بقلمي رباب الجبوري
بنات لا تنسن التصويت والتعليقات بين الفقرات 🔥
تابعوني على انستا يوزري rery__1999
تابعوني على حساب الواتباد rery__1999
###############################
تظن أنك أبحرت وتعمقت بي وانت لم تتجاوز الشاطئ حتى
بعد ماسمع قرار هناء راح كعد على القنفه طلع الموبايل واتصل ؛؛عرفنه من خلال كلامه جاي يحجي وي المحامي
رجاس: السلام عليكم أستاذ
المحامي: وعليكم السلام ؛؛اهلا سيد نمر
رجاس:اهلا بيك ؛؛لان اعرفك محامي شاطر وكفو جايك بشغله.
المحامي:عد عيناك أمرني
رجاس:قضيه طلاق أو خلع ادزلك التفاصيل بكامل بس خل ابالك احنه انريد الطلاق بكل إصرار ماعلينه ب الطرف الثاني سوة راد أو لا
المحامي:تمام معناها راح أصير دعوة لان الطرفين ما متفاهمين على قرار معين حسب كلامك.
رجاس:هو هيج اضافه الطرف الثاني اله ايد ب الدولة وعنده معارف وواسطات يعني الشغله مو صغيرة
المحامي:بهاي الحاله انريد ادله قويه حتى ادينه
رجاس:عندي كل الادله ؛؛ اول شغله تعنيف والدليل مسويلها تقرير طبي بحالتها ؛؛ثاني شغله الحبس والدليل شهادة العمال الي بيتهم ؛ثالث شغله الخيانه والدليل شهادة الأبنية الي خانها وياها بصوت وصورة
المحامي: هههه حقيقه رابح الدعوة حتى قبل ما ترفعها احييك سيد نمر أصلا ما تحتاج محامي
رجاس مالنه غنه عنك
المحامي:تمام لعد خل نلتقي ونحجي ب التفصيل ومتأكد رابحين الدعوة بإذن الله.
رجاس:اعرفك كدها ؛؛ان شاء الله بليل امر لمكتبك.
سد التلفون منه
ابورجاس:يعني شنو هاي هيه صارت صدك ؟
رجاس:بويه مو انت تكول القرار الأول والأخير لهناء هاي سمعت ب اذنك كلامها بعد شهل الحجي.
سعاد:خل تولي هاي تحجي وحدها ما تعرف مصلحتها واحنه شنو نضل نمشي وراهن شيريدن انسوي لا والله ربحنه.
رجاس:سبحان مغير الاحوال؛الظهر تكولين هاي كدامك واسألها هسه لمن سألتها صارت ما تعرف مصلحتها لا سعودة تعرف مصلحتها كلش زين.
سعاد:يعني شتريد توصله من تخرب بيت اختك بيدك .
رجاس:خاف احجي واطلع إني كوا... مااحترم الأكبر مني اسكت احسن.
أبو رجاس:يكون بعلمك إني طالع منها اشو محد يمشي بشوري ومسويلي احترام كل اشويه تمشون برأي منك لهناء لاابو حسن. ؛؛مو بعدين تجي بويه الحكلي .
أنت تقرأ
نوارس الرجاس
Romanceفتاة تتخبط في دهاليز القدر مع طفل مريض وام مفقودة هل تحلق في السماء ك النوارس ام تغرق في قاع الرجاس
