قلبى اعمى

البارت الحادى عشر

لبارت الحادى عشر
قلبى اعمى
لـ/تسنيم محمد
ــــــــــــــــــــــــــــــــــــــــ

عند مريم
بيرن جرس بيت مريم وبتروح تفتح علشان تشوف مين بيرن بتفتح مريم الباب وبتقفله ف لحظه واحده
مامت مريم: مين بيرن ي مريم
مريم:......
بيرن تانى الجرس ومش بتوافق مريم تفتح
مريم بتوتر: ماما تعالى شوفى مين
مامت مريم بشك: فى اي ي مريم وبتفتح الباب
مامت مريم: خير حضرتك مين اقدر اساعدك ف ايه

ـــــــــــــــــــــــــــ

عند تسنيم (عبر الهاتف)
امير: تسنيم انا لغيت الصفقه مع شركه الصياد
تسنيم: انت بتهزر ي امير!
امير: لا بتكلم جد
تسنيم ببرود: عموما براحتك
امير: تعالى علشان هتمضى على حاجات
تسنيم: ايه هتمضينى تنازل عن ايه انت كمان شويه علشان شرط جزاء ودلوقتى عن اي
امير: انتى هبله ي تسنيم ولا فاضيه وعايزه تتخانقى
تسنيم: لم لسانك ي امير
امير: اخلصى يلا
تسنيم: لا مش هاجى ي امير عايزنى امضيلك هات الورق لحد عندى
امير: تمام وقفل المكالمه دون ان ينتظر الرد
تسنيم: اهبل والله وقال اي بيقول عليا هبله
بيعدى نص ساعه وبتلاقى حمزه بيقولها ان امير بره وعايزها
تسنيم: ايه بتهزر
حمزه: لا بتكلم جد انجزى الواد مستنيكى
تسنيم: بتهزر
حمزه: هنقضيها بتهزر انا خارج
بتلبس تسنيم الحجاب وتخرج
تسنيم: الله يخربيت جنانك انت جاى ليه
امير باستهزاء: علشان حضرت جنابك تمضى الورق
تسنيم باحراج: مكنتش اعرف انك. بتتكلم بجد
امير: لا صدقى المره الجايه
تسنيم: هات الورق اللى عايز يتمضى
امير: اتفضلى
بتمضى تسنيم الورق واول مايخلص امير بيسالها
امير: امال فين حماتى
تسنيم: حماتك!  انت عبيط ي امير ولا بتستعبط انا مالى بحماتك
امير:ي حماااااااتى
تسنيم: ماهو لو تفهمنى مين حماتك انا هساعدك
امير بابتسامه: حماتى دى تبقي ام حمزه
تسنيم بغباء: ام حمزه حسه انى سمعت الاسم دا قبل كدا
امير: اقسم بالله انا مشوفتش فـغبائك اوقات بحسك ذكيه جدا واوقات بحسك اكتر من متخلفه
تسنيم: اللهم طولك ي روح انا سكتالك اهو ثم اكملت لو مش عايز حاجه اتكل ي خويا علشان مش فاضيه
امير: عايز حماتى ام حمزه
تسنيم: الله يخربيت شكلك ام حمزه دى دى ام اخويا نهار ابيض دى طلعت امى
امير: ايه دا اول مره تعرفى
لـ/تسنيم. محمد
تسنيم: بطل تناحه ي عم انت كمان ثم اكملت انت بتقولها حماتى بصفتك اي
امير بهمس سمعته تسنيم: ام زوجتى العزيزه حتى اساليها كدا يلا سلام
تسنيم بفاه مفتوح: اااااااا
امير: اقفلى بوقك علشان الدبان. ميدخلش
بيخرج امير وبتفضل تسنيم ساكته ف بيتكلم حمزه
حمزه: مالى اراكى مصدومه هكذا ي اختاه
تسنيم: حمزه هاتلى ميه وهى امك فين
حمزه: راحت تشترى طلبات البيت اصل الشحطه اللى عندها ثم اكمل مقلدا صوت تسنيم تعبانه ي ماما مش قادره
تسنيم: انا سكتالك علشان بحوشلك بس الصبر الا قولى ي حمزه انت امك عرفت درجه امتحان العربى
حمزه:.........
تسنيم: اممم القطه كلت لسانك يابو لسانين
حمزه: بعض منك ي تسنيم
تسنيم: كلمه كمان وحيات ابوك لاقولها
حمزه: انا ماشى سلام
تسنيم: اقسم بالله ي حمزه لهوريك مش كفايه عليا امير وفقعته
تضع تسنيم يدها على راسها واتذهب لتجهيز الطعام.......
ـــــــــــــــــــــــــــــ

نرجع لمريم
مامت مريم: خير اقدر اساعدك ف ايه
: عايز والد مريم ف كلمتين
مامت مريم. بنظره شك لمريم: مين دا ي مريم
مريم بتهتها: دا دا دكتور ع ند نا ف الجامعه ي ماما اسمه عبدالرحمن
عبدالرحمن: احم حضرتك انا كنت جاى علشان اقابل والد مريم
مامت مريم: مسافر تقدر تقولى انا

عبدالرحمن: ممكن اعرف هييجى امتى
مريم: بعد شهر
مامت مريم: مسمعش صوتك دلوقتي ثم اكملت اتفضل ي بنى
بيدخل عبدالرحمن وبيقعد ف غرفه الصالون
بتقوم مريم علشان تجيب حاجه يشربها
اول ماتخرج بيتكلم عبدالرحمن
عبدالرحمن: احم ممكن اطلب طلب وياريت حضرتك تبلغيه لوالد مريم
مامت مريم بقلق: خير
عبد الرحمن:............
بتدخل مريم ف نفس اللحظه وفجاه الصنيه تقع منها لينكسر كل مابها اثر ماسمعته

ـــــــــــــــــــــــــــــــــ
عند. زين
بتدخل سما عند زين
زين: خير ي سما فى اي
سما: عن اذن حضرتك ي باش مهندس بس انا هقدم استقالتى
زين بانتباه: ليه
سما: حضرتك عارف انى قربت اتجوز وكدا وجوزى رافض شغلى
زين: علشان كدا
سما: ايوا ي فندم
زين بابتسامه: تمام اللى يريحك بس عايزك تعلنى عن اننا محتاجين سكرتيره
سما: تمام
بتخرج سما وبتعلن عن احتياج شركه الصياد لسكرتيره جديده

ــــــــــــــــــــــــــــــ

عند فداء
اول ماتشوف فداء الخبر  ان شركه زين محتاجه سكرتيره بتتبسط اوى وتقول يارب عبدالرحمن يوافق وميقرفنيش.

ــــــــــــــــ
فى مكان اخر
مجهول: عايزك تعمل اى حاجه تتصرف عايزك تخطفها
مجهول2:بس عايز ضمانتى دى مهمه خطيره
مجهول1 بقرف: متخفش فلوسك هتجيلك لحد عندك بس اهم حاجه التنفيذ
مجهول 2:اعتبره حصل
ـــــــــــــــــــــــــــ
يتبع......
ي ترى ايه اللى عبدالرحمن قاله
ي ترى ايه حكايه المجاهيل دول ومين اللى هيتخطف
هل فداء هتتقبل ف الشركه
وايه اللى تسنيم متعرفهوش
ڪ||تسنيم محمد||