نوارس الرجاس

بارت اول

 عليّ صار النهار الليل
تاهت كل موازيني
الماي الي يطفي النار
آنـه الماي يچويني .

روايه نوارس الرجاس بقلمي (ريري الجبوري)

لاتنسن التصويت حبايب🕊️🕊️

~~~~~~~~~~~~~~~~~~~~~~

......راح اطلع من السجن

::-شنو شلون؟؟؟

...... هاي الاشلون بعدين نتناقش بيها بس شو
مافرحانه وزوجج راح يطلع من السجن

::-مصدومه شلون بهل السرعه تطلع من السجن وانت مطلوب هواي وقصه فرحانه أو لا ف أنت أكثر انسان تعرف ابد ماافرح من طلعتك من السجن اصلا تطلع منا  تدخل منا   ويكون ب معلومك * سجنك يعني حريتي*

.......يكون ب معلومج ماكو حريه الج سوا جنت مسجون لو لا

::-الحجي وياك مضيعة وقت

.....دوم تعجبني

::-شلون راح تطلع؟؟

...... اكو واحد راح يدفع ديوني كلها ويسد  قضية الحبوب

::-منو هذا وشنو المقابل

.....منو هذا مو مهم بس شنو المقابل هو المهم والي لازم تعرفي

::- وشنو المقابل

....*.ليله وياج*
\\\\\\

تلك هي دهاليز القدر تضعني في أسوة معتقل
ل أسوة رجل يساوم على شرفه وهو ليس لديه اي شرف وتبقى الأنثى الضحية الأولى لبلد سيادته ذكورية ب امتياز وييسود التفكير هل نحارب لأجل الشرف ام نستسلم لأجل الظروف والسؤال هنا كم نورس مثل حكايه نوارس......

كل عادة لازم اكعد على صوتها وعدم رضاها عليه كمت واني اسمع صوتها العالي الي تعودت عليه كل يوم
ام ايمن:ست الحسن شوكت بله ناويه تكعدين  وتوصلين الاكل حقج شهامج نايمه ومرتاحه وماكله وشاربه وهذاك ابني ب السجن مشتول

نوارس : هههههههههههه عمه ياراحه تحجين عليها تحجين صدك بعدين ابنج كلشي مابي ومشمور ب السجن احجي ب ابني الي من المه ما نام لو ايمن يفكر ب ابنه ما صار هيج

ام ايمن :ولج والج عين تحجين ياحقيرة روحي وديله الاكل بسرعه راح تخلص موعد الزيارة

نوارس: شنو وين غيرتكم من ادخلون جنتكم ل المركز كل يوم شايفين المركز شنو من ناس جامع  تدرون شنو من حجي اسمع بسبب ابنكم والله حرام عليكم

ام ايمن :ديله على أساس منيل اخذناج احنه واذا ماعاجبج روحي ل اهلج وكليلهم ههههه

روحي ل اهلج وكليلهم جمله من3كلامات هدت حيلي كله اهلي ههه ليش وين أمي ومنو يعرف اراضيها لو ابوي الظالم وزوجته الي بسببهم وصلت ل هل الحال