من بين جنبات الظلام

ألحلقه السادسه عشرا

#من بين جنبات ألضلام
للكاتبه هاجر المياحي ♥️
(( الحلقه السادسه عشرا ))

🌿🌿🌿🌿🌿🌿🌿🌿🌿

ترف

امير ؛ خاله اتخبلين طالعه

ترف ؛ اووي خجلت ههههه

اميره ؛ اني من اعلس اريد مثل خاله

امير ؛ انجبي استحي بعدج زغيره

اميره ؛ بابا صيح بي يكلط عليه

جبل ؛ هههههه اسكت عنها يالله ادخلو جوه

ترف
اخذتهم ودخلنه جوه البيت كلشش حلو استقبال جبيره مفروشه كله نازك ومطبخ جاهز حلوو ومرتب وبعدني ما شايفه الغرف مع هذا فرحت اولادي بيا تسوه دنيا اي نعم من اليوم ومن لحظة الي شفتهم صارو اولادي وقطعه من روحي

جبل
حنيته عل الجهال كلش حلوه وهل شي مريحني انو ما احك راسي وراها ركضتهم الها ولهفتهم عليها خلتني احس امهم الي دخلت عليهم مو زوجت ابوهم وضاهر عمرهم مراح يحسون بهذا شي بوجود ترف بحياتهم شفتها صعدت دليتها على الغرفه وكعدت دخنت جكاره وراها صعدت وراها

ترف
الجهال اتعشو وراحو لغرفتهم نامو واني صعدت فوك جبل دلاني عل الغرفه
اريد اسبح وافتح الفستان ما اكدر هو ميعاد ربطته الي بالبيت خرب ودخل جبل من شافني احاول ويا بدون مااطلب منا مااحس اله صار وراي جسمي كله كزز ما اعرف ليش وكهرباء سرت بجسمي بلعت ريكي

جبل بهمس ؛ شبيج

ترف جاي يفتح بالحبل واصبعه كلش شويه يطخ جسمي افز ؛ هااا

جبل ؛ خلصت اخذي نفس هههه

ترف بخجل ؛ تس تسلم

دخلت ركض للحمام يابه شنو هل مصيبه هاي
سبحت وجان الحمام مرتب اتكول حمام تركي كلشش حلوو سبحت وخلصت وهنا المصيبه نسيت اجيب ملابس شلون

جبل  دكيت الباب ؛ هااا ترف وين صرتي

ترف واكفه ومحتاره شسوي اندك الباب؛ ااا مادري

جبل ؛ ترف بيج شي طولتي

ترف ؛ شووف لا هو هذا شسمه نسيت ملابسي

جبل ؛ هههههه يمج برنص البسي وطلعي

ترف
انتبهت عل برنص يمه واصل لركبتي شلون اطلع بي لبسته وكل اريد افتح الباب اطلع استحي اخر شي قويت نفسي وطلعت

جبل ؛ احم فايت اسبح علمود نصلي

ترف ؛ تمام

كوه نطقت يمه اخذت نفس من دخل خرب نشفت شعري بسرعه وطلعت بدله نوم طويله بيضه لبسته ولبست فوكاها احرام صلاة وفرشت سجادات ثنين وانتضرته من طلع لبس دشداشه وكفنا صلينه من كملنه هوه راح كعد على جربايه واني لميت السجادات بس طركاعه وشلون انزع والله صعبه يربي جذب اذا يكولون سهله مستحيللللل  احتاريت شلون انزع الحرام وباقيه واكفه مكاني وصافنه