قلبى اعمى

البارت العشرين

البارت العشرين قبل الاخير..
قلبي اعمى
#تسنيم _ محمد_صبحى
ـــــــــــــــــ
عند تسنيم
تسنيم: ماما انا هروح عند امير
مامت تسنيم: تعالى كدا هتروحى ليه مش هو خرج من المستشفى ولا دا شغل استعباط وبعدين ايه التلقائيه اللى انتى فيها معاه دي
تسنيم: هروح علشان والده بنفسه اتصل عليا وباباه عايز يشوفنى وهو اه خرج ودا شغل استهبال مش شغل استعباط والتلقائيه دى مع كله مش هو بس اى استفسار تانى ولا امشى
مامت تسنيم: وهو ابوه عايزك ليه
تسنيم: بقولك اي ياماما لو هتسالى كتير كدا ف مخرجش احسن
مامت تسنيم: اه متخرجيش
تسنيم: يعنى انتى شايفه كدا تماام مش خارجه
حمزه: لا والنبى ياماما انا ذنبى ايه انها تقعد معانا
مامت تسنيم: اتعدل ياحمزه علشان معدلكش انا ماشى
تسنيم: خلاص ياحمزه مش هخرج بس متجيش ياماما تقوليلى روحى لام مش عارف مين وكل دا علشان خروج بقاااا مش خااارجه يلا بقاااااااا
حمزه: سيبك منها ياماما دى هبله
تسنيم: ابنك دا بيطبل ورا اللى واقف معاه اصلا فكك منه
مامت تسنيم: باااااس انتو الاتنين
ــــــــــــــــــــــ
عند امير
امير: هى تسنيم اتاخرت ولا انا غلطان
والده: اتاخرت فعلا
امير: هرن عليها
بيرن امير على تسنيم بتشوف تسنيم ان امير بيرن عليها ومش عارفه ترد تقوله ايه ولا اي بالضبط
بتقرر انها ترد
امير: تسنيم مجتيش ليه
تسنيم: معلش ياامير بس مش هعرف اجى سلملى على عمى محمد يلا سلام
امير: الله يسلمك
بيقفل امير المكالمه وبيقول لباباه
امير: انا عايز اسرع فى الموضوع اللى قولتلك عليه جوايا احساس انها هتبعد
محمد: تحب نروح امتى
امير: بكره يابابا لو ينفع كمان النهارده
محمد: اهدى ياامير بكره ايه اعقل يابنى دانت لسه تعبان
امير: هبقاا كويس متخفش
ـــــــــــــــــــــــــــــ
عند سيلين.
بتشوف سيلين الطياره وهى بتطير ف الهوا وبتقع على رجليها وتنهار
بس بتلاقى اللى بيقومها تانى
بتبص سيلين بتلاقى زين اخوها
بتحضن سيلين زين وتقول وهى بتبكى: رجعهولى يازين انا اللى سيبته يمشى انا غلطانه بالله يازين رجعه
بتستمر على الحال دا فتره ف بيقول زين
زين: سيلين قومى كدا الدنيا مش هتقف عليه
سيلين: انا اللى غلطت يازين انا اللى سبته
زين بغموض: تعالى معايا نروح البيت ياسيلين
بيعدى الوقت وهما ف العربيه كل واحد مشغول بنفسه سيلين بتعيط وزين بيفكر يصالح فداء ازاى بيوصلو البيت بتفتحلهم الداده وهنا سيلين بتتصدم من اللى شافته.
ـــــــــــــــــــــــــــــــــــــــــــــــــــــــــــــــ
عند فداء
بتتكلم فداء مع عبدالرحمن وانها تسيب الشغل مع زين
فداء: يابنى دا طردنى
عبدالرحمن: مانا قولتلك الشغل دا إهانه وانتى اللى مصره وتقولى لا انا قدها وانا نيله
فداء: خلاص اتعلمت من غلطى هااا يلا مش عايزه اروح تانى
عبدالرحمن: طب ايه اللى حصل يافداء اصل اتوقع انك تسيبى الشغل علشان اى حاجه متخلفه اصلك غبيه بصراحه وبعدين فى حد بيسيب الشغل من اول يوم
فداء: انا ياخويا انا بسيب الشغل من اول يوم معجبنيش
وبالنسبه للى حصل ف...... بتحكى فداء لعبدالرحمن اللى حصل
عبدالرحمن بضحك: مش بقول متخلفه طب انتى مالك ومال البنت يخربيتك
فداء: شايفنى قولت نكته وبعدين انت مشوفتش البت كانت عامله ازاى جتها قرق اللهى اشوف فيكى يوم ياسمر ياللى غايظانى
عبدالرحمن: بعيدا عن انى مش شايف ان فى مشكله تخليكى تسيبى الشغل بس ف الاول وفالاخر براحتك لانك عيوطه وهترجعى تقوليلى عايزه ارجع الشغل تانى وساعتها مفيش رجعه
فداء: لا مش هقول كدا
بتلاقى فداء موبايلها بيتصل برقم زين
فداء: يانهار ابيض
عبدالرحمن: فى اي
فداء: زين بيرن عليا
فداء ل عبدالرحمن: دانا هوريك يازين هخليك تتحايل عليا انى ارجع اشتغل وتتاسفلى وهقولك لا بس اصبر عليا
زين: فداء لو حبه تقدمى استقالتك ابقى تعالى قدميها اصل انتى يابنتى مش حمل مرمطه
فداء ف نفسها: يانهارى وانا اللى فاكراك هتتحايل عليا ارجع الشغل
فداء: تمام اى حاجه تانى
زين: بس بسرعه بس يعنى لو ينفع تيجى بكره تقدمى استقالتك بسرعه معلش ولو حبه تيجى دلوقتي
فداء: وعلى ايه هاجى اقدمها دلوقتي
بتقفل معاه المكالمه وتقول: دانت طلعت ندل اوى يازين بس اصبر عليا كدا
عبدالرحمن: هاااا فى ايه
فداء: بيقوللى اقدم استقالتى وانا كنت فاكراه هيقول تعالى وكدا
عبدالرحمن بضحك: مش قادر هموت من الضحك بجد فين كرامتك يابنتى
فداء: بس بس انا هطلع البس واروح واقدم استقالتى
ـــــــــــــــــــــــ ك: تـسـنـيـم'مـحـمـد'♬♡
عند حمزه
بيخبط حمزه على تسنيم ف بتفتحله
حمزه: بقولك ايه ياتسنيم
تسنيم: خير يامصيبه اشجينى
حمزه: خير ان شاءلله
تسنيم: طالما فيها تقوى وان شاء الله يبقى عملت مصيبه
حمزه: لا مش مصيبه بس هى فدوه اخت فداء
تسنيم: مين فدوه
حمزه: اصلا طب سلام هكلم مريم
بيخرج حمزه وتسنيم مش فاهمه حاجه بس بتكبر دماغها وبتنام
ـــــــــــ
عندمريم
بيرن موبايل مريم برقم عبدالرحمن
بتبتسم مريم لا اراديا وبترد عليه
مريم: مساء النور
عبدالرحمن: مساء الورد والياسمين على عيونك
فى نفس الوقت بيتصل حمزه اربع مرات ورا بعض
مريم: معلش هرد على تسنيم
عبدالرحمن: يادى تسنيم اللى طلعالى ف البخت
بتضحك مريم وبتقفل وترد على حمزه
مريم: ايه ياتسنيم رن رن وانا بكلم عبدالرحمن
حمزه: تسنيم ايه فكك منها انا حمزه بقولك ايه
مريم: حمزه خير عملت مصيبه ايه
حمزه: استغفر الله هو كل ما اكلم حد يقوللى انى عملت مصيبه لا ياستى هسالك سؤال هى فدوه اخت عبدالرحمن
مريم: فدوه البت بتاعت المطار
حمزه: ايوا
مريم: عبدالرحمن قال انها اخته ليه يعنى
حمزه: لا مفيش سلام
مريم: سلااام
بتقفل معاه وترن على عبدالرحمن
مريم: بقولك ايه ياعبدالرحمن هى فدوه اختك
عبدالرحمن بيستغرب سؤالها ويقول: اه بتسالى ليه
مريم: لا اصلها مش شبهكو
عبدالرحمن: لا اقفلى الموضوع
بتستغرب مريم وبتقول ف نفسها الموضوع دا ميريحش اصلا
ــــــــــــــــــــــــــــــــــــــــــــــــ
عند حمزه
مامته بتنادى عليه وبتزعق
حمزه ف نفسه يانهار ابيض يالهوى هى عرفت انه مصيبه تكونش عرفت انى سقط ايوا تسنيم فتانه اصلا
حمزه بتصنع البراءه: نعم ياماما
مامته: بكره....
ـــــــــــــــــــــ
يتبع...
ك: تـسـنـيـم'مـحـمـد'♬♡