انت الوحيد اللي دعيت ربِي يديمّك ما جاز لي غيرك ولا ابي بدِيل

20Part

(اليوم الثاني)
قام عقاب بدري وراح يمشي ولا هو عارف وين اتجاهه
جلس ب الارض وهو يمسك دخانه ويطلع حبه تنهد وقال:راحت منك يعقاب
ضحك بخفه ونزل راسه:اول مره تحب وكانت تجربتك فاشله
قام فارس وهو يلتفت حوالينه يدور عقاب فز لما ماشافه وطلع برا مسرع
شاف عقاب من بعيد وراح له
فارس:عقاب؟
لف عقاب بسرعه وقال:لبيه
جلس فارس جنبه وحط يده على كتف عقاب وقال:شفيك ياخوك
ناظر قدامه بضيقق:وشلون ماضيق وهي راحت من يديني
ناظر بفارس ب ابتسامه ذابله وكمل يقول:تدري وش يقول تركي الميزاني؟
فارس ابتسم وقال:وش
عقاب:
سقيته من عدود الغلا والغرام زلال
بعد ماجذب من دم قلبي وصدرته

وفجيت له باب عن الناس سكرته
وحطيت له عن شمس قيض الغرام ظلال

وشيدت له بيت بقلبي وعمرته حفظته
وغنيت له موال وتخيرت قربه ليتني ماتخيرته!
انهى كلامه وهو يناظر بفارس
اكتفو ب الصمت وحسو بخطوات وراهم جتهم جوجو وهي تقعد قدامهم
جوجو:عضيدي للحينك ضايق؟
حرك عقاب راسه ب النفي وقال:لا عادي كل شي قسمه ونصيب الله ماكتب بيننا نصيب
جوجو:طيب تدري انها تحبك وتبيك
ضحك عقاب بسخريه وقال:تبيني؟تبيني وتخيرت قربه بدالي او
لفت جوجو بناظرها لفارس وشافته ضايق وصاد عنهم
شويات وقال فارس:استاذنكم عقاب لا خلصت تعال لي
قامت جوجو وقالت:لا خلاص اقعد انا بروح اساسًا
مشت وهي مستغربه من فارس
عقاب ناظر بفارس وقال وهو عاقد حواجبه:شفيك يالفارس؟
تنهد فارس وقال بحنيه:مابي اشوفك متضايق وانا موجود ابي اسوي شي بس ما ب اليد حيله اشوفك تتوجع من داخلك وساكت ابيك ماتهتم لفراق احد
عقاب ب ابتسامه عريضه من حنية فارس:يخسي الضيق وانت معي يدرع جنبي
ناظره فارس وقال بضحك:اقول قم انت ووجهك مسويين راعيين حزن
عقاب انفجر ضحك وقام فارس ويمد يده عقاب عشان يسنده
راحو يم الخيمه وشافو سيوف ناظر ببعض بضحك وفهمو علطول المقصد مسكو السيوف وفرواتهم مسك جواله فارس وشغل العرضه وبدو يعرضون وهم مستانسين وكل ذا سواه فارس عشان يغير جو عقاب وما انتبهو للي يناظروهم بهيماننن
عند جوجو والحنين
جوجو دقت حنين بكتفها:يويل حالي انتي فرطتي بذا والله انش غبيه
قالت حنين وهي مركزه على حركات عقاب وهو يتمايل ب السيف:يويل حالي صدق
جوجو حطت يدها على خدها وقالت وهي هايمه بتفاصيل فارس:لعنبو وجهه ما اجمله
ناظرت فيها حنين وقال:عقاب؟
جوجو:شبي فيه كليوم بوجهي فارس قلبي اكيد
حنين تنهدت:ماش مافيها طب
جوجو ناظرتها بطرف عين وقالت:اقول علتبن
قامو الشيبان وهم يشوفون فارس وعقاب يعرضون ويضحكون
ابو عقاب ب ابتسامه:عرضه ب الصبح يعيالي
ابو حنين:خلهم خلهم
جلسو العيال والشيبان والحريم ب المطبخ يسوون غداهم
شويات ويدق جوال ابو حنين ويرد
ابو حنين:ارحب ابو سالم يامرحبا ابد بخير انتم شعلومكم؟الحمدلله هلا؟بتجون اليوم ابد حياكم
وكمل كلامه وهو يقفل الجوال ويلف عليهم
ابو حنين:ذا ابو سالم الي ولده متقدم لحنين يقولون بيجون الليله يتقدمون لان عندهم سفره
الجد خالد:على خير خلهم يجون
ابو حنين:ابشر
وعطاهم خبر اما فارس كان مركز على عقاب الي بان بملامحه الضيق
حنين وهي تهمس لجوجو:يابنت احس اني مو مرتاحه
جوجو تنهدت بضيق:انتي الي اخترتي يالحنين
سكتت حنين وراحو للحريم يساعدونهم
(بعد ماتغدو وخلصو جلسو يسولفون لما جاء المغرب واذن وقامو يصلون)
ولما خلصو راحو يجهزون وشويات وجت سيارتين ولبقت عندهم
نزلو منها رجال وحريم
الجد خالد:ارحبووو
ابو سالم ب ابتسامه:البقى
راحو الحريم للمخيم الثاني
جلسو وبدو يشربون القهوه وعقاب طول الوقت شاك بوجه سالم وكانه قد شافه
ابو سالم:مالكم ب الطويله حنا طامعين بنسبكم ونبي بنتكم حنين لولدنا سالم
ابو حنين ب ابتسامه:الشور شور البنت ي ابو سالم نشوف ردها ونجيكم
راح ابو حنين يسأل حنين واعطته الموافقه وهي مو مرتاحه ابد
دخل ابو حنين للمجلس وقال:ابشركم البنت موافقه
غمض عيونه عقاب وشد على يده لاحظ عليه فارس وشد على كتفه
ابو سالم:الحمدلله
سالم قام وقال:استاذنكم شوي
طلع وراح وراه عقاب و وقف سالم من ناداه عقاب
عقاب:وقف
لف عليه سالم ب استغراب وقال:شبغيت؟
تقدم له عقاب وقال:انت سالم بن سعد ال*******
سالم:اي نعم شبغيت؟
ابتسم عقاب من تذكر ان المركز طالبينه بتهمة تهريب الممنوعات
عقاب قرب من اذنه وهمس بحده:متأكد من قرارك؟
سالم بنفس الهمس:اي
ابعد عقاب وضحك بسخريه وقال:تذكر كلمتك
وترك وراه سالم يفكر من ذا الشخص و وش يبي منه جاهل ان عقاب عميد
رجع عقاب للمجلس وهو يجلس جنب فارس ويقرب من اذنه ويهمس له
عقاب بهمس:فارس
فارس قرب لعقاب وقال بنفس الهمس:لبيه؟
عقاب:تذكر سالم بن سعد الي طالبينه المركز؟
فارس عقد حاجبيه وقال:اي شفيه
عقاب:تدري ان ذا السبك الي متقدم لحنين هو
فارس فز وقال:انت صادق
لفو عليه الرجال وفز ابو عقاب:وش العلم؟
عقاب بهمس:اجلس فشلتنا يالفشيله
جلس فارس وقال:وش بنسوي الحين حنين وافقت
عقاب بحده:ي يطلقها ب الطيب ي بالغصب
فارس:شلون بنعلمهم طيب
عقاب تنحنح وراح ا ابو عقاب وابو حنين
عقاب:ياعم توثق فيني؟
ابو حنين عقد حواجبه وقال:اكيد وراه؟
عقاب:طيب ابقولكم شي
ابو عقاب ضرب راس عقاب بخفه وقال:تعرف توترني انجز وش العلم؟
عقاب:سالم راعي بلاوي والمركز طالبه بتهمة تهريب الممنوعات
انصدمو وقال ابو حنين:انت صادق؟
عقاب:اي بالله
ابو عقاب بحده:طيب البنت وافقت
ابو حنين ب عصبيه:بيطلق طرق عنه
راح ل ام حنين وحنين وقالهم كل شي
حنين بدموع:يمكن يرفض انه يطلق
ابو حنين باس راسها بهدوء وقال:بيطلق وهو مايشوف الدرب
ورجع للرجال وقال:العذر يابو سالم لكن البنت ما ارتاحت مابينهم نصيب
وقف ابو سالم بعصبيه هو و ولده:وشو ما ارتاحت عبط هو توافق بعدين ترفض
ابو حنين ببرود:البنت ما ارتاحت وانا ما بجبر بنتي على شي ماتبيه
سالم:اقدر اكلم البنت؟
عقاب بعصبيه:نعمممممم!
سالم:انت مالك دخل
عقاب لف على ابو حنين وقال:انا ياعم طالب يد بنتك حنين على سنة الله ورسوله
ابو حنين بفرحه كبيرهه:مابيجي احد لحنين افضل منك لكن الشور شور البنت
عقاب ب ابتسامه:ابد اسألها
ابو سالم بتحدي:طيب اسأل البنت تبي سالم ولا تبي عقاب؟
عقاب ضحك بسخريه:للحينكم صاملين؟
سالم ب استفزاز:طيب خلوهم يسألونها خايف ترفضك؟
عقاب قرب من اذنه وقال:بنشوف وبعدين تذكر كلمتك انك متاكد بنشوف ياولد سعد
سالم عقد حاجبيه يتذكر قد ذكرو اسم ابوه ولا:انت من وين تعرف اسم ابوي؟
عقاب ابتسم بخفه وقال:بتعرف مع الوقت اني اعرف كل شي
ماينكر سالم انه ارتعب من كلمة (كل شي)
راح ابو حنين ودخل عندهم وقال:حنين يابنيتي
جته حنين وقالت:لبيه
ابو حنين مسك كتوفها وقال:شوفي يابنيتي سالم ولد سعد متقدم لك و عقاب متقدم لك
حنين ناظرت ابوها بصدمه وسرعان ماتغورقت عيونها ولفت لجوجو بفرحه كبيرهههه
حنين بعد صمت بسيط:اكيد عقاب اكيدد بلا شك
ابو حنين ضحك وضرب راسها بخفه:خفيفه بنيتي الله يخلف علي بس
ضحكت حنين مابين دموعها وقالت:يعني بختار سالم اكيد بختار عقاب رجال كفو واعرفه بيحطني بعيونه
ابو حنين:انشهد زين ماخترتي بروح اعطي الرجال الموافقه الله يبارك لش ويوفقش
حنين قربت وباست راس ابوها:امين يارب
راح ابو حنين من عندهم
جاء لعند الرجال وقال:العذر يابو سالم لكن مابينهم نصيب
ولف على عقاب يكمل كلامه:مبروك يعقاب الله يوفقكم
ضحك عقاب بفرحه شابهت العيد
ولف على فارس وراح له وحضنه
ضحك فارس وهو شاد على عقاب:والله وخذيتها ياعقاب
عقاب بسعاده:اي بالله خذيتها يافارس
فارس:مبروك ياخوك الله يوفقك يلا تزوج وانا بعدك
عقاب غمز له:جاهزه نفداك
ضحك فارس
عقاب وهو يكلم ابو حنين:متى الملكه ياعم؟
ابو حنين:يوه نسيت اسال البنت متى تبي روح اسألها
راح عقاب وشاف حنين وهي ترقص وتتمايل
(بعد ماراح ابو حنين)
حنين ركضت لجوجو وارتمت بحضنها:جوجو انا له الحين عقاب لي؟تكفين عقاب لي وانا له
جوجو ضحكت:اي اي حقك وحقي
حنين:اقول بس صار حقي يالبيه بقوم على وجهه
جوجو:الله يعينك على طوله
حنين:احب طوله واحبه هو بكبره
(عند عقاب)
عقاب وهو يتأمل حنينه وهي تتمايل بجسمها همس بخفه:فاتنه فاتنه!
انتبهت له جوجو واشر لها تجي راحت له جوجو وقال:شتبي
عقاب:نادي لي حنيني
جوجو ناظرته بطرف عين:صارت حنينك سلوقي
عقاب:اي حنيني ناديها يلا
راحت جوجو تنادي حنين وجته حنين مسرعه وبغت تطيح لكن مسكها عقاب
عقاب:بسم الله عليك شوي شوي
عدلت وقفته حنين وقالت:شبغيت؟
عقاب:متى بغيتي الملكه
حنين:اشوف الاسبوع الجاي مناسب
عقاب:زين الحمدلله انتبهي لنفسش
حنين ابتسمت:ابشر وانت بعد
عقاب ابتسم ولف وقال وهو يمشي:ابشري
استندت حنين على الجدار تتامل طوله وهيبته
حنين:بسم الله عليه
ورجعت للحريم
(مر اسبوع بسلام وجاء وقت الملكه)

حنين:تزينت ب اللون الاحمر وشعرها الي انسدل على ظهرها ومسويته ويڤي

ابو عقاب:اخلصووو
نزلو الكل وركبو السيارات
وصلو وانتظرو الشيخ لما وصل
الشيخ:بسم الله قل زوجتك ابنتي حنين على كتاب الله و سنة رسوله صلى الله عليه وسلم
ابو حنين:زوجتك ابنتي حنين وقرة عيني واغلى ناسي على كتاب الله و سنة رسوله صلى الله عليه وسلم
الشيخ لف لعقاب وقال:قل قبلت ب هاذا الزواج ورضيت به
عقاب:قبلت ب هاذا الزواج ورضيت به
اخذ ابو حنين الدفتر وراح لحنين عشان توقع
ابو حنين:وقعي يابنيتي
حنين مسكت القلم وهي تحس قلبها ينبض حب
وقعت وراح ابو حنين
بعد ما راح الشيخ
عقاب تنحنح وقال:ياعم ابي اشوفها
ابو حنين:من حقك بناديها لك ب المجلس
نادها ودخلت ودخل وراها
اول مالفت عليه حضنها وبدا يدور فيها بسعاده وضحكات حنين
وقف وبقت حنين بحضنه سند راسه على كتفها
دخلت حنين يدها بشعره وبدت تلعب بشعره وتحس بحرارة انفاسه بكتفها
عقاب بهمس:والله اني احبك
همست له حنين بصوتها الي يجذب السامع:والله اني اعشقك
باسها عقاب بنحرها وهو يوزع بوساته ب انشاء جسمها
حاوطت حنين رقبته وباست مبسمه بهدوء
عقاب وهو محاوط خصرها وشادها له
ابعد وقال:احبششش يالفاتنه
حنين قربت من وجهه وهي للحين محاوطه رقبته وهمست قدام منطوقه:والفاتنه تهيم في تفاصيلك
باس عقاب نحرها بقوه وعلمت عليها
عقاب ابتسم:محد قالك صيري حلوه بزياده شوفي علمت على رقبتك
حنين باست فكه بقوه وقالت:فداك
عقاب:والله انش مغريه
حنين:خلاص فليتها بطلع
عقاب:انتظرش قريب ي فاتنتي طلعو الاثنين وفي داخلهم سعادهه وراحه انهم اخذو بعض

انتهى البارت ذا شي بسيط وقريب بننزل انا والكاتبه كنوز البارت مع بعض وبيكون طويل شوي ويوم الخميس الجاي ان شاءالله🤍🤍
(استغفرالله،الحمدلله،لا إله الا الله)🤍