبج ما عندي غيرج أنتِ أكثر شخص حبيته بـ حياتي و مُستحيل يجي احد مكانج بس اسمعيني مو بـ ايدي من كُل عقلج يعني اعوفج و اروح ازوج شتحجين انتِ

ريم : حجيت واني اشهك بـ الگوة يطلع الكلام مني

_ حبيتك كُلش هواي اتوقع حتى أكثر من أبوية وانتَ أكثر شخص ثقيت بيك ما عندي غيرك بس انتَ شسويت حالك حالهم هم خذلتني و طعنتني بـ ظهري اكثم انتَ بعمرك ما حبيتني چانت نيتك وياية ضحك لا اكثر خليتني لعبة ولك انتَ أكثر انسان بلا شرف ولا رجولة انتَ ذكر حرامات تنحسب على الزلم لا و المصيبة نقيب سودة علية امأمنيك على بلد كامل ولك انتَ على حبيبتك ما حافظت تحافظ على بلد كامل اوف اسفة كُلش هواي اعتذر اقصُد لعبتك مو حبيبتك الف الحمدالله كدرت اكتشف حقيقتك انتَ نذل و عااار اكثم اكرهك من كُل گلبي اتمنى لو ما شايفتك ولا حابتك كُلش متندمة لأن متستاهل ذرة من حبي الك يا عاار

اكثم : ررريم كااافي ترا سكتت هواي ترا اسوي تصرف ميعجبج ابد

ريم : شسوي مثلاً تمد ايدك علية لو شنو ولو اني شترجى من واحد نذل مثلك واصلاً شكوو دا احجي وياك وخر من كدامي يلا ايعع شلون عالم

_ طلعت دا ادور على تلفوني اريد اخابر على بابا يجي

ودق : ريمة حبيبتي اني اعتذر كُلش هواي على الي سويتة وياج بس ما كدرت استحمل ابقى ساكتة

ريم : لا عادي عمري أصلاً اني كُلش ممنونة منج لو ما انتِ و احمد چان بقيت مخدوعة بي هذا العار كُلش اشكرج يلا لازم اروح ما اگدر ابقى أكثر

ودق : امشي خلي احمد يودينة يلا

ريم : لا ما اريد راح اخابر على بابا يجي

ودق : شتحجين من گل عقلج ابوج هسة يجي امشي أصلاً اني هم راح اروح يلا تعالي

ريم : تمام

_ طلعت و اني ما لابسة شي فوك الفستان قصير و چان اكو ولد هواي شافني اكثم لو تخبل صارو عيونة حمر و اجة يمشي سريع علية جرني من ايدي حيل و و لبسني البشت مالتة حجة و هوَ صاك على اسنانة حيل

اكثم : شلووون هيج طلعين تخبلتي

ريم : دا يحجي بعدة ما مكمل و ضربتة راچدي حيل

_انتَ اخر شخص آلة حق يدخل بية فهمت لو لا

ودق : عزا شسويتي ريم

ريم : اسمعني هاي اخر مرة تدخل بية ترا والله ثم والله اسويك فرجة الأمة لا اله الا الله فهمت شيخ اكثم