انت الوحيد اللي دعيت ربِي يديمّك ما جاز لي غيرك ولا ابي بدِيل

21Part

(اليوم الي بعده)
صحى عبدالله ومسك جوال وشاف رساله انه انقبل ب كلية الطب
قام بفرحة كبييييره وراح لسرير هايف وبدا ينط فوقه
هايف قام من ازعاج عبدالله  وقال له:شفيك انت انجنيت ؟
عبدالله لف وكان بيقوله بس بيخليها مفاجاة لما الكل يقوم
راح وبدا يصحي عقاب وفارس بكلل حماس والكل مستغرب من طاقته
(العيال وهم جالسين يفطرون)
تنهد عقاب وقال:ياليل بعد بكرا دوام
فارس:ليه ليييه لازم تذكرون الواحد تكفوننن ليه
هايف:ودي احط ملكتي بعد شهر لاننا بنحتاس مع عقاب وزواجه
عقاب:في مهمه قريبه لو رحت لها بترقى
فارس ناظره وقال:بتروح؟
عقاب:اكيد دام فيها ترقي
فارس مسك الصحن وقال:تبيني اهفك ب الصحن الحين صارحني تبي تموت؟لا جد تبي تموت توك ماتعافيت من عمليتك وقدك بتتزوج ياغبي
عقاب قلب عيونه وقال:ياولد بموت يعني بموت لارحت
فارس:اي بتموت على الاقل راعي ان حنين تخاف عليك وانها على ذمتك
عقاب بضحك وهو يبي ينرفز فارس:ولد لاتقول اسم محرمي
فارس غطا وجهه بيدينه وهو يستغفر بهمس:ودك اني اصفقك؟
عقاب:فروس تراني رايح رايح لاتتعب نفسك
فارس:الله يصبرني
عبدالله ناظر بهايف وقال:مكاننا غلط ولا ي هايفي؟
هايف مثل انه يبكي وفز له عبدالله وهو يحضنه ويكمل التمثيل
عبدالله وهو حاضن هايف:لا لا يعمري خلاص خلاص لاتصيح انا معك
عقاب مسك كرتون المنديل ورماه عليهم ورفع راسه هايف وهو يضحك
هايف بضحك:غرت اعترف اعترف
عبدالله راح لعقاب وهو يحضنه
عبدالله:خلاص شوفني حضنتك لا تزعل
رفع راسه عقاب وهو يحط عيونه بعيون عبدالله
عبدالله حط يده على عيون عقاب وقال:لاتناظرني كذا عيونك حلوه وجع
ناظر العيال وقال:ذا الولد ماخذ جينات الجمال كلها
هايف:اشوف ناظروني
ناظرو بهايف وقال:تراكم نسخة بعض
عقاب وعبدالله ناظرو بعض بنفس الوقت وكمل هايف يقول:حتى حركاتكم
عقاب بهدوء لف عليهم وقال:اخوي وش متوقعين
حاوط رقبته بيده وكمل وهو يقول:بطلع شوي وارجع
فارس ناظر فيه:بتروح لحالك؟
عقاب قام ومسك يد فارس يقومه:مستحيل
عبدالله تنهد:لا الحين جد مكاننا غلط
هايف:تشوف المهم ان ترانا بنطلع انا وعبدالله
عقاب:وين؟
هايف:انتم وين رايحين؟
عقاب ببرود:عارف اني مارح اجواب ليه تسأل
هايف كان بيقول مابجاوب لكن لما شاف نظرات قمط العافيه وقال:بنطلع ناخذ كوفي ونتمشي
فارس كان عاقد حاجبيه ويناظر عقاب ب استغراب من بروده
تنهد عقاب وطلع لغرفته وقال وهو يمشي:فارس اخلص غير ملابسك
طلع فارس ورا عقاب
عبدالله ناظر هايف وقال:لاتقولي رجعنا لعقاب الاول تكفى!
هايف حط يده على راسه وقال:الحين تونا ماصدقنا على الله يرجع عقاب يضحك وش صار لاتجننوني!!
عبدالله رجع يسند راسه على الكرسي وقال:ممكن كان شي مؤقت ماننكر انو كلنا استغربنا لما عقاب بدا يضحك ويصير خفيف وكلنا نعرف ان عقاب ماينمزح معه
هايف قال وما انتبه لعقاب الي نزل:لا يشيخ الحين اناديه واصفقه
بينما هايف يتكلم عبدالله قامط العافيه ويحاول يبين لهايف ان عقاب وراه
عند عقاب متكتف ويسمع لهايف وهو ينتظره يخلص كلامه
بعد ما انتهى هايف من كلامه سكت شوي من ملامح عبدالله القامطه تقدم عقاب و وقف قدام هايف
عقاب ببرود:قم صفقني يلا
هايف ابتسم بنكبه:اعقب
نزل فارس وشاف وجيههم الي واضح عليهم القمطه وفز عبدالله علطول لفارس وقاله
ضحك فارس من ملامح هايف وتقدم لعقاب:بوجهي بوجهي
ولف على هايف:وانت اترك عنك الهياط يلا عقاب مشينا
حط عقاب يده على كتف فارس وهو يمشي
قام هايف وعبدالله وهم يقلدونهم حسو فيهم ولف عقاب عطاهم نظرة كل واحد رجع مكانه بهدوء
فز عبدالله قبل لا يطلعون وقال:اييييي عقاب نسيت اقولك
ناظره عقاب ب استغراب
عبدالله تقدم له بفرحة:انقبلت بكلية الطب
ابتسم عقاب بوسع ثغره وقال:انت صادق؟
عبدالله:اي والله
عقاب تقدم ل اخوه ورفيقه وسنده وحضنه وهو يقول:مبروك يدكتور جروحي وعلاجي
عبدالله شد عليه وهو يحمد ربه كثيررررر على عقاب