من بين جنبات الظلام

ألحلقه التاسعه والعشرين

#من بين جنبات ألضلام
للكاتبه هاجر المياحي ♥️
(( الحلقه التاسعه والعشرين ))

🌿🌿🌿🌿🌿🌿🌿🌿🌿🌿

ترف
وصلت الغروب كلشش لان طلعت متاخره لهلي دكيت الباب فتح امجد

امجد ؛ ترف

ترف بدموع ؛ اي اني

امجد ؛ فوتي كروش شبيج

ترف ؛ ناقصه بس انته تعيب شو امجد

امجد ؛ ههههه تعالي

ترف
دخلت وسلمت على كل كعدت مبين عليه تعب وشكلي منتهي من البجي عليهم

عمي حسن ؛ خير بويه شبيج

ترف بدموع ؛ ما اعرف عمي اريد الجهال

عمي حسن ؛ ليش وين هم

ترف
حجيت اله كلشي عن جيت جبل وكلامه وصاير ويا وصله لهاي الحاله

عقيل ؛ وليش ما رجعتي اذا الرجال مو بيده وتكولين مسحور جان

ترف ؛ ما ارجع ما اكدر الي سواه مو شويه هوه خلق فجوه بينه بالي صار

اسعد ؛ والله حقج بس فكري حرام جهالج يبقون بدون اب وهذولاك متعودين عليج يحوز يتزوج ويجيب مرت اب اتعس من شيماء ساعتها شنو ذنب هاي الاطفال تشرد هيج

ترف حجيت بندفاع ؛ لاوالله حته اذبحه وعلي

امجد بغمزه ؛ اتذبحينه اتغارين لو علمود جهالج

ترف ؛ ههه انننن انننن تريد اكوملك اطيح صبغك وخلي نار كلبي بيك

امجد ؛ ههههههههه لا اكعدي مثل متوصلين شارد اني

ترف ؛ اوووف هسه شسوي فهموني

عمي حسن ؛ بويه كسري عنادج ورجعي لزوجج وخلص وخلي اولادكم يتربون بنصكم ولا ذولاك ينحرمون منج

ترف ؛ ما ارجع عمي هو الي سواه بيه مو شويه كافي الضرب الي ولا واحد بيكم مد ايده عليه ولاحتى اهلي الله يرحمهم سووها وهو يضربني ويهيني

عمي حسن ؛ بويه ماكو بيت بدون مشاكل وزوجج اله الحق يسوي كلشي بس بالحق ورجال معذور هاي الشعوذه سودنته

ترف جريت نفس بقهر ؛ خلي افكر واشوف

امجد ؛ بيج حيل اتفكرين بهاي بطنج

ترف ؛ تعال احبل مكاني شرايك استاذ امجد

امجد ؛ خرررب طاح حضج هو روحي زين مني حامله

ترف ؛ وتحجون علينه شمسويات وعبالك انتم صانعين ذره

عقيل ؛ لا بويه منو يحمل مثلجن لسان وخبال ولاده وتربيه الله يساعدجن

ترف ؛ ولسان شجابه بالنص هسه انت تمدح تذم

عقيل؛ سلاحجن الوحيد لسان تكول رشاش من ينهد