من بين جنبات الظلام

ألحلقه الرابعه والعشرين

#من بين جنبات ألضلام
للكاتبه هاجر المياحي ♥️
(( الحلقه الرابعه والعشرين ))

🌿🌿🌿🌿🌿🌿🌿🌿🌿🌿🌿

ترف

كيان ؛ ترف شبيج تخبلتي اكو واحد يدك الجرس هيج من صبح

ترف ؛ خلي الجهال يمك هسه اجي امانه

كيان ؛ بس فهميني وين تردين شصاير

ترف ؛ مادري بسرعه ارجع ما اطول بس عينك عليهم فدوه

كيان ؛ تعالو عمو ادخلو خالتكم لبگت من صبح

ترف خليتهم نزلت بسرعه للمستشفى وصلت ؛ صباح النور عبود

عبدالله ؛ صباح النور دكتوره

ترف ؛ اريد اتسويلي تحليل حمل ممكن

عبدالله ؛ تدللين اكعدي

ترف
كعد سحب مني دم ضليت انتضر ربع ساعه وصاحني

عبدالله ؛ دكتوره مبروك حامل

ترف
انهرت صدك يعني المصايب لو رادت تجي كله سوه رحت لمكتبي طكيت بجي لمن صفه راسي غسلت ونزلت رجعت للشقه وصلت دكيت الجرس

نمر ؛ وين رحتي فهميني

ترف
بدون ما احجي،خليت التحليل بيده

نمر فتحت الورقه والله عرفته حامل ؛ لا تضوجين نعمت ربج هاي حتى لو اكو خلاف بينكم بس هذا رزق من الله بعد

ترف ضليت ساكته ؛نمر دير بالك عل جهال راح انام

نمر ؛ تمام روحي رتاحي

ترف
دخلت للغرفه ذبيت روحي عل جربايه بجيت شويه تعبت صدك خليت ايدي عل بطني احساس الامومه حلوو كلشش بس ابو شلون يلا قابل شراح يتغير اربي حاله حال امير واميره حتى وان كان جبل مموجود ويانه

ترف
مر شهرين رجعت لدوامي عادي بديت اتأقلم عل وضع بس مانسيته ابد ما انام اذا ما اتخيل حضنه ابد دوامي اداوم من الصبح ب12 الضهر كون اني بالبيت اخذ مناوبات نمر والعصر يداوم نمر ياخذ مناوباتي امير سوينه واسطه نقلته يمنه بغداد قربت ألامتحانات النهائيه كاعدين الضهر نتغده اني ونمر وامير واميره

اميره ؛ خاله صايرلج كرش تاكلين هوااي

ترف صدك ضحكت ؛ ههههههههههه لا حبيبتي بس جيبي ايدج اخذت ايده هنا اخوج راح يجي مثلج حلو وزغير

اميره ؛ يعني مثل امير

ترف ؛ اي عفيه مثل امير

نمر ؛ يالله اترخص اني لا تشتغلين ترف وتحوسين ديري بالج على نفسج خيتي

ترف ؛ هههه تمام صار

نمر ؛ امير بعد انته رجال البيت ما اوصيك

امير ؛ لا روح عمو اطمن ما نخليه تشتغل

ترف
طلع نمر ضلينه بالبيت ضوحه قريت امير امتحانه واميره اعلمه عل احرف وهيج مخلصه وكتي وياهم