انت الوحيد اللي دعيت ربِي يديمّك ما جاز لي غيرك ولا ابي بدِيل

22Part

مر الوقت بسلام وهدوء
وتبقى 15لزواج ابطالنا
حنين وهي تكلم جوجو:متى ودك تاخذين الفستان يبنت!
جوجو تنهدت وقالت:والله مدري
حنين: ودش نروح السوق اليوم وناخذ لش فستان واخذ اغراضي الناقصه؟
جوجو:من يودينا طيب؟
حنين مسكت جوالها تدق على عقاب ومافي رد
جوجو دقت ولا رد
جمانه التفت لهم:بنات رد عليكم عقاب؟
حنين:لا
جمانه:بجرب ادق على هايف بشوف
دقت عليه وماهي الا دقايق وسمعت صوت هايف يرحب فيها
من وصلها صوته ابتسمت بوسع:ياحي الصوت  وراعيه
التفتو لها بصدمه
حنين ضحك بصوت عالي:اخس!!
ناظرتهم جمانه بضحك وكملت مدح:ارحب يعروق قلبي وشريانه ياعسَاني مانحرمممم من حسّك
حنين ناظرت جوجو:انتي تسمعين ولا انا اتوهم؟
جوجو مسكت راسها:لا لا اسمع اسمع
بعد ماخلصت جمانه من المكالمه لفت عليهم وقالت:شدعوه تراني امدح
جوجو:اقول وش قالش عن عقاب؟
جمانه:قال انهم انشغلو وجوالتهم ب السياره
حنين زفرت وقالت:طيب من بيودينا ذلحين؟؟
جمانه:في سياره هنا؟
حنين:في حق ابوي
جمانه:اجل روحي خذي المفتاح وجيبيه
حنين استغربت وقالت:ليه؟
جمانه:اعرف اسوق شوي
جوجو:اخس من متى؟
جمانه:قبل لاتجون نجران كنت اتعلم شوي
حنبن وقفت:طيب بروح اخذ المفتاح واجيكم
راحت حنين تجيب المفتاح والبنات قامو يتجهزون
جمانه وهي تتأمل شكلها ب المرايه وتمسك شعرها:ودي اقص واغير من شكلي مليت من ذا اللوك
جوجو ناظرتها:خلاص نخلص من السوق ونروح نقص شعورنا!
حنين جت على كلامهم وقالت:سمعت طاري قص شعور ابي اقص
جمانه:اجل امشو نروح السوق ونرجع نقص
طلعو وركوب السياره وبدت تسوق
حنين:شغلي اغنيه تكفين
جوجو مسكت الجوال وشغلت اغنيه هاديه
حنين ناظرتها:شجوك انتي شغلي شيله
جوجو لفت عليها:شجوك العب ي اللهجه وين راحت الشين؟؟
حنين:عشت ب الرياض وش متوقعه
(حنين عاشت ب الرياض لكن عقاب واهله بنجران ويزورون الرياض من فتره لفتره)
شغلت جوجو الشيله وطلع صوت حنين تغني معه
حنين:
من ضيقة الصدر غنى والهم منا ومنا
ياناقش الكف حنا كم راح فالحب مظلوم
حال الهوى والشقاوي عودة من الحزن ذاوي
يامكثرين الفتاوي كم راح
وارتفع صوت البنات:فالحب مظلوممم
جوجو:الله يصيب المحبه تسرق من العمر شبه
جمانه:كم راح فالحب مظلوم
(عند العيال)
فارس: عبدالله اخلص علي!
عبدالله:ياربي مابي اطلع طيب!!
زفر هايف بطفش لانهم على ذا الحال من اول:خلاص طيب بنطلع انا و عبدالله
عبدالله استسلم وقال:تمام
طلعو العيال ولف فارس على عقاب:شفيك ساكت من اول
عقاب ناظر جواله:اشيك على السفره وعلى الاوضاع
فارس تربع وقال:خذني معك
ناظره عقاب بضحك وقال:شتبي انت؟
فارس بعبط:مانت طالع من السعوديه الا وانا معك
ضحك عقاب بصوت عالي من عبط فارس وقال:تزوج ونروح مع بعض
ناظره فارس بطرف عينه وقال:توك تنطق وماباقي على عرسك الا 15 يوم!
عقاب:شسوي لك انت ماقلت تبي تتزوج
فارس:لو كنت انتظرت اخطب انا وهايف قد خطب ويخطب عبدالله ونسوي عرس بنفس اليوم
عقاب تنهد وقال:شتبون ياخي حتى بعرسي مابتفكوني!
فارس ضربه بخفه وقال:كلتبن