من تلهي روحك خاف تذكرهم
تلگه بكل تفاصيلك أثر منهم "
_____________________________
حيدر : شفت الرسالة مكتوب * سدد ديون ابنك اذا خايف على حياة بنتك * انصدمت يا ديون منتظر مداين وليش شيسوي بيهم الف سؤال بالي ما لكيت الجواب بقيت حاير معقولة منتظر لا لا مُستحيل منتظر بـ عمرة نملة ما ضار دخلت جوا صارت تبارك بوجهي
تبارك : خير شنو هذا الظروف ؟
حيدر : هيج ماكو شي شغل
تبارك : حيدر انتَ كُلش متغير وياية ابد مو مثل قبل ليش هيج صاير تذكر شلون جنت تحبني و تهتم بية بعمرك صوتك ما رفعتة و هسة صاير عوزك بس تمد ايدك علية شبيك ليش هيج صاير
حيدر : رحمة لـ اهلج عوفيني
.....................
( اليوم الثاني )
ريم : كعدت من وگت عندي دوام غيرت ملابسي و نزلت
- صباح الخير
تبارك : صباح النور تعالي تريكي يلا
ريم : بابا وين لعد ؟
تبارك : طلع للدوام
ريم : تمام اني ما اريد اكُلي أنتِ الف عافية
تبارك : ريم ليش هيج تصرفين وياية عبالك اني غريبة ترا اني مثل امج
ريم : اش ولا حرف لتقارنين نفسج بـ امي ابد ماكو شبهه
تبارك : راح اسوي نفسي ما سمعت لأن عاذرتج حقج هسة شوفيني اني شيطان اخذت ابوج من عدكم و من هاي الدراما الي عدنة احنا البنات اني لو چنت مكانج هم هيج راح اصرف بس خليهه بالج لتحكمين ع شخص أنتِ متعرفين ظروفة شنو
ريم : عفتهه و طلعت بقيت افكر بـ كلامهه ما اعرف شنو ظروفهه فعلاً بس هذا مو مبرر لكيت اكثم واكف براس الشارع
- عزاااا شسوي هنا
اكثم : وعليكم السلام
ريم : هاي شبيك شلون تجي هنا لو بابا شايفك
اكثم : امشي صعدي امشي لتخافين ماطول اني بـ ظهرج
ريم : اوووف منك ابد متوب
اكثم : شبيج ضايجة و عصبية شكووو متعاركة بـ الحلم
ريم : مو هيج بس صارت وياية مشاكل شوية
اكثم : خير شنو صار ؟
ريم : بابا زوج
اكثم : وين المشكلة بـ الموضوع
ريم : شبيك اكثم هية هاي المشكلة بذاتهه
اكثم : شكد تافهه لعد اذا هاي عندج مشكلة وين المشكلة بـ الموضوع رجال و من حقة يزوج ما سوا شي حرام او عيب حالة حال اي رجال شي طبيعي ليش تكبرين السالفة
أنت تقرأ
عشک ابن الانبار
Romanceقصة بقلمي أنا الملاك المتواضع تتموحر عن : الغدر بين الاصدقاء والابتزاز الالكتروني والحُب الوهمي ظلم الأهل العادات والتقاليد ظلم الحياة واكثرها وجعاً الحُب المُستحيل
