من بين جنبات الظلام

ألحلقه الثالثه

#من بين جنبات الضلام
للكاتبه هاجر المياحي ♥️
(( الحلقه الثالثه ))

🌿🌿🌿🌿🌿🌿🌿🌿🌿🌿

نمر

وره عشر ايام دوامو كيان ومرتضى بس ترف مو وياهم...

نمر ؛ صباح النور ولكم وينكم وليش اسود لابسين

كيان ؛ صباح النور خويه والله مصيبه وكعت عل روسنه

نمر ؛ الله يستر شبيكم وترف وين من ايام واني بالي يمكم واجهزتكم مغلقه تطلعلي

مرتضى ؛ فاجعه صارت عدنا ياخويه اهل ترف لكينهم مگتولين بيتهم كلهم

نمر ؛ لاااااااا شنو شلون هيج يمعود

كيان ؛ هذا صار ماشوف مهدود حيلنه كوه داومت اليوم

نمر ؛ لااله الا الله وترف شنو وضعها بعد هاي الكارثه

مرتضى ؛ فاقده ماتدري بدنيًا شبيها مابيها بس دموع وتصفن

نمر ؛ الله يكون بعونها صار يرادله جبل يلا يتحمل وهم يتزحزح من حجم الكارثه هاي

كيان ؛ اي والله الله يكون بعونها

نمر ؛ الله يرحمهم عذروني شباب ماعزيتكم البقيه بحياتكم ان شاء الله خاتمة الاحزان

كيان ومرتضى ؛ حياتك الباقيه خويه

ترف فزيت صافنه على  ساعه صارت ب9 قررت انزل نزلت لازم ادوس على نفسي لجل كلمات والدي الي مااعرف تواسيني لو تهيج جروحي جريت نفس طويل ودخلت عليهم للمطبخ بهدوء ؛

عمي حسن طفر من مكانه من شافني ؛ صباح العافيه بنيتي بيج شي

ترف ; لا عمو ما بيه شي

عقيل ؛ رايده شي حبيبتي

ترف ; اي عمه جوعانه كلش

ام عقيل ؛ يمه يخسه الجوع تعالي يمي ودللي الي بتفسج اطلبي يبعد عيني

عمتي ام عقيل حاله من حال امي لان صدك حنينه وجانت تتمنه عده بنيه بس ما صار عده رحت كعدت وساره مرت عقيل جابتلي كلاص وصبتلي جاي عقيل يجيب وخلي يمي ويكلي اكلي اكلي شفت الفرح بعيونهم كأنو نزولي يمهم جان معجزه لهدرجه حالتي تعبانه وتستحق الشفقه لو من محبتهم الي هيج فرجو حجيت ابعد الافكار عن راسي شوي

ترف ؛عقيل اريد ارجع لدوامي فاتني هواي

عقيل ؛ صار تدللين بس طيبي اول شي وشدي حيلج واني ارجعج بيدي بنيتي يوم المنى ترجع ترفتنا القديمه

ترف ؛ ان شاء الله تسلم خويه ما تقصر

مر خمس ايام بديت شويه شويه استرجع صحتي وعمي وعقيل وامجد واسعد وحته البنات ممقصرين وياي ابد وعمتي طلعت وجابلتي ملابس سود كتله كله اسود محتاره بس شون ترضيني كلهم صارو شغلهم شاغل هوه راحتي وانو تتحسن صحتي
جابت ملابس كله اسود لان حياتي. بدون اهلي عباره عن سواد مر اسبوع