نوارس الرجاس

بارت 21

بقلمي رباب الجبوري

بنات لا تنسن التصويت والتعليقات بين الفقرات 🔥
تابعوني على انستا يوزري rery__1999
تابعوني على حساب الواتباد rery__1999
###############################
صمتك في وجه المسيء حكمة وليس ضعف.

نوارس:شنو رجاس شبيك؟؟

رجاس:جاوبيني أيمن شيعنيلج ؟؟..

نوارس:بهل الليل شذكرك ب أيمن؟.

رجاس:كل الوقت أبالي لج والله من شفتج لسه أفكر شتخسرين من تحجيلي الحقيقة.

نوارس: اول شئ ايمن مات والحجي عنه ماراح يقدم شي ولا يأخر وحتى لو احجي مااصدك بيه.

رجاس:حاب اعرف كلش ضروري أعرف كلشي.

نوارس:ليش ؟؟..

رجاس:بدون ليش نوارس احجي.

نوارس:اسأل الي تريده يشهد عليه ربي راح اجاوب بكل صدق وراح تتفتحلي جروح بعدها ما شفت ؛؛ياريت بعد هل الحجي تصدك بيه ومايكون كلامي هباء منثورا بلكي نصفي على بر ونخلص رجاس .

رجاس:تحبين ايمن ؟.

نوارس:عمري ما حبيته اذا كان إلي مشاعر تجاه ايمن فهي الكره والحقد.

رجاس:اذا هيج ليش ازوجتي ؟.

نوارس:انجبرت مثل ماانجبرت عليك.

رجاس:ما ترتاح الا تجفص ؛؛المهم شلون انجبرتي ومنو جبرج وليش ؟.

انقبض كلبي وإني أذكر إلي مريت بي بلشت اسردله بالتفصيل ودموعي تنزل

نوارس: إني طفله فقدت امها بعمر السنتين أو أكثر بشويه ؛؛وربتني مرت ابو بس من سوء حضي مرت ابويه ماعدها رحمه أو الغيره مني ومن حب أبوي إلي كبر الحقد بكلبها عاملتني  ب اسوء معامله.

رجاس:اي وتالي.

نوارس:بعد طفوله مدمرة عشتها  بلويلات ومن صرت بعمر 12بلشت مصيبه أكبر وهي مصيبه التحرش من قبل اخوها إلي هو ايمن.

رجاس:شنووو ايمن جان يتحرش بيج وأنتِ طفله!.؟.

نوارس: أي والله أي رجاس على الأقل انت صدكني.

رجاس:زين ليش سكتي لهذاك العار ليش ما كلتي ل ابوج.

نوارس:كلت بس محد صدكني لان ايمن متفق وي ساهرة وهمه يقنعون ابوي وخلوا يفقد الثقه بيه.

رجاس:شلوووون فهميني شلووووون؟؟

نوارس:تهموني عندي علاقات وي ولد.

كلت هيج وكعدت ب الكاع رجليه بعد ما يحملني صوتي اختفى بكد مااكو غصه وهم بكلبي ؛؛هوجان واكف مصدوم من الي سمعه.

رجاس:شلون اتهموج هيج اتهام وليش ما برئتي روحج؟؟.

نوارس:انت شتحجي ما تكلي شتحجي كل همك تريد تعرف شريفه اني لو لااااا ما همك بنيه بهيج عمر تتعرض لاتحرش ماهمك بنيه بهيج عمر تتهم هيج تهمه طفله وإني ماعندي ام شدافع ومنو يدافعلي منووو يفهمني منو يصدك بيه تررررة جان ماعندي غير لسان ودموع وهذني ماشفعن لحالي ولا خلن أحد يصدكني برائتي وطفولتي كلامي ودموعي لاشئ كدام خططهم ومكرهم.