ازيك يااا حلوين عاملين اي يلا نبدا البارت
بسم الله الرحمن الرحيم
_____
عيناك كنخجر طعن قلبي فأمسي صريعا تحت رايتها اليم
#مني -دياب
_______
واخيرا جاء اليوم المنتظر يوم التقاء قلوب عاشقين من الوهلة الأولي كانت روان جالسة مع صديقاتها وهي متوترة
روان:بقولكوا ايه انا اتسرعت صح انا لسة صغيرة علي الجواز انا عارفة قوموا يلا قوموا نمشي يلا
منار وهي تبتسم لها بهدوء:اهدي يا روان مش انتي بتحبي يحي؟
روان :أيوة بس انا خائفة
منار وهي تربط علي كتفها:هسألك سؤال تقبلي إن يحي يجوز أو يحب واحدة غيرك؟!
روان بغضب وغيرة:لا طبعا دا يكون قائل علي نفسه يا رحمن يا رحيم
منار:يبقا خلاص بقا استمتعي دا هو كتب كتاب وهنعد نهيص مع بعض هنا في البيت وبعد كدا تروحي أنتي ويحي علي الفيلا يا عروسة يا قمر
روان وهي تبتسم لها:أيوة فعلا انا مش لازم اتوتر وافرح
_____
عند يحي كان يحي يجلس مع معاذ صديقه وهو يقول
يحي:علي قد ما انا فرحان علي قد ما انا خايف عليها لان الي جاي هيبقا خطر اوي.فصمت قليلا ثم أكمل..معاذ هو انا اتسرعت مكنش ينفع اعرضها لخطر صح يعني حاول تفهمني انا دلوقتي هبقا فعمليات وبطارد مجرمين وحياتي صعبة وكلها خطر هل انا ظلمتها !!؟
معاذ وهي يهدئه:اهدي يا صاحبي انت عرفتها علي كل حاجة وهي متقبلة كدا وبعدين يا عم انت حد بيقدر عليك دا انت بتخوف اللواء ذات نفسه !
فضحك يحي وقال:طب يلا نروح لهم عن البيوتي سنتر
___
بعد أن ذهبوا الي البيوتي سنتر
كاد يحي أن يدخل حتي قالت له منار
:استني يا عريس دور وشك علشان تشوف الفرست لوك
فقام يحي بفعل ما قالته منار فوجد روان تخبط علي كتفه بمعني أن يلتفت فالتفت لها وعندما وقعت عينيه عليها حتي ظل ينظر لها بفاه مفتوح وضحكة بالهاء ولكن لم يقترب منها لأنهم لم يكتبوا الكتاب بعد ولكن ظل ينظر لها بحب وابتسامة وقال
:سبحان من نزلكي كحورية من الجنة إلي الأرض
فنظرت له بإبتسامة وحب ولم تستطيع أن تتكلم من الخجل
فقام بالاقتراب منها وشبك يده بيدها وخرج إلي الخارج وذهب لمنزله لعقد القران وبعد أن ذهبوا الي المنزل وكان مزين بصور روان ويحي وبعد أن تم عقد القران وانتهاء الشيخ بجملته المعتادة
:بارك الله لكما وبارك عليكما وجمع بينكما في خير
وعند انتهاء الشيخ قام يحي باحتضان روان وهو يبتسم والدموع تكاد أن تنزل من عينيه وظل يحتضنها بشدة وهي تحتضنه وتشعر بأنها من كثرة السعادة ستحلق في السماء ومن ثم قال يحي وهو يحتضنها:بعشقك يا روان قلبي
روان وهي تكاد تبكي :بموت فيك أن فرحانة اوي
حمدي وهي يبعد روان عن يحي:خلاص بقا يا حبيبي هاتلي بنتي احضنها حبة دا ايي دا
يحي وهو يمسح دموعه وهو يضحك :اي دا يا عمي احنا هنبتديها شغل غيرة وحماواة من اولها
حمدي:إذا كان عجبك
يحي وهو يضحك:يعجبني وميعحبنيش ليه علشان عيون القمر دا بس
نظر له حمدي بسخرية ثم اخذ ابنته في حضنه وقال:مبروك لعروستي القمر ست البنات حبيبة ابوها
روان وهي تقبل يد والدها وتحضتنه :حبيبي يا بابتي الله يبارك فيك
سريا وهي تبعد حمدي من جانب ابنتها:حاسب بقا كدا يا اخويا احضن عروستي مبروك يا نن عيني من جوا عيشت وشوفتك عروسة
روان وهي تحتضنها:الله يبارك فيكي يا ست الكل
وبعد مباركات من الأصدقاء والعائلة الخ والخ
جاء وقت رقصة السولو حسنا نعم هي حفلة زواج صغيرة ولكنهم قاموا بعمل كل الاشياء التي تحدث في الافراح
كان يحي يحتضن روان من خصرها وهي تحتضن رقبته وهم يرقصون يحي وهو ينظر بداخل عينيها:عارفة يا روان انا بحبك من زمان اوي
روان وهي تنظر له بدهشة :بجد!!
يحي:اه والله بحبك من وانتي في ثانوي بس كنت بستنى لما تكبري وتفهمي كدا واتقدملك واديكي اهو بين أيدي
روان وهي تحتضنه:انا بجد مش عارفة اقول اي بس بجد انا بحبك اوي
وبعد الرقص والغناء الي ما في ذلك ذهب كل من روان ويحي الي الي بيتهم الجديد الذي بمثابة الدور الثاني لفيلا عائلة يحي ولكن كان دورهم مغلق عليهم
وعندما دخلوا
يحي وهي ربت علي ظهر روان :يلا ادخلي يا قلبي استحمي وغيري هدومك علشان نصلي مع بعض
روان بإبتسامة :تمام
وبعد ذلك خرجت روان وصلو سوياووو.
____
في صباح اليوم التالي
استيقظت روان علي لمسات ناعمة علي وجهها
روان :صباح الخير يا يحي
يحي بإبتسامة هادئة وهو يقبل وجنتيها :صباح الخير يا قلب يحي يلا علشان ننزل نفطر مع ماما وبابا
روان:حاضر
وبعد أن نزلوا
ريناد: صباحية مباركة يا عروستنا ها عاملة اي
روان بإبتسامة وخجل:احم الحمدلله
ريناد:طيب تعالي معايا بس احط الاطباق علي السفرة
روان:حاضر طبعا من عنيا
محمود:عامل اي يا بطل
يحي بسخرية :في أي يا بابا يا حبيبي هو انا كنت يحرر فلسطين ايه العيلة الهم دي في حاجة اسمها خصوصية يا جدعان
محمود:خصوصية ماشي يا خويا المهم ناوي تعمل اي مع صالح وعيسي !؟
يحي :مش عارف اصلا هما بقالهم فترة ساكتين ودا مخوفني اوي بصراحة بس كل الي اقدر اعمله لحد دلوقتي هو أن انا ازود حراصة علي الفيلا
محمود :تمام الي فيه الخير يقدمه ربنا يلا علشان نفطر
وبعد أن أكلوا افطارهم جائت عائلة روان باركوا لها ومن ثم جلسوا قليلا وذهبوا
يحي وهو يمسك يد روان:طب يا جماعة احنا هنطلع احنا نستريح حبة ونام
محمود:ماشي يا حبيبي اطلعوا
___
داخل الغرفة قامت روان بالاستحمام وقامت بتصفيف شعرها علي شكل كعكتين وارتدت منامة قطنية بشكل كرتون سبونج بوب فنظر لها يحي وقال :يا خلاثي عليها يا ناس بنتي القمورة
روان باستغراب:بنتك!!!
يحي بحب وهو يحتضنها ويقبل وجنتيها:اه بنوتي القمورة ما انتي شكلك كدا كيوت اوي اكنك بنتي وبعدين ايه يا عني ما انتي مراتي وحبيبتي وبنتي واختي وكل حاجة ليا ربنا يخليكي ليا يارب
روان وهي تحتضنه :طب تعالي يلا ناكل شيبسي ونتفرج علي كرتون سبونج بوب
يحي:بوصي هو انا قولت بنتي اه بس متوقعتش أن هي توصل لسبونج بوب
روان:بكلم بجد تعالي يلا نتفرج
يحي :خلاص يا ستي تعالي نتفرج
وجلسوا وهم يشاهدون الكرتون في جو لطيف جميل
___
في المساء كانت روان تشعر بالملل فقالت له
روان:بقولك اي يا يحي متيجي نخرج
يحي:دلوقتي!!
روان:اه عادي واحدة خارجة مع زوجها اي يعني تعالي بس هوديك تشرب حبة عصير قصب مدقتهومش في حياتك
يحي :ماشي نشرب عصير قصب منشربش ليه
وقام الاثنان بالذهاب لمحل بيع عصير القصب
روان بصوت عالي:عم توفيق يا جامد كيسين بقا عصير قصب حلوين كدا زيك ليا ولقرة عيني انهت كلامها وهي تبربش بعينيها بطريقة مضحكة
توفيق :حاضر من عينا مبروك يا عروستنا مبروك يا عريس
روان ويحي:الله يبارك فيك
يحي وهو ينظر لها ويضحك:هو انتي تعرفي عم توفيق دا منين!!؟
روان:عم توفيق دا يا سيدي كنت بجيله وانا عيلة صغيرة بعد ما ازوغ من المدرسة اجي اشرب من عنده عصير قصب وامشي لحد ما المدارس تخرج وابقا معرفة صحابي لو حد سال علية يقولو أن انا ماما استأذنتلي
يحي وهو يبتسم بسخرية:ماشاء الله عليكي مكافحة ومجتهدة جدا
روان:اووماال جدا يا جدع انت مفكر اي بس
وووو
_____
انتهي
اي رايكم في البارت كانت معكم الكاتبة مني دياب
بااي
أنت تقرأ
كوز المحبة اتكسر( قيد تعديل السرد)
Humorربما مفهوم الحياة يوضع تحت بند الأخذ والعطاء؛ فهي تأخذ منك لتعطيك، فتأخذ منك السعادة لتعطيك الحزن، وتأخذ منك الأمل لتعطيك اليأس، ولكن ماذا إن أرادت أن تأخذ منك حبك؟! هل ستعطيه لها بكل سهولة، أم ستعافر لأجل بقاؤه؟! بقلمي انا الكاتبة:مني دياب لا اعطي...
