نوارس الرجاس

بارت 22

بقلمي رباب الجبوري

بنات لا تنسن التصويت والتعليقات بين الفقرات 🔥
تابعوني على انستا يوزري rery__1999
تابعوني على حساب الواتباد rery__1999
###############################

المصبيةليست في ظلم الأشرار بل في صمت الأخيار

رجاس:هاي شنووو

شفنه قصي محمل السيارة شباب نزل هو وبسام وجود وزيد وحيدر

قصي: السلام على عباد الله الصالحين.

رجاس:اجابك؟؟

قصي:ابن الخوش مريه صاير أزور من ورأي ..

رجاس:ابن المخوش امريه اشعرفك؟؟.

قصي:استخبارت.

رجاس:ولك شو بسرعه لميت كل هذوله واجيت.

قصي:وعلي كلت اجيب أمي وام بسام وبعد شكم وحدة بس مالحكت كلت خاف يعطلنه وتزور قبلي

شبعنه ضحك عليهم سلموا على اميمه ومشينه فرح وهناء طارن ما مشن من الفرح اباوع لبسام كل شويه ويخطف نظره من هناء أما فرح أصلا ما شالت عيونها عن قصي

فرح:دخيل الله شكد حلو

نوارس:منو ؟

فرح:ها اقصد الجوو..

جود:نوارس اطيني يزن خاف يتعبج

شفت رجاس دار وجه يباوعلنه خزرني ونتر

رجاس: حيدررر أخذ الطفل من نوارس..

اخذه حيدر واميمه تدفع بفرح وصلنه للتفتيش كال رجاس هنا ننتظرجن من اتكملن تعال رحنه نزور

كل الطاقه السلبية راحت انتعش كلبي أول مرة ازور
شبعت زيارة  وبجي وصلاه كل مااريد اطلع ارجع ازور اباوع للنسوان كل وحدة تدعي شكل وعدها هم شكل.

اباوع ل اميمه تبجي مهضومه وفرح بسكته دموعها تجي وتدعي بهمس وهناء كاعدة بجهه دعاويها وبجيها خلت حتى النسوان يسالن عليها إني دعيت ليزوني وكون كل وحدة تنحل مشاكلها متت من الحركه على فرح وهناء رحت يمهن

نوارس:امانه هناء كافي صدكي ربي ما يعوفج لابد يوم وتفرج والله كطعتي كلبي.

هناء:شسوي نوارس والله حايرة وخايفه.

نوارس:بس اتكلي على الله وهو يدبر امرج صدكي ؛ترة دوام الحال من المستحال والله يفرجها عليج صدكي يجي يوم ويضحك وجهج والله يعوضج بمكان دموعج وأصلا راح تتحول دموعج من حزن لفرح.

هناء:عود صدك .

نوارس:عندج شك برحمه الله.

هناء: اكيد لا

نوارس:لعد هاي هيه ريحي بالج وماالج الا الصافي.

هناء:مو الي اريده صعب.