نوارس الرجاس

بارت 11

بقلمي رباب الجبوري

بالك تدُوخ الرُوح وتعاتب اصحَاب
هوَ المَلح مَا فاد شيفيد العتَاب
_______________

««نوارس»»

الابتعاد عن الله يخلق اسوء صعوبات يواجهها الإنسان

ضعف الايمان يؤدي الى افكار قد لا تخطر في بال الشخص سابقا من هذه الأفكار فكره الانتحار قد يكون الإنسان يحب الحياة ولكن ضعف منه أو لحظه شيطانية يؤدي بي الى الانتحار.

قسم بالله مو لحظه شيطانية ولكن ضعف مني وإني ماقادرة احافظ على شرفي ويعلم ربي اني حاولت بكل الطرق اتخلص من شر عباده واخلص روحي ولكن ما ب اليد حيله ومابقى أمامي غير طريقه وحيده لأني على علم رحمه ربي احسن من هالظلم

الانتحار الطريق الغلط الي سلكته بعد ماعجزت
اتناسيت انو الله وياي بكل زمان ومكان الندم انو اتخلى عن روحي واموت ب ابشع طريقه اخسر أبني حياتي سمعتي وب الآخرة اخسر جنتي علمود منو وشنو ومنو يستاهل الحمدلله الي رحمه ربي شملتني وانكتبلي عمر جديد اصلح بي اغلاطي وانتظر بفارغ الصبر غفران الخطايا

 
نواااااااارس لاااااااااااااا اخر شي سمعته بعد ما كصيت شريان أيدي والدم فيضني.

كعدت لكيت روحي بنفس الغرفه آلم مو طبيعي بيدي ويدك بكلبي مااكدر احركها سديت عيوني قوي ورجعت فتحتهن بس حتى الرؤية توضح عندي بقيت هيج 10دقايق  استقريت شويه والرؤية توضحت انتبهت أيدي ملفوفه وملابسي متغيره الكزاز ملموم والدم ممسوح مرت ربع ساعه دخل هو جان لابس عسكري ومحضر روحه للدوام بس جايب علاج بقى صافن بيه بسرعه اشاح بنظره وحط علاكه العلاج يمي

راح عدل شعره أخذ السلاح والفلوس والسويج وطلع قفل الباب بدون ما ينطق حرف وياي

آلم موتني تحركت على كيف انتبهت حاط صينيه يمي بيها اكل وعصير وماي ويمها العلاج بدون مااكل شربت العلاج والمسكنات لان الآلم لا يطاق
رجعت انام وإني خجلانه من ربي على فعلتي
اردد بكلمات لعلها تولد نوارس جديده

"أنا لستُ فاشله
أنا حزينه
حطمت الحياة كل مراكب النجاة حولي
أنا لستُ ضعيفة
أنا أقاوِم
أقاوم انكساري
أقاوم عجزي
أقاوم وجهي الذائب
وأحاول أن ابتسم رغم كل شيء
أنا يا أبني لم أختَر حياتي ، ولا قدري ،
ولا قصتي الشائكة المعقدة
سامح حزني ،
فأنا لا زلت أحاربه"!

~~~~~~~~~
««رجاس»»

طلعت من الشقه ركبت السيارة وانطلقت للمركز لعل الشغل وسيله اهرب اله من التفكير الي هد حيلي
بقيت الطريق كله افكر ليش هيج سوت منو نوارس شنو قصتها ليش اهلها ساكتين عن اختفائها ألف سؤال يدور ابالي اريد احد يجاوبني اتصلت على الأبنية ماردت لعد منو يكلي انتبهت وصلت للمركز سفطت السيارة ونزلت