نوارس الرجاس

بارت4

   بقلمي رباب الجبوري

بنات لا تنسن التصويت والتعليقات بين الفقرات 🔥

تابعوني على انستا يوزري rery__1999
تابعوا حساب الواتباد
___________________________
لا تفعل مايحلو للآخرين  الذائقة العامة سيئة ..^

نوارس:سااااااهررررررررررة

ساهرة : خفه هل الصوت شكوو

نوارس:سااااااهررررة جيبي الفلوس لجججج هذااااا تعببببي كله علمود يزززن لج ابن اخوج هذااااا المريض شووووفي كلششششي اسامحج عليه بس توصل للفلوس علاج  يزززن لهناااا وبس كاااااافي وانطيني الفلوس ماخذة موعد وي الدكتوووور أبني راح يروح مني حرااااام عليكم يا نااااس خافوااااا الله

ساهرة :لج ادبسز شنووو هل الكلام شنو عيني اذا أنتي تبوكبن حسبالجج كلها نفسج

نوارس:ماكووووو غيرج لو انتِ لو امج انتن الي بكتن فلوسي وتعبي

ام ايمن:صدك ساقطه وماعندج تربيه شنووو لج مو بعينج واكفتلنه وتتهمينه ب البااطل بس حقج أنتي منو رباج حالج حال امج هم ساقطه من عافتج وشردت محد يعرف اراضيها بس اليوم اني اعلمج

ساهرة:يمه عوفيها هسه جاي ابوها وهو يصرف وياها

أثناء الحجي اجه أبوي شفته وروحي فرفحت مشتاقتله حيل تمنيت ارتمي بحظنه واكله يابه اني بنتك نوارس حبيبتك شغيرك عليه أوف ياوجع كلبي اكله يابه انت تعرف معزة الابن واني ابني مريض ومرتك باكت فلوسه اكله يابه صدكني على الأقل بس هل المرة

ابو نوارس:شكووو صوتكم طالع اصاير؟؟

تفاجات واني اشوف ادموع ساهرة الي الكل يصدكها

ساهرة :تقبل يا ابو نوارس بنتك الي حسبتها بنتي وربيتها وكبرتها سترتها وزوجتها ل أخوي توكف كبالي وتتهمني ب السرقه مااعرف ليش هل الحقد والكره واني دوم اكللها والله اني مااخذت مكان امج امج اختفت وإني اجيت حتى اكون ام الج  ليش هيج

ام ايمن:يمه مو بس انتي اتهمتج حتى اني ماكالت هاي مرة جبيرة احترم شيباتها وابنها ب السجن وهي مدللتني تتهمنه ب بوك افلوس وهي قبل لحظات تحلف ماعدها فلس لعد منيل جابت هل الفلوس هي لو عدها فلوس مدري منيل الله اعلم استغفر الله لو جذب ماعدها بس تتبلى علينه

تقدم أبوي ومثل العادةبدون مايسألني أو يسمع مني ركعني راشدي طحت على الكاع شكد نهضمت بوقتها وشكد انقهرت لان هيج انهانيت كدامهن من شخص كون هو سندي وحمايتي يهيني كدام الشماته

ابو نوارس:لج شنو هل الحجي انتِ ما تستحين تتهمين مرت ابوج الي ربتج وتعبت عليج لو عمتج الي بحسبت امج لج ليش هيج نوارس شبيج بابا رجعي نوارس الطفلة شغيرج هيج صايرة فد مرة