اقرب شي جا في بالي اني بحلم ودي افكار بصورها لي مخي بس لما سمعت شهههد بصوت اعلي من القبلها عرفت اني م بحلم ولا بتهيأ لي لا ابوي هنا فعلا ،،
الفكرة نفسها مخيفة م بالي بالواقع نزلت السلم جري عشان اصله كنت بطوي في الارض تحتي لما وصلته لقيته شايل عصايته العاجية وطرفها الفوق فيه النسر لابس جلابيته وطاقيته والعمة والغضب طالع من عيونه اقل حاجه اتوقعتها انه يمسكني من شعري زي مابعمل في العادة ويضربني كف كفين وبعدها يجرني للبيت بس اكتفي بنظرات بقول ليها فيها اصبري الحساب بجمع لكن قطع نظراته لي صوت جدي وهو بقول ليه خير يا راجل بتي صوتك عالي في بيتي ومعاها نظرات قوة واستغراب !
وقتها عرفت انه جدي فهم اني هربت من البيت وجيت براي بدون علم ابوي افتكرته يشاكلني او يقول ليه سوقها لانه العارفاه عنه انه صعب برضو بس ضرب توقعاتي بجملته ادخل الصالون لينا كلام كتير ،،
عدت ١٠ دقايق بالضبط ولقيت ابوي طالع زهجان جا ضماني عليه وطبعا ف الاول افتكرته عايز يضربني لمن رجعت ل وراء بس ضماني وقال لي بصوت واطي اياك تفتكري جدك حماني من البعمله فيك بخليك لحد م اخلص حساباتي مع جدك وبعدها ربنا يعينك علي البعمله فيك
دخلت ل جدي طمني انه ماف زول ح يعمل لي حاجه دا بيتي ،،قعدت معاهم في صينية اكل وحدة خالاتي حنينات شديد زي امي بالضبط سالوني منها ومن حالنا اكتفيت بالحمدلله وبعدها بالليل كل وحدة فيهم مشت بيتها وقعدنا انا وجدي والشغالين في البيت
صحيت الصباح بدري لاني متعودة علي الصحيه ديك وزلة الصباح والكواريك لو نمت ،
لقيت البيت هادي وجدي قاعد في في الحوش بشرب في الشاي صبحت عليه قال لي عايزة تقدمي شنو التقديم بفتح الاسبوع الجاي
انا : نفسي اقرا صيدلة لكن م عارفه الجامعات الهنا ولا نسبتها كيف وبرضو القروش م كلمت ابوي
قاطعني طوالي
جدي: اياك تاني تجيبي سيرة قروش انتي بت بتي واغلي من الولد ولد الولد دا بيتك ودا مالك وليك فيه حرية التصرف،، آسر ولد خالتك الاء بقرا صيدلة برضو هسه نازل سنه رابعه بشوف لو بسجل ليك معاه قلت ليه م عندي مشكلة وعلي كدا قفلنا موضوع الجامعه ،،
كان يوم الخميس الكلام دا
المساء جاتني " واس" دي الشغالة قالت لي بابا قال ليك بكرة خالاتك واولادهم كلهم جاين كل جمعة بتلمو في البيت الكبير قلت ليها كويس ،،
صحيت الصباح بدري كالعادة قبل واس زاتو عملت الشاي ومعاه كيك مسافه خلصت لقيت جدي صحي وقاعد في الصالون جبت ليه الشاي وشربت معاه اتكلمنا شويه كدا وبعدها قلت ليه عايزة اعمل الفطور
جدي: ليه واس مش قاعده ماف سبب يخليك تشتغلي انتي،، وبدا ينادي فيها قلت ليه لااا م كدا انا نفسي تجرب اكلي وشوف صنايع امينة كيف وغمزت ليه ،
