عشک ابن الانبار

part 6.

انيق قلبي جداً عَندما اختَاركِ روحاً له .

________________________________

نور : شلت الفلوس اريد اخذهن بس ما كدرت مُستحيل شلون اكدر اخون ثقة صديقتي شلووون ما اكدر لا لا مٌستحيل ريم اختي مو بس صديقتي وكفت وياية بـ مواقف كومة مينعدن جانت سند الية لو أهله الي معتبريني بنتهم جانت امهه اي شي اجيب لـ ريم اجيب آلية هم ابوهه يكولي دوم انتي بنتي الثانية اي شي تحتاجين اني مثل ابوج ما اكدر اخونهم علمود واحد سافل حقير نذل رجعت الفلوس لمكانهن و اخذت الدفتر طلعت من البيت كُلة قفلتة و رجعت المفتاح نفس مكانة رحت للبيت

.............

ريم : طلعنة اني و بابا من المستشفى رجعنا للبيت واني ما بيه كُل حيل بـ الكوة دا امشي بعدني لحد الان ما مستوعبة اهلي راحوو مني دخلت للبيت بابا راح لغرفته واني رحت لـ غرفة منتظر طلعت ملابسة حضنتهم و ابجي اخوية سندي و قدوتي جان دوم يساندني ابد ما شفت من عندة موقف محلو ابد توأم روحي اموت علية ما عندي احد غيرة جان يعتبرني صديقتة قبل اختة جنت اموت قهر لمن اشوفة شلون اتغير بـ اخر فترة حيل أحبة شلون راح اصبر ع فراكة اموت ورا والله ما اكدر

................

حيدر : طلعت صور مرتي و حبيبتي و ام إطفالي يعني صدُك رحتي و عفتيني وحدي شلون انطاج گلبج تعوفيني بعدني ما شبعان منج والله حاربت الدنيا كُلهه علمودج حتى اهلي عاديتهم علمودج بعدني ما متهني بيج و اخذج الموت مني اخخ يا فرحتي ما عشت السعادة الا وياج ما ضحكت من صدُك بس وياج عيني ما شافت غيرج ابد متندم ع كل لحظه عفتج بيهه ع كل يوم نمتي مقهورة مني لو ترجعيلي وعد ما اخلي دمعة وحدة تنزل منج وعد بس رجعيلي ابوس ايدج ما عندي غيرج عوضتيني ع الدنيا كُلهه جنتي حيل حنينة علية ما راح الكة مثلج ابدج بنت روحي ما انساج لحد گطع النفس

.................

اكثم : بقيت صافن و حاير شلون حبيتهه بـ هاي السرعة وليش هية بـ الذات مُستحيل اظلمهه وياية بس ما اكدر انساهه احبهه حيل احس نفسي اعرفه من سنين زين شلون راح اعترفلهه وهية راح تقبل بيه الف سؤال بـ راسي ما لكيت الهن جواب

منال : ها يمة شبيك صافن وحدك

اكثم : ما بية شي ليضل بالج

منال : چنك واكع و محد مسمي عليك

اكثم : اخخ يا يمة ابنج چنة عشگ

منال : راية الله بيضة گول يمة منو هية من باجر اخطبهه الك يا روح امك

اكثم : يمة بعدنة بـ اسم الله يا خطوبة منو يكول أصلاً تقبل بية

منال : هاي العايزة متقبل بيك تروحلك فدوة وين تلكة مثلك الف وحدة تتمناك جمال و وظيفة و شيخ شتريد بعد

اكثم : يمة ع كيفج خطية البنية لا بيهه ولا عليهه اجتهه رزالة

منال : گولي يا يمة منو هاي الي كدرت تأخذ گلب الشيخ اكثم