انت الوحيد اللي دعيت ربِي يديمّك ما جاز لي غيرك ولا ابي بدِيل

25Part

أعتلى صوت عقاب ينادي حنين وراحت له
أبتسم لما شافها مقبله عليها و أستقبلها بحضنه قالت وهي تحاوط ظهره:مسرع أشتقت توني كنت معك
رجع يشّدها لحضنه أكثر ويقول:وحشتيني ما أشتاق لش يعني ؟
أبتسمت تتركه وتقبّل خده:أشتاق بس ليه جيت ؟
عقد حواجبه وقال:يعني بتقعدين تسألين كذا وبعدين ماودش بجيتي ولا وش ؟
قالت وهي تمّد يدها لمبسمه وتخليه يبتسم:شفيك منفس انت
لفّ وجهه يخفي أبتسامته وألتفت على صوت هايف الي يناديه ولا منتبه لوجود حنين،بحركه سريعه من عقاب أحتضن حنين وهو يغطيه بجسّده وقال لهايف الي يقرب له:ولد ارجع زوجتي معي !
تراجع هايف وهو يضحك:أوب يزوجتي ماكأنك أشغلتنا وأنت تبي تصلح بين ابوك وأبوها وتنطق اسمها عندنا !
رجع يلفّ عقاب وشاف هايف صاد عنهم دخلت حنين ونزل عقاب يأخذ الزبيريه ويرميها على هايف وهو يقول:يكذاب متى قلت اسمها عندكم
ارتفع ضحك هايف وهو يقول بألم:طيب ليه العنف وترانا نعرف اسمها مايحتاج تقول !
راح له عقاب وهو يضحك عليه وقال:اقول اهجد لا أنادي لك جما
قاطع كلامه الضربه الي جته من هايف الي قال:ولد اهجد
مسك كتفه وهو يقول:ياورع تراها أختي !
مدّ يده هايف وهو يشّد على كتف عقاب ويقول:اي صح نسيت
رجع عقاب يرد لـ هايف الضربه واعتلت ضحكات هايف
جاهم صوت فارس وعبدالله الي ينادونهم وقال عبدالله:هايف قلنا لك رح ناد عقاب ورحت ولا عاد رجعت !وأنت يعقاب ترا ابوي معصب منك يقول ما أمداك تروح عنها نطيت عندهم تناديها
أبتسم ومشو هو وهايف لعند العيال وهو يقول:جايكم شفيكم ما طرت !
فارس من بعيد وهو معطيهم ظهره:إلا طرت عندها يولد العزيمه لك وأنت رايح عندها !
ضحك عقاب وهو يقول:فروس حتى انت قلبت علي خلاص بزوجك وجرب انك تتركها وتقعد عند سوالف الشيبان !
هايف بهمس مسموع لعقاب بس:معليك فاهم شعورك
فز عقاب وهو يضحك وباس راس هايف:يافاهمني انت
التفت عليه هايف بسرعه وهو يبوس رأسه:أعجبك يالعضيد!
أبتسمو لبعض وكملو مشيهم لمجلس الرجال،دخلو وقال أبو حسين "أبو حسين هو أبو عقاب بنستمر على اسم أبو حسين لأن البِكر حسين":وين رحت يالسربوت ؟
ضحك عقاب وتقدم له يبوس رأسه ويقول:تمون تمون رحت اسلم على امي وجيت
ناظره ابو حسين بنظرة شك وقال:ماتوقع انك رحت تسلم على امك بس اجلس الغداء بيحطونه !
ارتفع ضحك عقاب وهو يجلس:أبشر
وخذتهم السوالف وقامو العيال بدون عقاب الي جلس عشان ابوه لا يسفل فيه
رفع رأسه يشوف وجه عبدالله الي محمر من الضحك ويدينه مغطيه وجهه، ميّل رأسه يشوف فارس الي حاط يده على كتف هايف يستند عليه ويضحك ضحك عقاب من ضحكهم وقام عندهم وهو يقرب من عبدالله وقال بهمس مسموع لـ عبدالله:شقومكم انتم ؟
عبدالله وهو يحاول يكتم ضحكته وحط يده على ذراعه:رح عندهم
رفع حواجبه عقاب من ضحكهم الهستيري وقال وهو مبتسم: ولد تنفس لاتموت علينا !
أخذ نفس فارس وقال بهدوء يحاول يتمالك ضحكته ويده على كتف هايف الي يمسح بيده على شنبه و وجهه احمر:جينا بندخل بعدك وسمعنا صوت جمانه تنادي هايف التفت لها وارسلت له بوسه من بعيد شويات مانشوف إلا نعال مرتكز على رأس هايف وصراخ جده تهاوش على البوسات العصريه
ضحك عقاب على وجه هايف ومسك رأسه يحتضنه بذراعه:وأنت غبي توزعون بوسات على بعض وأنتم عارفين ان الشيبان هنا !
تنحنح فارس وضحك عقاب بعلّو صوته من فهمه وكان مقصد فارس عقاب يترك هايف،ترك عقاب رأس هايف الي كان بحضنه وتوجه لفارس يوقف جنبه ويخلّي فارس يستند عليه وصار ظهره ملاصق لظهر فارس ، تغيرت ملامحه من شاف عبدالله الي راح بعيد عنهم شوي ويده على كتفه ابتعد بسرعه واختّل توازن فارس لفو كلهم على فارس الي طاح وانطلقت ضحكات الشماته من هايف وعقاب الي كتم ضحكته ورجع يبوس رأس فارس بـ أعتذار ويمدّ يده لجل يستند عليها ، تقدم لهم عبدالله الي منزل وجهه يخفي احمرار ملامحه من الألم الي اجتاحه ولا انتبه للدم الي سال على كتفه كامل لأن ثوبه اسود ولا أنتبه الا هايف الي حسّ بملامح عبدالله وتقدم له يمسّكه من كتفه المصاب ولا هو داري ، صرخ عبدالله بـ ألم من مسّكه فارس على كتفه وألتفت عقاب بقلق كبير على عبدالله الي ملاحظ عليه من البدايه واتجه له وهو يقول:ياعين أخوك فيك شي ؟
هزّ رأسه عبدالله بالنفي ولا ودّه يخوفهم وقال:مافيني شي ياعين أخوك لا تخاف
تغيرت نظراتهم للشّك من رجع عبدالله يمسك كتفه وبردت أطرافه من حس بسائل على يده ، نزل أنظاره لـ يده وبلع ريقه من شاف انه دم ألتفت على العيال وشافهم لاهيين وحاول أنه يستغل الفرصه ويمشي لكن قاطعه صوت هايف الي قال بصوت شبه عالي:ولد في دم يقطر من كتفك !
رفع عيونه عقاب وتقدم له من شاف لون الثوب انقلب للسواد الغامق من جهه وحده والي هي من كتفه ، أستغرب عبدالله بأنه ما حسّ بالدم ولا أنتبه هايف لما مسكه من كتفه لكن ترك أستغرابه من شهق فارس الي شق ثوب عبدالله من كتفه وتوسعت عينه من الجرح العميق رفع أنظاره هايف لـ عبدالله الي واقف بمكانه ولا كأنه صاير شي وقال بعصبيه لأن عبدالله ماقال لهم عن أصابته:الحين بسألك على عمق الجرح ذا ماحسّيت ؟ غير انك ماحسّيت متى كنت ناوي تقولنا ان كتفك يوجعك غبي انت !
كان عبدالله بيتكلم لكن قاطع كلامه عقاب الي قال بسرعه والقلق واضح بملامحه: روحو اركبو السياره وانا جايكم ولا احد من الحريم يدري
ناظرهم هايف بـ أستغراب من برودهم:أنتم شفيكم كذا باردين الولد بيغمى عليه من كثر مافقد دم وأنتم هاديين !
قال عبدالله بسخريه:ياحبيبي تعودنا على الوضع ماعاد صار يسبب فوضى
سمعو صوت أبو حسين وهو يقول:ولد امشو جيبو الغداء من عند الحريم !
غمض عيونه بشّده وهو يبتسم بنكبه ، رجع يفتحها ويقول :أسمعو أنتم روحو حطو الغداء وانا بطلع فوق ابدل ثوبي
عقد حواجبه عقاب وقال: وجرحك ؟
سكت عبدالله بتفكير وقال بعد مده من الصمت:بعقمه انا و بلفه على مانخلص من العزيمه ونروح للمستشفى
هزّ له رأسه عقاب بمعنى "تمام" وراح هو وهايف وفارس يحطون الغداء
وقفو هايف وفارس على جنب بحكم ان محارم عقاب هم الي بيجون
توسعت أبتسامة هايف من سمع صوت جمانه وهي تكلم عقاب ولفّ على عقاب الي يضحك معها ويده مشابكه يدها همس لعقاب: ولد في احد غير جمانه ؟
هزّ رأسه عقاب بالنفي وما أنتبه ألا وهايف واقف جنبه والأبتسامه شاقه وجهه ، أسرعت جمانه تغطي شعرها وتترك باقي الطرحه تغطي كتوفها الي عظمها باين من الفستان ،ضرب عقاب رأس هايف بخفه وهو يقول: ولد أثقل نفداك أثقل
كشّرت ملامح هايف وهو يقول:الي يكون عنده مثل اختك بيعرف ألثقل ؟ أكيد لا
تنهد عقاب وهو يقول بهمس مسموع لجمانه بس:تكفين أزهمي لي حنين وخذي ذا المقرود من عندي !
ضحكت جمانه بعلّو صوتها وفزّ هايف يشوف أن فارس موجود بس ارتخت أعصابه من شافه مو موجود وتذكر أنه اخذ الصحن وراح يحطه ، رجع يلتفت عليهم وشاف جمانه راحت تنادي حنين وقال لعقاب الي يسوي نفسه مشغول لجل يفّك نفسه من شماتت هايف ، ضحك هايف وهو يقول: أثقل أجل !
ألتفت عقاب وركز عيونه بعيون هايف وقال:تكلمني أنت ؟
أبتسم بوهقه من نظرات عقاب وقال: لا أبد طال عمرك انا كذا تجيني حالات اكلم نفسي
لفّ عقاب على الجهه الثانيه يكتم ضحكته من ملامح هايف المتوهق وسرعان ما ألتفت بكل حواسه من سمع صوتها تنادي جمانه قال لا شعوريًا:أرحبي يمعاليق قلبي !
توسعت أبتسامتها وكشّرت ملامح عقاب من قال هايف بصوت يقلده:أرحبي يمعاليق قلبي ! ماتجون مثلي انا وجمانه لاتحاول
ألتفت عقاب له بكامل جسمه وقال:ودك تنضرب ؟ قولي صدقني مابقصر معك !
قال هايف وهو يرفع طرف ثوبه ويعضّه:لا نفداك ابسّري لـ روحي
قاطع مشيه صوت عقاب الي رجع يناديه ورد عليه:شبغيت ؟
قال عقاب وهو مشابك يده بيد حنين لكنها داخل بحيث أن هايف مايشوفها:متى ملكتك انت وجمانه ؟
أبتسم هايف من تذكر وقال:الأسبوع الجاي
صرخت حنين لا شعوريًا:نعم !
ألتفت عقاب لها وملامحه انقلبت للغضّب لكنها أبتسمت علطول تحاول تدارك الوضع وقالت بهمس:والله أسف نسيت
زفر يرخي أعصابه ويرجع يلتفت لهايف:اجل ريوس يالأخ وارجع لمجلس الرجال باقي ماهي حليله لك !
كشر هايف بملامحه وقال:طيب بس بكلمها
رفع أصبعه عقاب ويقول بتهديد لهايف:ولد من ورا الباب لا اشوفك داخل تراني جايه لمكم !
أبتسم هايف ولفّ يعطي عقاب ظهره ويقول وهو يمشي:أبشر بي
"عند عبدالله"
طلع فوق يتجه لغرفته ولمح البنت الي واقفه بأخر الممرات قدام المرايه الطويله تتمايل بجسمها وتلعب بشعرها وصوت ضحكاتها ينسمع له ورافعه جوالها يدل على أنها تصور وبيدها ورد أحمر، تنح فيها لثواني يتأمل تفاصيل ولايف ماهي ألا ثواني وفز يستوعب ويصّد بنظره يتجه لغرفته الي بـ أخر الممر، تنحنح لجل تنتبه لوجوده وفزت من سمعت صوته وسرعان ماتوسعت أبتسامتها لكنها دخلت اقرب غرفه تنتظره يعدي، أبتسم وهو يشّد على كتفه ويدق الباب لأن الغرفه الي دخلتها كانت غرفته وصله صوتها وهي تقول :شبغيت ؟
ضحك بخفه وقال:غرفتي يابعدي بعطيش طريق تمرين بسرعه !
أبتسمت من ورا الباب بوهقه وقالت:تمام صّد وانا بطلع بسرعه
هز رأسه يدعي أنها تشوفه وأستوعب انها ماتشوفه ورجع يقول وهو يصّد:تمام  صدّيت اطلعي
فتحت الغرفه وطلعت بسرعه، مابين عبدالله الي ماسك نفسه لا يلفّ من داهمته ريحتها تنهد ودخل غرفته يتجه لدولابه يطلع الأسعافات الأويه لجل يعقم جرحه ويلحق على الغداء قبل لا يسفل فيه أبوه، بعد ما أنتهى من تعقيم جرحه نزل تحت ودخل مجلس الرجال، تنهد براحه من شافهم توهم يقومون ولحقهم وراح يمشي جنب عقاب الي قال له:أنت بخير ؟
أبتسم وهز رأسه بالإيجاب وهو يمدّ يده لعقاب ويقول:بخير ياعين أخوك معليك
أبتسم عقاب ومسّك يد عبدالله الي كانت ممدوده له وكملو طريقهم ، بعد ما أنتهى الكل من الكل وبدت تغرب الشمس ناداهم الجد خالد يجتمعون جميعهم بالحديقه الخارجه وكملو ليلهم مابين سوالفهم ولقاء الأحبه وضحكهم

"استغفرالله ، الحمدلله ، الله اكبر"
اعطو البارت حقه ، يشهد الله اني أحبكم🫶🏻❤️