انت الوحيد اللي دعيت ربِي يديمّك ما جاز لي غيرك ولا ابي بدِيل

23Part

دخلت ولايف للبيت واتجهت لغرفة حنين فتحت الباب بهدوء وشافت حنين الجالسه وتضيف بعض التفاصيل والتعديلات لفت من حسّت بالباب ينفتح وشافت ولايف الواقفه والي كانت تتأمل ملامح حنين من المرايه العاكسه وتبين لها حنين ب اكملها
ضحكت حنين من شافت ولايف المتكتفه وسانده راسها على الباب:ولايف شفيك يعيوني ؟
تقدمت لها ولايف وهي تقول:تهت بملامح وجهك يبنت
ابتسمت لها حنين ورجعت تكمل وهي تقولها:قومي تجهزي يبعدي
قامت ولايف تجلس بجانب حنين وتبدا بمكياجها
لفت ولايف لحنين وهي تقول:حنيني
ناظرتها حنين وقالت:عيونها ؟
بدت ولايف تسّرد لحنين وش صار معها بالسياره ناظرتها من انهت كلامها وشافت حنين مميله راسها يدل على تركيزها ومرسومه على شفتها ابتسامه واسعة نطقت حنين:عبود ياخي ياحظك فيه صدق
ولايف وهي تتذكر ملامح وجهه وضحكته و وتعريفه وثقته اعُجبت به كثير
تنهدت وهي تقول:هو يضحك وانا اتأمل
ضحكت حنين وهي تقول:تراه نسخه من عقاب لكن عقاب اطول بشوي واعرض
ولايف سندت يدها على فكها وقالت:اذا عبدالله كذا مزيون عقاب شلون ؟
حنين بحُب:تكفين اص شالع قلبي
ولايف ضحكت بخفه وقالت:واضح لك اني همت بـ عبدالله ولا باقي ؟
حنين وهي تناظرها بضحك:لا واضح واضح ماخذ عقلك ولد محمد
ولايف:عقاب البِكر ولا ؟
حنين هزت راسها بالنفي:لا اول شي حسين وعنده تؤام غيّم و غيّث وبعدين عقاب واخر واحد حبيب قلبك عبدالله
ولايف بهيمان:بخصوص اني تركت كل شي وركزت على "حبيب قلبك عبدالله"
ضحكت حنين من شافت ان ولايف هامت بحب عبدالله وبقوه:جاء الي اخذ قلب ولايف ؟
ولايف:يشيخه استحل قلبي وتفكيري بعد
قالت حنين وهي تطلع الروج وتحطه على مبسمها:وين جمانه وجوجو ؟
قامت ولايف وهي تطل عليهم وشافت جمانه تعدل لجوجو شعرها:جمانه تسوي شعر جوجو وخلصو كلهم
كملت ولايف كل شي وانهت بِأنها لبست البرقع، وحطت الطرحه الشفافه رفعت البرقع لتتأكد انها انهت كل شي من مكياجها سرحت لثواني تتأمل شكلها ب اكمله
طلعت وشافت البنات يشيكو على كل شي وهم ب اجمل طلة وحنين المتخصره وتكلم جوجو
جوجو بضحك:مابخليه يدخل ممنوع يشوفك الا بيوم زواجكم
حنين زفرت وهي تقول:تسوقينها انتي شكلي بسنتر عند الباب لما يجي
جوجو لفت من سمعت ضحك ولايف وهي تضحك معها وتقول:مافي فايده صامله الاخت
تكتفت حنين وهي تضحك معهم وماهي الا شويات ويمتلى البيت
حنين وهي تثبت برقعها:ولايف بالله شوفي جوالي لايكون دق عقاب
راحت ولايف وشافت في مكالمه من عقاب:اي دق من دقايق
فزت حنين وهي تدق عليه و وصلها صوته يقول:حنيني انا برا
رجعت تكمل كل شي وتضيف اخر لامساتها بأنها تاخذ مسك العود وتحطه على اماكن النبض لفت للبنات الي يتأملونها
ابتسمت وقالت:كيف شكلي ؟
ولايف وهي مستنده على كتف جوجو:موتٍ حمر !
جوجو:تخلص حروفي وتعبيري عن وصفك
جمانه:ضاع الكلام من شفت حسنك
ابتسمت وميلت راسها بلطافه من كلامهم
لفت من شافت طفله مقبله عليهم وهي تركض
جتهم جوري وهي تقول:حنين في رجال كبير برا يبيك
مشت وراحت لعقاب الي دخل البيت و وقف بالمزرعه الخلفيه ينتظرها
كان الوقت مابين غروب الشمس
راحت للمزرعه وهي تشوف عقاب معطيها ظهره وحاط العصبه بعشوائيه وثوبه الاسود ودخانه مستقر بين ثغره ويتأمل الورد المزروع حوله
لف من حسّ بخطوات وصوت كعبها يوضح له من بعيد
حنين بصوت عالي عشان يسمعها:عقاب شرايك تجي هنا عندك تراب وانا لابسه كعب
ابتسم وقال:لا تعالي في ممر هنا مافيه تراب
ابتسمت وهي تمشي وماسكه الطرحه لكن جت نسمة الهواء طيحة الطرحه وسمحت للهواء يداعب شعرها ركز بعيونها من بدت تقرب له ،وركز ب البرقع الشفاف من تحت والي سامح لروجها الاحمر يبان له
ابتسم من اقتربت منه ومدّ يده يحاوط خصّرها ويشدها له ابتسمت بجرائتها رفعت برقعها ارتخت عيونه بذوبان اقترب من وجهها ،وركز مبسمه على مبسمها حاوطت عنقه بيدينها ابتعد عن مبسمها وترك راسه على كتفها  وهي بدورها خلخلت اصابعها بشعره وهي تلعب فيه بهدوء
قالت بهمس:لاتفلها يلا اذلف
نطق بصوته الثقيل:امشي معي
ابتعد وشالها بين يدينه وركض فيها وحوالينهم ورود ومنظرهم اللطيف ومابين ان عقاب يركض و بـ احضانه حنين تضحك بصوت عالي وما انتبهو ل جوجو الي ماسكه جوالها ب نهاية الممر، ورافعته يدل على انها تصور وهي كانت موجوده من شال عقاب حنين وركض فيها كانت تدور حنين لانها طولت ،وسالو عنها وجت على حدث جميل
وصل لنهاية الممر و وقف وشافو جوجو واقفه وتتأملهم
جوجو:اخ بس ليت فارسي هنا
عقاب اشر على الباب الخلفي وقال:شوفيه برا ينتظرني
فزت جوجو من قال وراحت له علطول
وعقاب وحنين شبكو يدينهم ببعض ومشو لداخل
عقاب:شوفي لي طريق بدخل
راحت تشوف له الطريق وقالت له يدخل ودخل رجع يشبك يده بيدها ويمشون للداخل
وقفو عند المرايه الكبيره والحريم الي داخل يقدرون يشوفونهم لكن عقاب وحنين ما انتبهو لهم وقف عقاب وهو يفك العصبه الي براسه، ويثبت حنين ويسوي لها العصبه بشماغه مابين انه يسوي لها العصبه نزل نظره لعيونها الي تتأمله بكل حُب
نطقت له بثغّر حجازي:احُبك
ضحك من نطقها ل كلمة احبك وقال:عيديها
مدت يدينها لرقبته وحاوطته:احُبك احُبك !
حاوط وجهها بيدينه:والي خلق العيون الوساع اني اعشقش !
ميلة راسها وعيونها تلمع حُب كبير ونطقت:اعشق ايامي وساعاتي وسنيني الي تكون دايم بجانبك
عقاب بهيمان:والله انش اجمل عطاياء ربي !
مابين هم غارقين بحُبهم ما انتبهو للي يتأملونهم
"عند جوجو وفارس"
فارس ابتسم بوسع من شافها مقبله عليه ،مع انها لابسه برقع لكن كيف مايميز العيون الي ماطاح إلى لأجلها
فارس:يامرحبا بمعاليق قلبي
جوجو بـ إبتسامة:يمرحبا بالي تحبه كل اسبابي
ارتخى على الكرسي وهو يقول:اهيم والله اهيم !
جوجو ضحكت:يشينك بس
مسك جواله وهو يشغل اغنيه كلهم يحبونها،بدا يهز كتوفه وهي شبكت معه علطول وهزت كتوفها معه
فارس لف عليها:اقول يلا اذلفي عطيتش وجه
شهقت وهي تقول:اذلف بس عطيتك على جوك شوي
ضحك ودخلت جوجو وراحت لداخل تسولف للبنات
راحت لهم وشافت حنين جالسه تتصور و ولايف وجمانه يحاولون فيها تخلص بسرعه عشان تنزل
حنين لفت عليهم بضحك:خلاص خلصت جايه
مشو كلهم مع بعض ونزلو بثواني التفت كل العيون عليهم اختطفو الانظار بلحظات بعد ما انتهو من انهم يسلمون جلسو الاربعه جانب بعض
نطقت وحده من الحريم ل ام حنين:الرابعه مين ماخبر ان عندك بنت ثانيه غير حنين ؟
ام حنين بـ إبتسامه:هاذي ولايف صديقة حنين لكنها بنتي الثانيه.
ابتسمت الحرمه وظلت تناظر ولايف بـ إعجاب،اما عند ولايف الي كانت متوتره من النظرات
همست لحنين:اسمعي بطلع فوق شوي وارجع
حنين:وراه ؟
ولايف بنفس الهمس:يبنت توترت من النظرات
ضحكت حنين بخفه من شافت انها نفس الحرمه الي خطبتها بعرس اسيل
قالت لها بنفس الهمس:ذي الله يسلمك ام خالد تمشي وتخطب لولدها
ولايف لفت عليها وقالت:ليكون ودها تخطبني
حنين كتمت ضحكتها:الواضح لي ان جاء الدور عليك
وقفت ولايف وهي تقول:لاتكفين انا طالعه
جت بتمشي واستوقفها صوت ام خالد وهي تقول:وين رايحه ؟
ابتسمت ولايف:طالعه فوق وشويات وجايه
ظلت ام خالد تراقب طلوع ولايف وهي مبتسمه
فزت ام حنين ورا ولايف بسرعه وطلعت معها دخلو الغرفه وقالت ام حنين:حصنتي نفسش ؟
ولايف ابتسمت وقالت:معليك محصنه نفسي لكن من هاذي خرشتني بنظراتها ؟
ضحكت ام حنين وقالت:ذي ام خالد يبنيتي يمكن انها تبي تخطبش لكن مافي صرتي حقنا
استغربت ولايف من قالت حقنا ونطقت:كيف حقكم ؟
رجعت تضحك ام حنين من شافت انها مافهمت:بتصيرين انتي وحنين ماخذين اخوان
توردت ملامح وجهها وقلب لونه ل أحمر وقالت بتغيير الموضوع:اي خلاص ننزل ؟
زاد ضحكها ومشت و وراها ولايف الي تبتسم بخجل
رجعت تجلس جنب حنين وهمست لها:عبدالله كلم امه
توسعت عيون حنين بفرحه وقالت:انتي صادقه ؟
اشرت لها براسها بمعنى ايه
رجعت تقول حنين:يعني بناخذ اخوان ؟
ولايف ضربت راس حنين بخفه وقالت:من لاعب ب إعدادات مخك ماصرتي تستوعبي بسرعه
حنين بضحك:انلام يعني
ولايف نزلت راسها وعلى شفايفها إبتسامه:ماتنلامين
لفو على دخول إيف الي كانت لابسه بينك ورافعه نص شعرها والباقي يندسل على شعرها دخلت وراحت تسلم على الكل ولما وصلت للبنات
همست بصوت مسموع لحنين وهي مبتسمه:جميله صدق !
ولفت ل ولايف وهي تقول:من الحلوه ؟
ابتسمت ولايف وقالت:ولايف يعيوني
ابتسمت وقالت:كل شي حلو فيك
ابتسمو كلهم من لطافة إيف وكملت تسلم وتضحك مع البنات دق جوال جوجو واستاذنت وهي تقوم ج
ردت و وصلها صوت عقاب:جوجو لاهنتي اغراضي الي فوق جيبيها
قالت:ذلحين جايتك
راحت تجيب الي طلبه دخلت غرفته وشافت الكاميرا مسكت جوالها وهي تدق على عقاب
عقاب:لبيه ؟
جوجو قالت:اسمع لابس ثوب انت ؟
عقاب استغرب وقال:ايه وراه ؟
جوجو ابتسمت:اطلع فوق ونادي معك حنين
سكر وهو يروح ينفذ طلبها لفت وشافتهم شابكين يدينهم ببعض
جوجو طلعت الكاميرا وبدت تضبط كل شي وبدت تقولهم يوقفون جنب بعض عشان تصورهم
بنص التصوير خربت العصبه الي على راس حنين و وقف عقاب يصلح لها العصبه وهي تتأمله وجوجو كانت تلتقط كل شي بحُب
قالت حنين وهي تتأمل عقاب:البس انت بعد
اتجه لدولابه واخذ الشماغ حقه وقعد يسويها
لف براسه عليها وهو مبتسم ناظرته وهي مبتسمه واتجهت له ،وهو بدوره فتح لها احضانه وسمعت صوت ضحكاته من ارتمت بحضنه حاوطها وهو يضحك ابتسمت وهي بين احضانه وسانده راسها على صدره
ابتسمت جوجو بعد ما التقطت لهم صور وفيدوهات وطلعت

انتهى البارت🫶🏻.
"استغفرالله.الحمدلله.الله اكبر"لاتنسون ذكر الله ياحباني وصلو على النبي🤍.