بقلمي رباب الجبوري
لاتنسن التصويت والتعليقات بين الفقرات 🔥
تابعوني على انستا يوزري ،rery__1999
تابعو صفحه الواتباد. rery__1999
#############################
لن يموت حلماً.. كان صاحبه يضن بالله خيراً
««قبل اختفاء رجاس »»
رحت انطيتها منوم خطيه نامت شويه يم فرح وإني صعدت أشوف يزن لان وضعه ما عاجبني لليل الجو متكهرب والكل داخل انذار الي عرفنا زوجها ب المستشفى واهله منتظرين يكعد ويصير الحجي
أهل رجاس قلقانين عليه لان الي سواء يعتبر جريمه لان ابو حسن عضو محافظه ومرشح للبرلمان يعني يمكن رجاس يخسر وظيفته لليل كلش طشوا الوادم وكل واحد راح لبيته ارتاحيت شويه لان من الصبح لسه واكفه على رجليه كله ماي جاي هلكت ومنا يزن مصخن ومتنحس كلت اشوف فرح وهناء واصعد
فتحت الباب اخترعت من شفته واكف ويباوعلهن بحزن شكد يحبهن ويخاف عليهن من الهواء
رجاس:اكلن؟
نوارس:اي جبرتهن يأكلن.
رجاس: شكراً نوارس كلش شكراً.
نوارس:اسويللك شئ تاكله ؟
رجاس:لا هلكان تعب اريد انام .
خله وصعد صعدت لغرفتي سبحت يزن لان حرارته مرتفعه وانطيته ممه ونيمته بحضني وراء ساعه أكثر انفتح الباب وطب بقى واكف يم الباب ويباوعلنه كبل طفرت حطيت يزن بكاروكه
نوارس:اليوم ماله خلك حطيته بحضني والله أصلا ماانيمه بحضني من كلت لسه
تقدم سحبني كعدني على الجربايه حط راسه بحضني وشال اديه خلاهن على شعره وهو يحجي
رجاس:اريد انام ومايجيني النوم بس من تلعبين بشعري ارتاح وانام.
نوارس:رجاس.
رجاس:حبابه نوارس لعبي بشعري بس هل المرة
بلشت ألعب بشعره ومبين تعبان بقى صافن عليه كال
رجاس:فرحانه لان صار بهناء هيج؟
نوارس :ههه ليش شعندي وياها حتى افرح ل اذيتها ويكون ابالك مستحيل افرح لأي أبنيه تتأذة بلعكس اتأذة وياها اني بنيه ومجربه لوعات الدنيا ومااريد اي ابنيه اجرب الاذيه.
رجاس:ما مشمته بيه يمكن بعقلج تكولين هيج صار ب اختك لان هيج سويت بيه؟
نوارس: اني مو هل الدرجه حتى اشمت بوحدة مالها ذنب حالها حالي تعرضت للعنف بعدين انت وحد وهناء وحد ؛؛اني مااعاقب أحد على ذنب مو ذنبه لان إني دائما جنت اتعاقب على ذنب مو ذنبي.
رجاس: هههههههههههه تدرين قبل شويه بشرى تكول هاي حوبتي لان دائما تضربني.
نوارس: مالها شغل الحوبه ؛؛وانت ليش تضربها برأيك تصرف صح تضرب مرة ؟
أنت تقرأ
نوارس الرجاس
Romanceفتاة تتخبط في دهاليز القدر مع طفل مريض وام مفقودة هل تحلق في السماء ك النوارس ام تغرق في قاع الرجاس
