انت الوحيد اللي دعيت ربِي يديمّك ما جاز لي غيرك ولا ابي بدِيل

14Part

(مرت يومين بسلام وجاء وقت مهمة عقاب)
قام عقاب من جواله الي ماوقف اتصال مسك جوال وشاف هايف الي يدق
عقاب بصوته الثقيل:شبغيت يالمزعج ياقاتل النوم والمتعه
هايف ضحك:يولد قمم المهمه يحمير
عقاب فز وشاف الساعه وكانت ٧:٣٠ الصبح:اعقببب رحنا فيها
هايف بعصبيه:انا الي رحت فيها من اول انتظرك تحت ب الشمس سلوقييي
عقاب ضحك بخفه:يلا الحين بنزل لك عبدالله ومعه اغراضي
هايف:لا والله وانت متى ناوي تنزل
عقاب:ابودع اهلي
هايف زفر:ياليللل يلا اعجل علي ونزل عبدالله
عقاب:تمام
راح عقاب وكلم عبدالله
عبدالله:يعقاب مالي حيل
عقاب مثل الحزن ونزل راسه:يعني ماتبي تساعد اخيك وانا رايح مهمه ويمكن ما ارجع سالم ويمكن يصير فيني شي وانت ماتبي تساعدني خلاص مو لازم خلهم انا بوديهم
عبدالله انفجر ضحك وهو عارف حركات اخوه:يولد ماتعقل انت من حركاتك؟
عقاب رفع راسه وضحك:مايمدي اسوقها عليك حتى؟
عبدالله حرك راسه ب النفي:ماش مايمدي حافظك
عقاب مسك عبدالله من ثوبه وسحبه:طيب يلا يا اخي اذلف ودي اغراضي لهايف لانه  ب بيفصل علي وعليك!
عبدالله راح وهو يتحلطم:ياليلللللل طيببب
وعقاب راح يودع اهله وطلع لهم بعد ما ودعهم كلهم وشاف عبدالله وفارس وهايف
عقاب راح لفارس وحضنه:انتبه لك يعضيدي
فارس شد عليه ودفن راسه بكتف عقاب يمنع دموعه تنزل:ابشر ياضلعي وانت انتبهلك الله يسدد رميك يبعدي
سكت مقدر يكمل وطاحت دموعه
فز عقاب من حس بدموع فارس:افاااا يعضيدي تبكي يبعد روحي
شد عليه فارس وقال بصوت باكي:مابي افقدك يعقاب ويسندي مابي اسمع خبر شين تكفى
عقاب بحنيه:تكفى يالفارس لا تنزل دموعك وانا اخيك جعلني ما ابكيك يعضيدي انتبه لك زين وانا مهو صاير لي شي ان شاء الله
وابعد عن فارس وحاوط وجه فارس بيدينه وكمل كلامه:اعقب يعضيدي ماتبكي وانا معك يعصابة راسي
ضحك فارس ودموعه ماوقفت تنزل:ما اخلا منك ياضلعي
عقاب رفع راسه وضحك:ياربي والدموع!
ضحكو كلهم وراح عقاب عبدالله
عبدالله بضحك:مانيب باكي معليك
عقاب حضنه وشد عليه:شبيه اخيك ماخلا منك
ضحك عبدالله بخفه:انتبه لنفسك يعقاب
عقاب:منعيوني بغيت شي ثاني؟!
عبدالله:سلامتك
ودعو هايف وركبو السياره وحركو

"مرت شهرين وعقاب ب المهمه"
عند عقاب
عقاب:يولد كاني اشوف واحد مناك
هايف ركز:اي بالله انتبه وانا ببلغ الباقي
عقاب قعد يناظر وهو متاكد انه من الاعداء
او ماشافه يرفع سلاحه عليه مسك سلاحه واطلق النار لكن ماجت عليه
التفت يشوف وين هايف وفجاءه سمع اطلاق النار وحراره بجسمه نزل راسه وشاف الدم الي بدا يطلع ومسك على اسفل قلبه بشوي وحس ب الدم
حاول يقاوم الالم لكنه طاح مغشي عليه
هايف شاف عقاب وركض له:عقاببببببب ياعسكررر في اصابه
ركض لعقاب وجلس بسرعان:عقاب ولد هيه تسمعني
ماكان في رد من عقاب وبلغو المركز ان في اصابه وارسلو لهم فريق طبي

اخذو عقاب للمستشفى لان الاصابه بليغه
(في المستشفى)
هايف بتوتر وهو يكلم الدكتور:طيب ذلحين وش الوضع يدكتور
الدكتور:بندخله لغرفة العمليات
هايف ارتعب:تمام
راح وهو جسد بلا روح ماهو مستوعب شي
في غرفه العمليات
الدكتور بجديه:انتبهو يصير له شي
بدو عملهم ب اتقان لكن فجاءه صار خطاء طبي و مواشرات القلب بدا يطلع التنبيه ان القلب بيتوقف!
الممرض:يدكتور صار في خطاء
الدكتور بتوتر:لا لا لا انتبهو زين لا نفقد المريض
كملو عملهم وشويات ويسمعو مواشر القلب تدل ان القلب توقف
الدكتور ابعد يده ومسك راسه:لا حول ولا قوة الا بالله
طلع الدكتور وفز هايف:وش صار
الدكتور نزل راسه:فقدنا المريض
سكت هايف بصدمه ومسك راسه:لا لا لا مستحيل تكفى لا
وانهار بكي والدكتور حاول يهديه
هايف وهو من الصياح انبح صوته مسك جواله ودق على جاسر