Lollipop

Part-3

Unicode

လူ​နေအိမ်​ခြေများနှင့် ​ဝေးလာသည်နှင့်အမျှ ပတ်ဝန်းကျင်ဟာ တိတ်တဆိတ်။
ညပိုင်းမလို့ထင် ​ဆံနွယ်တို့ဝဲရုံသာ ခတ်တတ်သည့် ​လေ​ပြေတို့မှာ အ​အေးပိုသည်။
အုပ်နံရံနှစ်ဖက် ကာရံထားသည့် လမ်းသွယ်တစ်ခုထဲ ချိုးဝင်လိုက်​တော့ ရင်နှီးပြီးသား အ​မှောင်ဟာ ဂျယ်ယွန်းတစ်ကိုယ်လုံး​ပေါ်သို့ အုပ်မိုးသွား၏။
သူ၏ ခပ်ပြင်းပြင်း​ခြေသံ​ကြောင့်ထငိ အစာရှာ​နေလက်စ ​ကြောင်​ပေါက်က​လေးများမှာ မလှုပ်ဝံ့ပဲ နားစွင့်​နေသည်။
ပိုမိုကျဥ်း​မြောင်းလာသည့် လမ်းသွယ်နဲ့အတူ အ​ဝေးမှ စကား​​ပြောသံများကို ဂျယ်ယွန်း ပြတ်​တောင်ပြတ်​တောင်း ကြား​နေရသည်။
ရပ်ကွက်တစ်ခုလုံး တိတ်ဆိတ်​နေ​​ပေမယ့် ရပ်ကွက်အစွန်ကျကျမှာ တည်ရှိ​​​သော လမ်းကျဥ်းသာသာ​ထဲက အိမ်​ခြေတစ်စုက​​တော့ ညလုံး​ပေါက် ဆူညံ​နေတတ်သည်။
ဗိလိယက်ခုံ ၊ဂျင်ဝိုင်း၊ ဖဲဝိုင်းများနှင့် သူ့​နေရာနှင့်သူ စည်းကား​နေသည့်တိုင် တိုက်ခန်းအကုန်လုံး နီးပါးမှ​တော့ နုံချာချာ။
​ကျောဖက်မှ ထွက်​ပေါ်လာသည့် ဝိုးဝိုးဝါးဝါး ​အော်မြည်သံများကို ဥ​ပေက္ခာပြုလို့ ဂျယ်ယွန်း တိုက်ခန်း​ပေါ်သို့သာ တက်လာလိုက်သည်။
တိုက်ခန်း​ ​လှေကားထိပ်က မီးလုံးဟာ မှိတ်တုတ်မှိတ်တုတ်​​ ဖြစ်​နေပေမယ့် အလွတ်ရ​နေသည့် ​လှေကားထစ်များကို ​ဖြတ်​ကျော်ကို ခိုလှုံရာ အရိပ်မြုံ​လေးထံသို့သာ ရောက်ချင်​ဇော များ​နေအပိုယူလာသည့် ​သော့တံဖြင့် ​သော့ဖွင့်ကာ တံခါးအားတွန်းဝင်မိ​တော့ သံ​ချေးအလိမ်းလိမ်းတက်​နေသည့် တံခါးက အသံရှည်ပြုသည်။
မီး​ရောင်မှိန်ှိန်​အောက် ပွလန်ကျဲ​နေပါ​သော ပစ္စည်းများနှင့် စားပွဲက ထိုးထိုး​ထောင်​ထောင် ပုလင်းအခွံများ။
စားကြွင်း​တွေ​ကြောင့် ​အောက်သိုးသိုးအနံ့ထွက်​နေ​ပေမယ့် ဂျယ်ယွန်း စိတ်ထဲ မနှစ်မျို့တာမျိုး မခံစားမိ။
' အိမ်' ဆိုတဲ့ စကားလုံးနဲ့သက်ဆိုင်​သော ​နေရာဟာ ထို​သို့​သော နေရာဖြစ်​နေခဲ့တာမလို့ပါပဲ။
နွမ်းဖက်ဖက်နဲ့ ဖရိုဖရဲ ဖြစ်​နေ​ပေမယ့် ​ဂျယ်ယွန်းအတွက်​တော့ နွေး​ထွေးမှုအရှိဆုံး၊
သက်​သောင့်သက်သာ ​ကျောခင်းဖို့အသင့်​တော်ဆုံး ​​နေဝင်လာတိုင်း အပြန်ချင်ဆုံး 'အိမ်'ပါပဲ။
လက်​မောင်း​ကြောတို့​တောင့်တင်း​​အောင် ဆွဲကိုင်ထားရသည့် ဆွဲအိတ်ကို ထိုင်ခုံ​ပေါ်ပစ်တင်လိုက်ရက်နဲ့​တောင် ဂျယ်ယွန်း နည်းနည်း​​လေးမှ ​ပေါ့ပါးသွားသလို မခံစားရဘူး။
မျက်နှာကျက်​ပေါ်မှ တကျွီကျွီလည်​နေသည့် ပန်ကာ​ကြောင့် ​နှဖူးစပ်မှ ​ချွေးစများဟာ ​ပျောက်လုလု။
​အ​ပေါ်ထပ်ကုတ်ကို ချွတ်လို့ အင်္ကျီလက်တို့ကို ​ခေါက်တင်ကာ သန့်ရှင်း​ရေးအမှုကို အရင်စတင်လိုက်သည်။
​လော​လောလက်လက်မှ စားထားပုံရသည့် ​ဘေစင်ထဲမှ ​ပန်းကန်အချို့ကို ​ဆေး​ကြောပြီး ပန်းကန်စင်​ပေါ်စီထပ်လိုက်သည်။
​နေ့လည်ကတည်းက ဗလာဖြစ်​နေသည့်အစာအိမ်​ကြောင့် ထမင်း​ပေါင်းအိုကို ​မျှော်လင့်တကြီး လှပ်မိ​တော့ ​​အောက်ခြေကပ်ရုံသာ ကျန်သည့် ထမင်းများဟာ တစ်​ယောက်စာစား​လောက်ရန် ချန်ထားသည်​တော့ မဖြစ်နိုင်။
စားမကုန်၍ ကျန်​နေခြင်းသာ။