من بين جنبات الظلام

ألحلقه الواحد والعشرين

#من بين جنبات الضلام
للكاتبه هاجر المياحي ♥️
(( الحلقه الواحد والعشرين ))

🌿🌿🌿🌿🌿🌿🌿🌿🌿🌿🌿🌿

ترف

امير ؛ خاله شبيج وجهج اصفر

ترف ؛ راسي موتني

امير ؛ اجيبلج علاج

ترف؛ ياريت بلكي ارتاح
راح شويه واجه اخذت علاج بقيت يمهم بالاستقبال ما اكدر اخليهم وحدهم اميره وكحه اخاف عليه

جبل
طلعت للدوام واني بالي يمه جابو حرامي بايك ذهب من بيت جيرانهم خليت كل حركتي بي كوه خلصوني منه

بشار؛ شبيك اليوم

جبل بصياح ؛ روحي طافره خلصو روحو

بشار؛ شبيك احجي صاير وياك مشكله

جبل ؛ مشاكل بالبيت

بشار ؛ خو ما تضرب الجهال يمعود

جبل ؛ لا يخوي الجهال اتحبهم اكثر من نفسها

بشار ؛ جاا شبيك اليوم زين ما موتت الولد

جبل ؛ ما اعرف شكول ما اعرف

بشار ؛ اخوك اني احجي

جبل
اني ما اضم عل بشار شي حجيتله كلشي

بشار؛ غلط يا خويه بعدين انته تعرف قبل هيه اتصير عده حالت نزف من اتعصب لو لا

جبل ؛ لا ما اعرف محد كالي عليه حته نمر

بشار ؛ مو مهم بس غلط جنت تكدر تنتضر تجي بنفسه وتعترفلك

جبل ؛ يا اخي احبه ولله احبه البنيه هاي اخذت كلبي وعقلي وروحي لك متزوج نسوان ثنين ما عشت وياهن للي عشته وياها

بشار ؛ والله مبين واكع وكعه معدله وكعتك الدكتوره يخوي هههههه

جبل ؛ مطيحه حضي مو بس وكعتني ههههههههه
بقينا نسولف وما رجعت للبيت لليل

ترف
بقينه النهار كله ضوجه الضهر سويت غده وكلت اروح عل ولاء تروحون وياي

امير ؛ وين

ترف ؛ هنا على اعمامكم

اميره ؛ اي انروح

ترف
اخذتهم ورحنه دخلت وشفت شيماء اهووو لو ادري ما جايه سلمت على عمتي ولاء وفهد وعلاوي

ولاء ؛ شبيج وجهج اصفر

ترف ؛ ما بيه شي بس تعبانه يمكن فلاونزه  شلونه حملج

ولاء ؛ زين الحمد الله

ترف ؛ الج رابع موو

ولاء ؛ اي صح

ترف ؛ تكدرين تعرفين جنس الجنين هسه

ولاء ؛ صدك

ترف ؛ والله شبيج