كوز المحبة اتكسر( قيد تعديل السرد)

موت بهدوء

السلام عليكم ازيكم يا حلوين عاملين اي
اتحمسوا البارت دا بقا واقرأؤا بمزاج
يلا نبدا
#الكاتبة :مني دياب
___
حين التقيتك عاد قلبي نابضا
____
....:جالك موتك يا ابن الحديدي
يحيى وقد اشتعلت عينيه وقال ببرود وابتسامة صفراء:كنت مستنيك علي فكرة
فإهتز ثبات الواقف أمامه فابتسم يحيى بصفار وبرود يجعلك تظن أن الازم امامك مجرد قطعة من جبل جليد وانتهز يحيى تزعز ثبات اللازم أمامه ليأخذ من المسدس وبحركة سريعة قام بتثبيت المسدس علي جبهة اللازم أمامه وقال بهدوء وثبات أفزع الواقف أمامه :قول ل عيسي أن لو عايز يلعب يبقي راجل لراجل مع أن يعني أشك أن هو راجل
ثم قام بإمساك المسدس وقال  الي اللازم امامه:وبعدين يا روح امك لما تبقي ماسك مسدس تمسكه كدا وقام بإطلاق طلقة نارية مرت من جانب رأس اللابث أمامه فقام اللابث أمامه بلارتعاش فقام يحيى بالاقتراب منه وهمس بجانب أذنه:المرة دي قرصة ودن المرة الجاية بموتك ثم ابتسم كما أنه لم يحدث شئ وقال :يلا اسيبك انا بقي مع السلامة يا بيبي
_______
في مكان آخر كان يقف ويقول بهياج واشتعال شديد
:وحياة امي لقتلك يا بن محمود واخلي ابوك وامك يتحسروا عليك وانت يا حيوان خفت كلمتين قالهم رعبوك
:يا باشا دا كان هيقتلني
:اخرس خالص انا مشغل معايا شوية حمير
ومن ثم سمع صوت باب يفتح ودخلت فتاة تسير غنج وتقول:هاي يا عيسي
عيسى:أنت ايه الي جابك دلوقتي يا سوزان
سوزان:هدي نفسك وتتكلم بهدوء لأن هدفي نفس هدفك
عيسى:هدف اي
سوزان:بلاش استعباط بقا اصل احنا فاهمين بعض كويس يعني انت عاوز تقضي علي يحيى وانا عايزة اقضي علي روان
عيسى:وهو اي علاقة روان ي بيحيى أصلا دي يا دوبك السكرتيرة بتاعته
سوزان:شكلك غبي وهتتعبني ثم التفتت الي ذالك الموظف لدي عيسي وقالت :روح انت وهاتلي قهوة مظبوط
ذهب الموظف وقام بتنفيذ ما قالته
عيسى :ها اخلصي وقولي الي انتي كنتي هتقوليه
سوزان:بص يا عم الي اعرفه مش متأكدة منه قد كدا إن يحيى بيحب روان ودا لو كان حقيقة طبعا احنا في الاول مش هنعمل حاجة غير لما نتأكد بس في العموم أن دا لو حقيقة أو مش حقيقة هتبقي روان نقطة ضعف يحيى لكن لو مش حقيقي فبرده هنعرف نقضي عليها بس بخطة تانية فهمت
عيسى:طب وانا اي الي يضمنلي أن انت مش هتغدري بيا
قامت بالضحك باستهزاء وقالت:انا لو كنت عايزة اغدر بيك مكنتش هقعد معاك اصلا
وظل الاثنان يتكلمان كما لو أنهما يتساومان علي صفقة ليس تدمير حياة شخصان
فماذا سيحدث هل سيتم القداء علي يحي وروان ام ماذا لا نعرف
______
في اليوم التالي
كانت روان جالسة مع والدها يتكلمان
روان :بقولك يا بابا يوم التلات أن شاء الله هروح انا وانت جلسة الكيماوي الساعة خمسة
حمدي بفقدان امل:لا يا روان انا مش رايح انا عارف أن مفيش امل
فردت عليه روان محاولة إخراجه من حالة الاكتئاب التي فيه:ولا حنان.. حتي الحقي ياما ابويا مش لاقي امل وحنان اومال انتي روحتي فين من دول ثم التفتت له وقالت:بص يا عم الحج انت هتيجي معايا الساعة خمسة انا و يحيى علشان يحيى عاوز يشوفك ويطمن عليك ونروح نعمل الجلسة ونيجي ولا يا بابا مش هترفض وهنروح يعني هنروح تمام
محمود بقلة حيلة:ماشي يا بنت الكلب ماشي
سريا:وبتشتم الكلب لي بس يا حج
حمدي وقد نظر لها بتحذير:سريا
سريا بضحك:خلاص خلاص
روان وهي تقبله وتقبل والدتها:يلا هروح الشغل انا بقا مع السلامة
ثم قامت بالذهاب الي الشركة
_______
داخل الشركة
بالاخص في مكتب يحيى كان يحيى جالس علي مكتبه فدخلت روان وقالت برسمية:استاذ يحيى في واحد اسمه عيسى عبد الصبور برة وبيقول أن هو عاوز يكلم حضرتك
يحيى وقد اظلمت عيناه :دخليه
قامت روان بتنفيذ الأمر ولكن بداخلها كانت تتسائل عما جعله يتحول هكذا لمجرد أنها ذكرت اسم عيسى ذالك داخل المكتب
دخل عيسى ولكن يحيى ظل كما هو لم يرفع عينه عن الورق فأردف عيسى:أي يا يحيى مش هتبصلي ولا اي
يحيى:والله منتاش مرلين منرو علشان ابصلك لخص وقول عايز اي
عيسى:أخس عليك استقبالك وحش اوي
فقام يحيى برفع وجهه عن الأوراق وقال:والله لو مش عاجبك اتفضل
فجلس عيسى بهدوء واستفزاز وقال :مع لينا مش هتجبلي حاجة اشربها ولا اي
يحيى:اه طبعا عايز تشرب اي
عيسى:ياريت لو قهوة مظبوط
يحيى:طبعا اومال ثم قام بالاتصال بروان وقال :بعد اذنك يا روان هاتي لاستاذ عيسي قهوة سادة واتوصي بيها ها اتوصي
فعلمت روان أنه يريدها أن تكون سيئت المذاق بالاخص أنه يقول اتوصي بغل شديد فقامت روان بعمل قهوة وبدل أن تضع سكر وضعت ملح وبعد أن انتهت قامت بالخبط علي الباب
يحيى:ادخل
روان وهي تضع القهوة عند عيسى:اتفضل حضرتك القهوة اهي
عيسى وهو ينظر لها من فوق الى تحت :لا بس مش بطالة برده يا يحيى زوقك طلع حلو
فنظر له يحيى بهدوء وقال:طب لم عينك لخزقهالك متغركش البدلة يا حدق وطول ما انت في مكاني تعاملني بإحترام وتعامل الي ليا باحترام
عيسى:اي دا اتحمقت قوي لي كدا بس دي مزة هو انا قولت حاجة غلط يعني
فنظرت روان له وقالت بصوت عالي:عنك انت بقا يا حلو مش انا مزة طب المزة دي هتخليك في سوق الرجالة متسويش جنيه مخروم ونظرت الي يحيى فنظر لها بمعني افعلي ما تريدين
عيسي ببرود:اي دا دي طلعت بتتكلم وليها لسان
روان:لا وبضرب كمان يا عنيا
ولم تنتظر حتي خلعت نعالها وظلت تضربه و يحيى لم يقترب منها بل وقف يشاهد بتشفي فهو يعلم أن روان ليس بالشخص الضعيف فقال عيسى وهو يحاول أن يمسكها من شعرها:ما تلم الزبالة الي عندك يا يحيى فقام يحيى بأخذ يده من عليها ولواها له خلف ظهره وقام بخبطه في رأسه مما جعله يرتد الي الخلف وقال:الزبالة دول يا حبيبي انضف منك وبعدين انت مفكر نفسك مين علشان تفكر تمسكها كدا
عيسى:دا انت اهبل بقا دي هي الي ضربتني
يحيى:طب كويس أن انت عارف أن هي الي ضربتك اصل لما ست تضرب راجل استحالة تتنسي وتبقا ست بمية راجل اما لو راجل ضرب ست فلا مؤاخذة يعني دا اصلا ميبقاش راجل وانت بقا مش راجل فهعلمك الرجولة ازاي
ولم يظل حتي قام بإعطائه عدة لكمات أطاحت به أرضا ولم يعد يقدر فقال يحيى:دي بس كانت قرصة ودن المرة الجاية لو فكرت بس اعرف انها هتبقا بموتك ثم اقترب منه وقال بهمس:ويوم يا حدق لما تيجي تتعاون مع حد ضدي ابقي اعرف انت بتتعاون مع مين ها
ثم قام وطلب الأمن فجاء حراس الأمن ورموه إلي الخارج
فقال عيسى بالصراخ وهو يقول:هتندم يا بن محمود والله لهخليك تبكي بدل الدموع دم
في الداخل داخل مكتب يحيى
روان:هو انت لي عملت في كدا يعني انا بصراحة عرفته مقامه وانت مش غلطان بس قصدي يعني أن انا اول مرة القيك متنرفز كدا
يحيى بهدوء:دا عيل و**كل حبة يعملي فيها دوناتيلو ويستفزني ويعمل نفسه كبير عليا وانا بصراحة بدقت اتخنق فحبيت يعني أن انا اعلم عليه سيكا
روان بضحك:سيكا اه ماشي علي العموم اهدي بقولك تحب اعملك قهوة
يحيى بالضحك:لا مش عايز اخاف تحطيلي فيها ملح شبه الي حطيتيلو فيها ملح ولا حاجة
روان يتكبر: ماشي علي العموم انت الخسران علي فكرة
يحيى:خسران اه طب غوري يا ختي غوري
________
انتهي البارت
اي رايكم قولولي في التعليقات
  

       اي سبب عداوة عيسي ويحي؟!!
      ومين سوزان الي اتفقت مع عيسي دي؟!
      واي سبب كره سوزان لروان؟!

......كل دا هنعرفه خلال أحداث الرواية
شكرا ليكم⁦❤️⁩⁦❤️⁩

الكاتبة :مني دياب
بحبكم🤎🤎✨✨