كوز المحبة اتكسر( قيد تعديل السرد)

يا قاتل يا مقتول

ازيكم يا حلوين عاملين اي
يلا نبدا
بسم الله الرحمن الرحيم

الكاتبة :مني دياب
__________
في المكتب الخاص بيحيى
يحيى: اتفضلي على شغلك يا استاذة روان
روان: تمام يا استاذ يحيى
قام محمود بالدخول إلى مكتب يحيى بعد أن خرجت روان
محمود:عامل اي يا يحيى في الشغل؟
يحيى:تمام كويس بس انت لي مقلتليش ان روان هي السكرتيرة بتاعتي؟
محمود: عادي مجاش في بالي بصراحة،لي هي عملت حاجة غلط أنا عارفها هبلة ودبش؟!
يحيى:لا معملتش حاجة أنا استغربت بس
محمود:لا باباها كان قالي اشغلها في الشركة كتدريب علشان تبقا متمكنة في شغلها بعد كدا
وبعد أن تكلم محمود مع يحيى في أمور الشغل رحل محمود، وقامت روان بإخبار يحيى بجميع مواعيده
وبعد مدة كانت روان في مكتبها ولكن صدح صوت رنين هاتف بجانبها فأجابت
روان:أيوة يا فندم تمام حضرتك
منار:في أي
روان:الحلويات عايزني
منار:الحلويات !!!
روان:ابن سلطع برجر
منار:ااه.. طب يالا ياختي علي الحلويات
ثم ذهبت روان الي المكتب وقامت بالخبط علي الباب قبل أن تدخل فسمعته وهو يأذن لها بالدخول
روان:نعم حضرتك كنت عاوز اي
يحيى:قولي للموظفين أن في اجتماع كمان عشر دقائق مع شركة Hm
روان :تمام حاجة تانية
يحيى:لا
_____
في الاجتماع
يحيى:دلوقتي يا جماعة دا مستر معاذ هو صديقي قبل ما يكون صاحب شركة HM هو هيتعاون معانا علشان احنا هنعمل عرض الموسم دا في فرنسا وعلشان كدا هنحتاج عارضين ازياء ومصورين وخبرة من برة فأنا اخترته علشان هو أكثر حد جدير بالثقة أن هو يتعامل معانا ياريت كلنا نبقا متعاونين مع بعض علشان نطلع احسن حاجة عندنا
قام معاذ وسلم علي يحيى وقال:انا اتشرفت بتعاون معاك جدا يا يحيى واتشرف طبعا بالتعامل معاكم شكرا لحضراتكم
يحيى:وكدا الاجتماع يبقا خلص يا جماعة
فقام الجميع عندما جائت روان للرحيل قال لها يحيى
يحيى:استني يا استاذة روان ياريت تعرفي استاذ معاذ امور الشركة هنا ماشية ازاي
روان:تمام يا فندم
معاذ وهو يمد يده لسلم علي روان:اهلا يا انسة روان اتشرفت بمعرفتك
روان :ليا الشرف يا فندم
______
وبعد وقت كثير قضته روان في الشركة
قامت روان بالمغادرة الي المنزل بعد أن جاء وقت خروج الموظفين من الشركة
وبعد عدة دقائق وصلت روان الى المنزل
روان:ياااااماااماااا انناااا جيييت يااا أهل الدااار
سريا:يارب يارب لو مش هتهديها هدها يارب
روان:أخس عليكي يا سوسو بقا بتدعي عليا أخس عليكي وانا الي كنت عملالك مفاجئة
سريا بتحمس:بجد ها مفاجئة اي قولي
روان:خدي يا ستي
اعتطها روان قالب شوكولاته كبير
سريا هي سعيدة كالاطفال :ااه بجد متحرمش منك يا قلبي
روان:حبيبتي يا ماما المهم الراجل الي انتي اتجوزتيه وانا محضرتش فرحكم دا فين!!!
سريا:في الشغل لسة مرجعش
روان :تمام علي العموم انا هدخل اخد شاور وانام عاوزة حاجة
سريا :مش هتاكلي
روان:لا شبعانة
سريا:لي اكلتي اي
روان:سندوتشين شاورما كانت اي كدا
قالت كلمتها الأخيرة وهي ترفع يدها بعلامه الايك
سريا :ماشي يا طفسة ادخلي يلا
روان:داخله اهو متزقيش طااه
سريا:طااه مخلفة عربجية معايا في البيت
وبعد وقت كثير
استيقظت روان من النوم
روان وهي تتثائب :ااه يا ضهري منه لله ابن مستر سلطع برجر دا
ومن ثم قامت بأخذ هاتفها ووجدت أن الحلويات ابن سلطع برجر كما تسميه مرسل لها رسالة
مكتوب بها:انسة روان ياريت تيجي بكرة بدري مش كل يوم تأخير علشان انا لاحظت دا لما طلعتي بالاسانسير قبلي دا اولا ثانية ودا الأهم ياريت لما اطلبك تيجي بسرعة لأن انتي السكرتيرة بتاعتي تمام ثالثا بقا بكرة هتلاقي ورق علي مكتبك خلصيه وهاتيه علشان اراجعه
قرأت روان الرسالة وهي تتمني أن يكون أمامها الان لتقوم بعضه أو ضربه ولكن للاسف أنه مديرها بالشركة فقامت فقط بالرد عليه بكلمة واحدة وهي :تمام
ثم قامت بالخروج الي الصالة لتجد والديها جالسين يشاهدون فيلما ما
روان:بتتفرجوا علي فيلم اي
حمدي والد روان:دا مش فيلم دا مسلسل
روان:مسلسل اي يعني وبعدين انتم ناس غريبة اوي ابويا بيتفرج مع امي علي مسلسل
حمدي :اه واي يعني وبعدين دا مسلسل جعفر العمدة
وبعدين حتة أن انا علشان اب او راجل فمينفعش اشارك مع الست في أي حاجة ليها علاقة بيها فدا غلط وبعدين لما انا مهتمش بمراتي وبنتي واساعدهم مين الي يساعدهم يعني دا واجبي الاب مش مكنة ATM لما تعوزوا فلوس وبس الأب حنية ومساعدة وامان وحب وسند وضهر مش بس فلوس
روان:حبيبي يا بابا انت احسن حد شوفته في الدنيا
ربنا يديمك لينا يارب
حمدي:حبيبتي ويديمكم ليا يارب
وقضدت روان بقية اليلة مع عائلتها في أجواء عائلية لطيفة
_____
اليوم الثاني
قامت ليان مبكرا حتي تري هذه الأوراق التي يجب إنهائها
بعد مدة وصلت الي الشركة وذهبت الي المكتب ووجدت أكثر من خمسون ورقة علي مكتبها فنظرت لهم وقالت
روان:اه يا يحيى الحلويات وانا بقول عليك حلويات وبدلعك بقا انا هخلص كل دول ازاي اولع في شعري
يحيى :ياريت
روان وقد قفزت من مكانها :بسم الله الرحمن الرحيم في أي يا بني في حد يدخل كدا
يحيى :انا ادخل المكان الي انا عاوزه بمزاجي وبالطريقة الي تعجبني وياريت تخلصي وتطلعيهم علي المكتب
روان بنرفزة:يارب تقع علي وشك يا شيخ متعرف تقوم
نظر لها يحيى وقال:هه مفكرة دعوتها هتستجاب وانتي رايحة جاية تعاكسيني كدا وتتحمرشي بيا اكني بلعب معاكي في الشارع
ثم نظر لها من تحت الي فوق وأدار جسده ليمشي ولم يكمل حتي وقع علي وجهه
نظرت له روان بصدمة ثم لم تستطيع كتم ضحكتها وقالت:قال اتحمرش بيك قال
يحيى حاول القيام وقال وهو يقوم:روحي يا شيخة منك لله تقعي في بلاعة وانتي ماشية جتك البلا في شكلك وانتي حلوة كدا ماهو انا مش هكذب واقول أن انتي وحشة
روان:ميرسي عارفة أن انا قمر
يحيى :يخربيت ثقتك الي هتخرم السقف
________
انتظروا البارت القادم
اي رايكوا
قلولي في الكومنتات
الكاتبة:مني دياب