من بين جنبات الظلام

ألحلقه الثانيه والعشرين

#من بين جنبات ألضلام
للكاتبه هاجر المياحي ♥️
(( الحلقه الثانيه والعشرين ))

🌿🌿🌿🌿🌿🌿🌿🌿🌿🌿🌿

ترف

ترف ؛ بس صلي ونام

جبل بصياح ؛ لا تلحين اريد انام

ترف صدك كمزت من صاح ضليت ارمش بعيوني هذا شصاير ويا همست ؛ تمام ارتاح

ترف الجهال ما اجو خابرت علي ؛ الووو علوش

علي ؛ هلاا توته

ترف ؛ الجهال يمكم

علي ؛ اي خيتي يمنه بقو

ترف ؛ علاوي اتعشو

علي ؛ اي اكيد بس شبيكم امير كال بابا تعبان

ترف ؛ ضغط من الشغل اتوقع اجه تعبان ونام

علي ؛ تمام لا تخافين على جهال

ترف ؛ تسلم
سديته منه صعدت للغرفه جبل جبل نايم بس عركان ويون جبل جبل شبيك والله خوفتني

جبل
نايم واحد يريد يخنكني ويهمس باذني عوفها عوفها اسمع واحد ينهد اسمي فزيت مرعوب

ترف فز مرعوب مني يمي جمدت ؛ شبيك جبل وضعك مو طبيعي

جبل ؛ راسي راسي راح اموت

ترف ؛ اجيبلك علاج

جبل بصياح ؛ اخذت اخذت مفاد

ترف ؛ تمام ادلك الك راسك تعال

جبل
نمت عل رجليه وبقت ادلك براسي غمضن عيوني واحد همس باذني اضربها اضربها من دون وعي ضربت ترف راشدي بكل قوتي ماعرف ليش

ترف
ادلك براسه وعادي وما احس اله الراشدي ضليت فاتحه عيوني عل وسعهن وهو متعجب كانو ؛ شبيك جبل اتخبلت

جبل ؛ اطللللعي برررررررره  اطللللعي

ترف
من الخوف طلعت بسرعه وخدي نار وعيوني اتجري شبي اليوم هوه هم طلع من البيت بسرعه وراح يم اهله

ام جبل ؛ شبيك يمه

جبل ؛ ما اعرف يمه راسي موتي

ام جبل ؛ الله يستر منين خاف تضغط عل نفسك بالشغل مرتك وين

جبل ؛ لا  ذيج مرتي بالبيت

ام جبل ؛ ما عاجبني وضعك

ترف
ضلينه عل هل وضع 10 ايام البيت داحل انذار حته الجهال كلت لعلي لا تجيبهم للبيت ابد عزمتنه امه بالبيت كالت تعالو رحنه عليهم ما كعدت يمه ابد اثار الضرب خفيته بالمكياج

نمر من اجو اني بالبيت ابد معجبني وضع ترف وجبل ترف مو من عوايده اتخلي مكياج هوااي اصلاً اتضوج منه وكعدت يمي  ؛ ترف بيج شي وضعج مو طبيعي

ترف ؛ لا ما بيه شي عادي

نمر ؛ هسه تجذبين عليه شنو

ترف ؛ نمر لا تضغط عليه عفيه