فرصة تانية. بقلم /زينب أحمد

6

نرجس تغلق الاجنده وترجع بظهرها للخلف وكانها تستعيد ماحدث منذ سنين :
بصي ياستي الى حصل زمان زى ماعرفتي كده
ان ابوكي مكنش موافق والي تقصده ملك او الي يمكن وصلها ان كتب كتاب وفرح لكن كان كتب كتاب وفرح بعد اسبوع وجدك عزم الناس وحجز القاعه
بس الي مكناش نتوقعه ولا يخطر علي بالنا حصل
وهو ان كوثر تهرب لابوها قبل كتب الكتاب علي طول
ليل:  اى ده ازاى انا افتكر عمة بابا جوزها معاها وعندها بنت تانيه
نرجس:  كوثر كان من جوزها الاولاني ولما لقيت امها مصممه تجوزها بالغصب لمصطفي سافرت لابوها ومن ساعتها اتقطعت اخبارها
ليل:  اه وبعدين
نرجس:  مصطفي علي اد ماكان زعلان علي عمته وعلاقتها الي شبه باظت بابوه فرح وقرر مايستناش وراح عشان يخطب ليلي حبيبته او حتي ياخد معاد

فلاش باك
علي الهاتف
نرجس:  ايوا ياحبيب اختك عملت اي
مصطفي بنفس متقطع وصوت مخنوق:  اتخطبت يانرجس كانت فاكره اني اتخليت عنها بس الحقيقه انها الي اتخلت عني
نرجس:  لا حول ولا قوه الا بالله النصيب ياامصطفي الله اعلم نصيبك مع مين
مصطفي:  انا مش هاستني ابويا يفرض عليا حد تاني
نرجس:  هاتعمل اي
مصطفي:  هاخطب ملك واتجوزها
نرجس  بصدمه:  اي

باك
نرجس:  بس ياستي وطبعا جدك ميقدرش يعترض لانها تبقي بنت اخت مراته ومن ناحيه تانيه عشان يتمم الفرح لان عزم ناس مهمه وهايطلع كلام عليه وعلي ابنه عروسته سابته قبل الفرح
فعشان الفضيحه وعشان خاطر نينتك
وافق علي مضض...  وتمت الجوازه

ليل:  طب وملك قصدى ماما وافقت ازاى
نرجس:  هي في الاول كانت شايفه مصطفي زى اخوها بس بعدين حبيته ولو انها عارفه انو صعب يحبها لان قلبه ملك ل ليلي
ليل:  طب وبابا مكنش عنده مشاعر لماما
نرجس:  اكتر حد يفيدك ويرد علي السؤال ده ابوكي
بس كان بيعاملها كويس جداا وهي الي قالتلي عمره مزعلها برغم مشاغله كان بيحاول يعوضها انشغاله عنها
ليل:  يعني ممكن رفضه للجواز لحد دلوقتي عشان حب ماما ولا عشان لسه بيحب ليلي
نرجس بتوتر:  معرفش...  انتي تنفعي محقق اووى مدخلتيش شرطه ليه
ليل:  اخوكي ياختي السبب...  حددلي كليات اختار منها...  كليات مفيش فيها تعب كتير قال اي خايف عليا
نرجس وهي تربت علي كتفها:  فعلا خايف عليكي لو تعرفي انتي بالنسبه لابوكي اي هاتفهمي هو ليه بيعمل كده
ليل بهمس:  عارفه وعشان كده عاوزه اعوضه قبل ماامشي
نرجس:  بتقولي حااجه؟؟ 
ليل:  بقول ان يستحق يعيش ويفرح ويتجوز من تاني
نرجس:  بت انتى ناويه علي اي
ليل:  متقلقيش هاتكوني شريكتي لان هاحتاجك
نرجس بتمثيل الخوف:  اه وابوكي يعرف ويعلقنا احنا الاتنين لا ياختي انا عندى عيال عاوزه اربيها
ليل: اعطيني بس كل المعلومات الي تعرفيها عن ليلي وسيبي الباقي عليا
نرجس:  انا معرفش غير اسمها ومحل عطاره ابوها
ليل:  حلو اكتبهوملي في ورقه
نرجس بقلق :  مااشي بس لو في حااجه تعرفيني
ليل:  هو القلق ده مرض معدى....  انتي اتعديتي من اخوكي ولا اي؟؟؟
نرجس:  بنت عيب
ليل:  هههههههههههههه متقلقيش عليا
نرجس:  اما نشوف
.....................................................