من بين جنبات الظلام

ألحلقه الحاديه عشرا

#من بين جنبات ألضلام
للكاتبه هاجر المياحي ♥️
((الحلقه الحاديه عشرا ))

🌿🌿🌿🌿🌿🌿🌿🌿

ترف
بقيت حاطتهم واكركر بيهم وهمه صوت ضحكهم واصل لشارع فقدو واني هم نسيت روحي وياهم

ترف ؛ اتكومون لو لا

امير ؛ كمت كمت والله

كمنه غسلنه ولبست تراك وطلعنه لكيناهم يتريكون بالحديقه كعدة يم عقيل وجهال ركضوا يم ابوهم راحو

عقيل ؛ شلونج اليوم

ترف ؛ ما دام انته بخير اني بخير

عقيل ؛ دوم يبعد روحي

ترف ؛ تدري شكد افرح من تكلي يبعد روحي

عقيل ؛ يبعد روحي ههههه

ترف ؛ ههههههه

كاعده وامير طفر من يم ابو اجه يمي  الكل بقى مستغرب شلون تعلقوا بيه بهاي الكم يوم واني هم صارت روحي بيهم كأنو نعرف بعض من سنين

ترف ؛ هاا ولك شو رجعت عليه

امير ؛يمج تنفتح شيهيتي خاله

نمر ؛ السانك شو طولان امير

امير ؛ شكايل عمو تره هيه اتخلي الواحد يحبه غصب عنه

فهد ؛ اتفقد وياك ابن اخوي كفك

ترف ضليت صافنه عليهم ههههه خبال اي والله؛ اتريك يالله فهد اريدك تروح وياي بشغله اذا بيها مجال

فهد ؛ عد عيناج بس وين

نمر ؛ هااا الكه احبابه نسه صحابه شو بعتيني

ترف ؛ ليش تخليني اتجاوز شغله مو يمك عيني

فهد ؛ اي كولي وين

ترف ؛ للسوك اريد اشتري هديه للعروس

ام عقيل ؛ بس يمه اني جبت اله هديه

ترف ؛ أروحلج فدوه ام اخدود غير انتي هيبتنه بس اني هم اريد انطيه هديه

ام عقيل ؛ كيفج يمه

خلصنه ريوك ورجعت للغرفه بدلت لبست بنطرون اسود بدي ابيض وستره سوده وطلعت طفر امير

امير ؛ اروح ياج وعلي ماأعوفج

ترف ؛ المن رايح حبيبي

امير ؛ عليج الله اضحك عل عمو فهد

ترف ؛ ههههه امشي امشي يالله فهد
اجه صعدنه بسيارتي ورحنه

فهد ؛ وين تروحين

ترف ؛ نروح للصايغ مالت الذهب ونشوف شنو ناخذ

فهد ؛ بس هيج هوااي ليش اله ذهب اخذيلهم اي شي مال عرايس

ترف ؛ لا اريد ذهب حتى اتكون اله مقام وتبقى ذكرى عدها