انت الوحيد اللي دعيت ربِي يديمّك ما جاز لي غيرك ولا ابي بدِيل

24Part

"مرت الايام الي مليئه حوسه وفرح وشوق وجاء وقت عرس ابطالنا "عقاب&حنين".
قامت حنين بدري وهي تتمشى بالبيت وتحاول تخفف توترها،راحت تسوي لها اكل خفيف لجل تصحصح شوي بعد ما انتهت راحت تصحي الجميع ليستعدو ويروحو يتجهزون قام الكل وبدت الحوسه والازعاج .
ولايف وهي تكلم حنين:كل شي جاهز امشي
طلعو الكل من البيت الا عقاب وعبدالله وهايف وفارس الي قامو بعد ما الكل جهز واختبصو،ماهي الا شويات وطلعو اتجهو يكملون كل شي ويتأكدون.
"عند البنات"
اول ماوصلو نزلت جمانه وقالت حنين: للحين مصره تقصين ؟
جمانه:مابطول
دخلت جمانه وجلست 
لفت جمانه للكوافيره وهي تعلمها الطول الي تبيه بدت تقص وخلصت وطلعت تنتظر هايف يجيها
"عند البنات"
انتهت ولايف اول وحده وانتظرت وصول جمانه لما وصلت وطلعت لعند حنين وشافتها تكمل تفاصيل بسيطه من مكياجها،التفت حنين لولايف وقالت لها:اسمعي وش اسوي بشعري.
قالت ولايف بـ إبتسامه:دام فستانك ناعم سوي تسريحه خفيفه
هزت راسها حنين بالموافقه.
نزلت ولايف تحت تشيك على الكل وشافت الاغلبيه بدو يخلصون وراحت تلبس وتتصور،شويات ونزلت لهم حنين وهي انهت كل شي توسعت عيونهم بـ إنبهار بطلتها وكانت تبتسم بتوتر تقدمت لها غاليه"ام حنين"والدموع تجمعت بعيونها حاوطت وجه حنين وقالت بحنية:كبرت بنيتي وصارت اجمل عروس.
قالت حنين وهي تحاول تمسك دموعها:لاتكفون مابي ابكي
قالت جوجو بضحك:بيزعل علينا عقاب اذا تأخرنا
ابتسمت حنين وشافت ولايف تناظرها بـ إبتسامه وناظرت فستانها الأحمر غمزت لها وقالت:اوه يالأحمر
ضحكت ولايف بخفه وهي تتقدم لها:ضاع الحكي يالفاتنة !
ابتسمت حنين من مدح ولايف ومن تذكرت عقاب وهو يطرح عليها مسمى الفاتنه
اشرت حنين لولايف بيدها وراحت ورجعت وهي حاطه يدينها ورا ظهرها
تكتفت ولايف وقالت:وش الي وراك ؟
ابتسمت حنين ومدت لها بوكيه ممتلئ بورد الجوري الأحمر شهقت ولايف بخفه وميلت راسها وهي تتأمل البوكيه ناظرت حنين وعيونها تلمع:وش يكفي لوصف حبي لك ؟
حنين بـ أبتسامه:وجودك يكفي
انتهى الكل ونزلو تحت يشيكون على كل شي وشويات امتلت القاعه
"عند الرجال"
صفو العيال يستقبلون الرجال لما طاحت عين عقاب على اخو سالم
لف على فارس بـ أبتسامه وقال بصوت عالي ومسموع:خذيتها من عيون الي يبونها مرجله وعناد !
ابتسم فارس من فهم عقاب وناظر عيون عقاب الي تتجه صوب اخو سالم وابو سالم نظرات إنتصار قبض على ولدهم وحضرو عرس البنت الي خطبوها لولدهم تقدم له اخو سالم وهو يسلم عليه ويشد على يده قرب منه وهو يقول بهمس:ودك يندق خشمك ؟
عقاب بنفس الهمس والابتسامه:تعقب
ابعد اخو سالم عنه وهو للحين شاد على يده:ان كان ودك تطلع سليم لاتستفزني
احتدت نظرات عقاب ونبرته وقال:ان كان ودك تنرمي بالسجن مثل اخوك جرب تهددني.
سالم:اعتبر ذا تهديد ؟
عقاب بنفس النبره:انا اعطيك العلم
سالم بـ استفزاز:من انت عشان تهددني ؟
عقاب بحده وعروقه برزت:عقاب بن محمد ال صقور
ماينكر انه ارتعب من حدته وتعريفه اكمل كلامه عقاب من لاحظ انقلاب ملامحه:الافضل لك تنثبر بمكانك
ترك يده وراح اخو سالم وهو يفكر انه يبتعد
بدو الرجال يعرضون العرضه وتقدم عقاب وهو ماسك سيفه وتقدم يقابل فارس وشويات دخلو حسين وعبدالله ومحمد قابلو عقاب الي تارك راحة كفه على كتف فارس ويدق رجوله بـ الأرض وفارس مثله اتقن العرضه بفخامتهم والسيوف الي تنرفع للسماء
"عند البنات"
نزلو والانظار عليهم بدو يرقصون ويستهبلو لما مر الوقت ودق عقاب على امه يقولها انهم داخلين اعطت خبر للحريم وطلعت لحنين وشافت ولايف عندها بعد ما خففو توترها نزلو تحت ودخل عقاب وسلطان،وقفو ينتظرونها نزلت بخطواتها الهاديه على الانغام تناظره واقف بكل هيبه ويناظرها تقبل عليه ويحسّ بضربات قلبه الي تزيد كلما قربت له
تمشي بخطواتها الهاديه وتناظره بلهفه وتوترها يزيد كلما قربت شافت
ابوها جنبه تقدمت لهم وسلمت على ابوها، وتقدمت لعقاب الي فتح لها بشته وابوها طلع، راحت له وارتمت بحضنه وحاوطها ببشته ابعدت حاوط وجهها بيده وباس جبينها ويهمس ب اذنها:خذيتش من عيون الي يبونش مرجله وعناد !.
حنين بنفس الهمس وهي مبتسمه:احُبك
ابتسم بوسع من نطقها وقال بصوت مسموع:احبش
حنين وهي رافعه راسها تتأمله:اهيم بتفاصيلك يولد محمد
عقاب مسك يدها وهو يقول:ولد محمد طاح بدروبش يبِكر سلطان !
وكمل يقول بصوت عالي والكل سمعه:أحبش مره ومرتين وأحبش بِلا حدود
مدّت يدها لكتفه وهي تهمس له:عيب بيسمعون
أبتسم ورجع يقول بصوت اعلى:
أحبها وبقولها واعيدها لو تسمعون
وعن حب هوا بالي ابد ماتمنعت
ابتسمت له وتقدمو بيطلعون لكنها شهقت من شالها عقاب ويمشي وهي بين احضانه والانظار عليهم
طلعت فوق تقدم لها عقاب وقال:خلاص طلعنا فوق تعالي بحضنش زين
شدّت قبضة يدها وضربته على صدره وهي تقول بضحك:اذلف
تراجع على ورا وهو يضحك:شقومش انتي
تلفتت حنين ولقت السيف حق غيّث الي حطه عند امه راحت واخذته وقالت وهي تضحك:جرب تجيني بركز ذا السيف ببطنك !
ناظرها عقاب وهو يضحك:قلبتي علي اجل ؟
تقدم لها وهو يسحب منها السيف بحركه سريعه ويوجهه تجاهها واكمل وهو ماسك ضحكته على ردة فعلها من سحب السيف بسرعه واكمل:نسيتي اني لواء ؟
زمت شفايفها وهي مبتسمه:غش ياخي
ضحك ومسك يدينها وفهمته علطول وقابلته يعرضون
دخلو غاليه وتهاني اول ماشافوهم ضحكو وقالت تهاني: يقولون زوجوهم يعقلون واشوف أنو زوجناكم ماعقلتو !
ضحك عقاب بخفه ولف على حنين الي توردت ملامحها وشدّت على يده ،
نزل انظاره ليدها الي شدّت على يده وابتسم طلع لجل يكلم اخوانه وهي تلبس عبايتها راح لعند الرجال وشاف عبدالله محاوط كتف هايف وفارس معهم ويستهبلون ناظره فارس واشر له بيده يجي ، راح له وهو مبتسم ومسك السيف وهو يقرب منهم يقابلهم بسيفه يرفعه للسماء ويسمع صوت ضحكاتهم بفرحه ما أنتهت الليلة عندهم راحو جميهم لبيت جدهم يجتمعون هناك ويسولفون
"عند عقاب وحنين"
وصلو للفندق ونزل عقاب يفتح الباب لـ حنين ويساعدها تنزل
مسكت يده حنين تشد عليها وتمشي معه وكفها على كفه دخلو لغرفتهم بهدوء
وراحت تبدل ملابسها مرت دقايق ولاحظ عقاب انها طولت، دق الباب ودخل شافها تحاول تفك سحاب الفستان وضحك ضحكه خفيفه وتقدم لها وقال:يعني كان قلتي لي من اول
قالت وهي تناظره بطرف عينها:طيب الحين فكه وبعدين نتفاهم
مدّ يده يفك السحاب وحسّت بيدينه تمسك ظهرها العاري تقشعر جسمها تحسّ بيده تمّر بظهرها وقرب رأسه يترك بوسته على كتفها قريب من عنقها
وطلع يتركها تبدل
بدلت ملابسها وطلعت تشوفه ياخذ الأكل وقالت:امداك تطلب ؟
ناظر عليها وأبتسم:طلبت من اول والحين وصل تعالي
جلس وتقدمت تحط الأكل بالطاوله وتجلس بدو ياكلون وبعد ماخلصو قامت تشيل الأكل وهو يساعدها خلصو وراحو يجلسون بالسرير انسدح عقاب وشافها تجي له وتحاوطه تدخل بين أحضانه، أبتسمت من شافته يعدل جلسته وينسدح على صدرها،خلخلت أصابعها بشعره تلعب فيه بهدوء وهو محاوط يدينه بخصرها ورأسه على صدرها تحسّ بـ أنفاسه على صدرها نزلت رأسها قرب من وجهه تبوس خده،رفع عيونه لها وابتسمت له ارتفع شوي قريب من عنقها مدّ يده يمسك رقبتها وشعرها ويبوس عنقها،غمضت عيونها وعلى شفايفها انرسمت أبتسامه ابتعد وسكت لثواني يتأمل أبتسامتها وقال:أحبك
قامت من بين أحضانه وقربت لشفته تحط شفتها على مبسمه،ابتعدت ترجع لحضنه وتتركه يناظرها وهو مبتسم وبعد السكوت البسيط نطق:يعني تذوبيني وترجعين ماكأن صار شي ؟
ضحكت واتوسعت أبتسامته من ضحكتها ورجع يشّد على حضنها ونامت بين أحضانه بدون مايصير شي وماهي الا شويات وغفى
"بالصبح"
قامت تجهز لهم الأكل وشافته نايم راحت تتركه يكمل نومه براحته
بعد ماسوت الفطور راحت تتجهز على الخفيف تحط الروج على مبسمها وفستانها الهادي وشعرها منسدل على ظهرها،راحت لعنده تصحيه بهدوء وهي تقول:عقاب قوم يلا
فتح عيونه ورجع يغمضها وهو يقول بصوت ثقيل:شويات واقوم
أبتسمت ورجعت تقول:ياحبيبي يلا قوم بسك نوم
فتح عيونه وقام عدل جلسته:عيديها مره ثانيه
أبتسمت تمثل الغباء:وشو ؟
رجع يقول:ياحبيبي عيديها مره ثانيه
قامت تلف وجهها عنه وهي باقي مبتسمه:قوم يلا جهزت الفطور
صغر عيونه وقال:يبنت عيديها
ماردت عليه وجت بتطلع ولفت عليه شافته يلف ظهره ويرجع ينام
ركضت له بشويش وهي تبوس خده وتقول:ياحبيبي وياعيوني قوم يلا
قام بسرعه وهو يحضنها سمع صوت ضحكاتها وأبتسم تركها تروح وهو قام يبدل ملابسه ويتجهز
خلصو فطور وقامو يتجهزون عشان يروحون لبيت جدهم
لبست حنين فستان هادي يبين انها عروسه ولابست اكسسورات خفيفه وسوت شعرها ويفي ومسكت المسك تحطه بـ أمكان النبض والتفتت تشوفه يتعطر بعطره الثقيل ،مسكت المبخره وحطت فيها العود وراحت لعنده تبخره أبتسم يشوفها جايه تجاهه وبيدها العود فتح شماغه وحاوطها فيها يتبخرون مع بعض وطلعو مع بعض لبيت الجد
"ببيت الجد"
شافو سيارت عقاب مقبله عليهم واعتلت اصواتهم بالتراحيب نزلو وهم ماسكين يد بعض وراحت لعند الحريم وهو دخل يسلم على الكل
استقبلو البنات حنين بتريحيباتهم وأبتسمت تشوف الكل حوالينها وجلست بينهم تسولف مع الكل

"انتهى البارت" جابني الشوق اهم شي للحين انا على البال🥹❤️