عشک ابن الانبار

part 5.

قد ينسى الإنسان أنه حي بعض فترات
حياته حتى تلمسه يداً تُحبه .

_____________________________

اكثم : جنت كاعد اني و احمد دا نسولف دك تلفون احمد

احمد : لازم اروح هسه

اكثم : شعندك وين مولي و عايفني

احمد : دولي اروح اشوف بنت گلبي شعندي كاعد يمك

اكثم : ديلا ولي خصلني منك

راح احمد بقيت كاعد وحدي ردت اروح اشتري مي بقيت جامد مُكاني من شفت بنت روحي هية و دا تضحك و تأشر بـ اديهه الناعمات ما اعرف شلون اوصف شعوري فعلاً اجمل شعور يعيشهه الإنسان من يلتقي بـ الي يحبة قاطع صفنتي صوت عالي هوَ صوت الانفجار

...................

ريم : صار الانفجار ورا ماما و منتظر بـ الضبط وكعت ع الأرض ما حسيت بشي بعد الا لمن صحيت جنت بـ غرفة بيضة بديت استعاد وعي شوية شوية شفت نقيب الصاك كاعد ع كرسي يمي و هوَ ملابسة كُله دم
و ايدة مشكوكة و عندة اصابة بوجهه من يم عينة نازلة ع خدة

_ اني وين عفية اريد اهلي ماما منتظر بابا وينهم اعيط و ابچي

اكثم : اش اس اهدي اهدي ما بيهم شي كافي مو زين عليج حبيبتي اهدي

ريم : وخر عني انتَ منو و شجابني لهنا اني

اكثم : اني جبتج هنا

ريم : وخر عني لتلزمني ابتعد

اكثم : تمام تمام بس اهدي مو زين عليج توج صاحية ثواني أصيح الدكتور و اجي

ريم : طلع و اني شلت الكانونة من ايدي بقت ذب دم بس ما اهتميت الي يهمني اهلي اريدهم طلعت اركض بـ المستشفى ما اعرف وين اروح بس اريد اطلع منا اريد اروح الاهلي

اكثم : رحت تصيح الدكتور رجعت لكيتهه طالعة ما موجودة طلعت اركض ادورهه لكيتهه بـ الطابق الاول تريد تطلع ركضت عليه حضنتهه من ورا قيدت حركتهه

ريم : عوفني حباب اريد اروح الاهلي عوفني

اكثم : اهدي هسة أني اخذج بس اهدي مو زين عليج يا ماي عيني اهدي

ريم : يلا حباب أخذني هسة فدوة اروحلك

طلعت اني ويا ما اعرف شلون ثقيت بي و هوَ غريب ما شايفتة غير مرة وحدة بس جان كُل همي اشوف اهلي رحنة لمكان الحادث و لكيتة كُلة دم المكان عبارة عن دم و هوسة و العالم تعيط و تبجي حرفيا جان اصعب موقف بحياتي موقف مرعب ركضت لمكان الي جانو اهلي كاعدين بي ما لكيت أحد بس دم و لحم مطشر هنا حرفيا نهاريت بس ابجي و اعيط اريد اعرف هذا دم اهلي لو منو شفت حلقة مال ماما مشمورة يم هذا الدم هنا اتأكدت هاي امي فرفحت روحي

_ ماما وين عفتيني ماما فدوة اروحلج كومي ماما ما الي غيرج يروحي ماما وينننننج منتظر كوم كوم شوف اختك شصار بيههه وين عفتوني ثنينكم وين اخذوني وياكم ليش عفتووووني وحدي وووللللللج يمممممة وين عايفة بنينج مو دكوليلي دوم ما اعووووفكم للللللليش هسة عفتيتي