انت الوحيد اللي دعيت ربِي يديمّك ما جاز لي غيرك ولا ابي بدِيل

18Part

دخل عقاب وهو مبتسم:مبروككك هيوففف
هايف قام بفرحه:يالبيههههههه
تقدم عقاب وحضنه:مبروك يعين اخوك لا اشوفها تبكي منك عشان لا تندعس
هايف ضحك:ابلش
ابعد منه عقاب وقال هايف:ذلحين جايني انت وش ابي بوجهك اذلفو وخلوها تجي
عقد حواجبه عقاب ومسك اذون هايف:قدها؟
هايف بالم:لا لا لا
عقاب فكه وقال:شاطر
هايف كشر بوجهه:لا تقول شاطر!
عقاب:وليه؟
هايف:ماحب ذي الكلمه
عقاب:يصير خير
هايف:اذلف نادي جمانه يلا
عقاب:وربي لا ادعسك اهجد
هايف زفر:ياليل اخلصوو علي
راح سند ينادي جمانه ودخل هايف المجلس
جت جمانه بتدخل مسكها عقاب وقال ب ابتسامة شر:اسمعي طالبش اصدميهه تكفين خليش جريئه معه
جمانه:ابشربييي
عقاب:حيي عينش اخت عقاب
جمانه ابتسمت:حي نباك
ودخلت
هايف قام وقال:ارحبييييي يشريان قلبي
جمانه ابتسمت بقوه:البقى ينظر عيني
هايف مسك قلبه وقال:اخخخ توجعيننن بجمالشش
تقدمت له جمانه ودخلها هايف بحضنه
هايف:احبششش
جمانه:اعشقكك
ابعد هايف من حضنها وقال:العنبووو الخفهه يعرب
جمانه ضحكت وقالت:خفيف بزياده حبيبي
هايف قال وهو ماسك يدها:

وشلون ابثبت ونا ماسك القمر بيديني
ولا قالو العرب اثقل واقول لهم شلون ابثقل
وانا ماسك النور بين يديني

جمانه توردت ملامحها وقالت:ياحلوك حلواه انت وكلامك العذب
تقدم لها هايف ونزل لمبسمها وجمانه بدورها حاوطت رقبته وهو حاوط خصرها
ابعد وقال:فاتنه فاتنهه
جمانه وهي للحين محاوطه رقبته و وجهه قريب منها بشكل كبيررر:ياجعل الفاتنه تفداك
هايف ابتسم وقال:وهي حقي وحلالي ياحرم هايف خفي بقلبه شوي
جمانه ضحكت ضحكه خفيفه لكن مادرت ان ضحكتها لعبت بموازين هايف
هايف ذايببب فيها وقرب منها وباس مبسمها اقوا
جمانه ابعدت بعد مده قصيره:حبيبي مايتحمل
هايف:والي يشوفك يصبر يالفاتنه؟
جمانه باست شفته وابعدت:يبعد روح الفاتنه
هايف ناظر فيها بصدمه:انتي وش سويتي قبل شوي؟؟؟؟
جمانه باسته مره ثانيه:عرفت؟

(ابلش حتى ابطالي خفيفين وش الوضع ذلحين نكمل نكمل ليت يجي عقاب يهجدهم😭)
هايف:يالبيهههههه يحرم هايف
عقاب دق الباب وابعدت جمانه بس هايف بقا ماسك يدها ودخل عقاب وقال:ما اكتفيتو انتي وهو؟
حرك راسه هايف ب النفي وقال:لا شتبي ياخي قاتللل المتعه
قرصته جمانه وصرخ هايف
عقاب:اقول فليتوها اطلع متى حددتو الملكه والعرس؟
هايف ناظر جمانه الي قالت:احس الملكه الاسبوع الجاي والعرس بعد ثلاث اسابيع لاني مابي عرس اوڤر عائلي بس
عقد حواجبه عقاب وقال:وليه عائلي؟
جمانه نزلت راسها بضيق وقالت بصوت مكتوم:تعرف يعقاب العرس يبي له تكاليف
عقاب بحده:ارفعي راسش لا ينزل وانتي اخت عقاب والعرس علي وانا الي بتكلف فيه انتي الي عليش تروحين السوق وتاخذين احتيجاتش والي تبينه بيطلعون معش حنين وجوجو بكرا تشترين الي تبينه والصرافه معكم وانتي اختي ولا برضى تكونين غير عن باقي البنات وتسوين عرس بسيط اعزمي الي تبين وبتلقين كل شي جاهز بمدة بسيطه
تجمعت الدموع بعيون جمانه وراحت لعقاب وضمته بقوه:ماخلا منك يسندي ماتقصر ياعين اختك مابي التكلفه والله ولا ابي لك الخساير
حاوطه عقاب وقال:مافي خساير انتي اختي زيش زي هديل وسحاب
جمانه:يبعد روحي
وشدت عليه
هايف قلب عيون وقال:خلاص ياخي ابعد عن حرمتي رح دور لك زوجه
عقاب ناظر عليه بحده
هايف:ابلش رجع عقاب الاول تكفى خليك زي قبل شوي ونيس وتضحك
اابعد عقاب عن جمانه وحاوط كتفها بيده وكانت قصيرهههه جنبه
عقاب:اقول اسكت بس
كتمت جمانه ضحكتها وناظرت بهايف
هايف لاحظ على جمانه وقال:اضحكي لا اضحكي وزيديها بعد
انفجرت جمانه ضحك وابتسم عقاب من ضحكها
راحت جمانه لعند امها وطلعو العيال وراحو لبيت عقاب
دخل عقاب وشاف فارس وعبدالله ب الصاله وقاعدين يضحكون
عقاب:وش فيكم انتم
فارس ناظر عقاب ورجع انفجر ضحك
عبدالله لف عليهم وهو كاتم الضحكه
هايف من ورا عقاب ياشر لهم بمعنى لا
عبدالله رجعت ملامحه واشر لهايف وشو
عقاب:بطلع ابدل ملابسي
وراح من عندهم وفز هايف للعيال وقال:اسكتو اليوم ولا حرف عقاب رجع الجلمود والثقيل
فارس:ياليللل وش غيره
عبدالله:من بعد انصابته وهو مروق ويضحك وصاير خفيف وش رجعه الحين؟
هايف:والله مدري بس المهم ان لا تنرفزونه ولا تفلونها بزياده
عبدالله:عاد كلنا نعرف عقاب لا عصب حرفيًا بيقلب الدنيا علينا
فارس:انشهد جت فتره عقاب صاير
ماكمل كلامه الا وقاطعه عقاب وهو يقول:وش فيه عقاب وش صاير؟
ناظرو فيه بنكبه
رفع حاجبه عقاب وقال:اي فارس عقاب صاير وش؟
فارس ضحك بورطه:ها ولا شي شفيك
عقاب ناظره بجديه:اخلص مانيب بزر تلعب علي!
فارس تنهد وقال:ابد والله الفتره ذي كنت صاير خفيف بزياده ومروق طول الوقت
تنهد عقاب وتقدم لها وجلس:والله الفتره ذيك كنت اتساهل التعب واحاول اكون خفيف شوي لكن تعرفوني مانيب يم الخفه ولانيب يم الحب والحين فجاءه كذا صرت احب وانا جاهللل في ذا الطريق وانا ما احن الا على خواتي وامي وجوجو وجمانه
فارس ناظره ب ابتسامه لانه يعرف ان عقاب كتومممم مستحيل يفضفض لحد غير ربه يكتم كل مواجعه مايحب احد يشيل همه
عقاب حس على نفسه وقال:استاذنكم بطلع لغرفتي
ولف بنظره لفارس وفهم فارس انه يلحقه
راح عقاب وقال فارس:وانا استاذنكم بطلع فوق
اول ماراحو عقاب وفارس التفت عبدالله لهايف وقال:وربي جاني ضيق اكثر من عقاب
هايف ناظره بضيق:كلنا نعرف عقاب كتوم ولو في شي مضايقه مابيقول لنا

(فوق عند فارس وعقاب)
عقاب ناظر وراه من حس بخطوات وابتسم:فهمتني
فارس ابتسم:انا حافظك زين امش قل لي وش يتعبك
دخلو الغرفه وجلسو شابك يدينه عقاب وبدا يقول:ياخوك مدري وش فيني صدق انا من نفسي مادري صاير غريبب اطوار وانت تعرفني ما اشكي لحد الا لك حتى جوجو ماتعرف لاني لو قلت لها بشوفها تبكي من البدايه وانا محب اشوف احبابي يبكون من تعبي وضيقي مستغرب من نفسي اني قبل شوي شكيت ل عبدالله وهايف وانا من النوع الي مستحيل افضفض لحد يافارس انا دخلت بطريق المتاعب طريق الحب الي نهايته زواج او كل واحد بطريقه والمشكله حبيت من؟حبيت حنين وابوي وابوها بينهم خلاف كبير لو كان صغير من اول رضو حيران يافارس وش اسوي ومن يوم العمليه وانا متوجع ولا ابي اقولكم عشان لا تيشلون همي

فارس ناظره بضيققق من حال عضيده واخوه:شف ياخوك اني مستغرب انك الفتره ذي صاير حنون وخفيف وماغير تضحك انت مانت عقاب الاول الي ماكنا نشوف ضحكته ويمكن شكيت لهم من كثر تعبك صرت تبي تطلع الي فيك والحب الله بيجمعكم واعرف يعقاب الله لو يبيكم مع بعض بيجمعكم وبيفتح لكم ابواب وطرق عشان تجتمعون لا تتعب قلبك ارتاح وافرش سجادتك وصل وادعي ربك والله غفور رحيم لا تعذب نفسك ب الحب ادري فيك تبان انك جلمود وماهمك احد لكن قلبك رهيف تلين مع الي تحبهم واكبر دليل انك ماتحن الا على امك وخواتك وجوجو وجمانه بنت دخلت قلبك وحبيتها صرت تحن عليها وتبي تسوي اي شي عشان تكون من حلالك

عقاب كان منزل راسه ويسمع لفارس وحس براحه كبيرهههه من كلام فارس ورفع راسه وقال:ماخلا من يعضيدي شلت هم كبير كان على صدري
فارس ابتسم:انا وياك واحد يعقاب لاتفكر بيوم تخفي عني بشي
عقاب وقف وقال:بتقدم لها لكن قبلها بعرف وش الخلاف
فارس وقف وحط يده على كتف عقاب وقال:معك معك والله لايعوقنا بشر
ضحك عقاب تقدم وحضن فارس شد عليه فارس شويات وعقاب مسك شعر فارس وسحبه
فارس بصراخ:يابزررر فكك شعري
مسك فارس شعر عقاب وبدا يسحب
عقاب:ياحمار فك
فارس:فكني افك
عقاب ابعد اصبع واحد:فكيت اصبع فك
ابعد فارس اصبعين:وخرت اصبعين
لكن عقاب غدر فيه وشد شعره وصرخ فارس
سمعوهم العيال وجو ركض يحسبون فيهم شي
دخل عبدالله برعب:شفيكم!!!
هايف من شافهم ماسكين شعور بعض طاح يضحك
عبدالله:فكه يابزر
عقاب لف وقال:خله يفكني
عبدالله ضحك:فارس فكه
فارس فك يد واحد وعقاب مثله وفارس رد الحركه وسحب بقوه
فز عبدالله لعقاب من صرخ لانه يدري عقاب يصدع:فارس يبزررر فكه خلاص
عقاب فز لفارس وعض يده
فارس شهق وقال بصراخ:ياولدددددددد اح يلعن شكلك بزر انت بزر
عقاب ضحك على تعابير فارس
فارس شاف يده وكانت حمراء ومطبعه عليها
فارس:شف شف كيف سويت يسلوقي
عقاب شاف وشهق وهو يمثل:يعمريييي اسف
فارس قرب وضرب راس عقاب: لا تشهق ياكلب
عقاب ضرب راس فارس:وانت بعد شهقت لاتحسبني ماركزت
هايف تكتف وقال:حتى وانتم متهاوشين خايفين على بعض
قرب عقاب وحاوط كتف فارس بيده:مو متهاوشين نمزح شدعوه
لف على فارس وقال:صح فروسي؟
فارس ناظر فيه وهو مصغر عيونه:كلتبن
ضحك عقاب بقوم واستمر اليوم على السوالف والضحك

(لا إله الا الله،الحمدلله،استغفرالله)🤍🤍