كوز المحبة اتكسر( قيد تعديل السرد)

هوبا

ازيكم يا حلوين وحشتوني⁦❤️⁩
اسفة علي عدم تنزيل البارت بقالي فترة منزلتش انا اسفة بس كانت الظروف مش سامحة خالص ومكنش عندي شغف اكتب بصراحة ف يلا نبدا ونقول بسم الله
_______
مثل البحر انت غدار
#مني دياب
__________
كان الاثنان يتكلمان وهم يضحكون حتي قال يحيى
:يلا بقا يا روان احنا اتأخرنا اوي
فنظرت له الأخري بترجي وهي تقول
روان:علشان خاطري يا يحيى انا عندي ملل من البيت كمان حبة علشان خاطري
يحيى وهو ينظر لها بحنان
:خاطرك علي قلبي يا روان بس فعلا احنا اتأخرنا وانا ورايا مأمورية بكرة
نظرت له الأخري بصدمة وقالت بصوت مرتفع
:نعم يا اخويا مأمورية اي أن شاء الله الي عندك بكرة دي؟؟
فنظر لها يحيى بحدة وقال
:وطي صوتك يا روان وبعدين انتي عارفة أن انا ظابط يعني طبيعي جدا يبقا ورايا مأموريات وبعدين دي مأمورية مهمة هقبض فيها علي تجار مخدرات يعني مش اي حاجة يا روان والمفروض انتي اصلا تبقي عارفة كدا!!
فنظرت له روان ببرود وقالت
:ماشي يا يحيى انت حر يلا بقي علشان نمشي
فجاء ليمسك يدها ويغادران نظرت له ببرود وابتعدت عنه وسبقته الي السيارة فنظر لها وهي تغادر ثم تنهد بهدوء وركب بجانبها ثم صمت قليلا وقال بهدوء
:انا اسف علشان اتعصبت عليكي بس انا في أيدي اي اعمله!؟دا شغلي يا روان...المفروض تبقي عارفة كدا انتي عارفة أن دا شغلي وانا مكذبتش عليكي وعرفتك كل حاجة قبل ما ابتدي حياتي معاكي المفروض تقدري ظروفي وظروف شغلي يا روان!!
فنظرت له الأخري بانفعال وقالت
:اقدر ظروف شغلك!اقدر اي !انت جاي تقولي بالصدفة واحنا مروحين ؟!كنت ناوي تقولي امتي يا استاذ يحي معلش يعني!لما تروح هناك وترجع !تقولي معلش يا حبيبتي اصل انا كنت في مأمورية !لي أن شاء الله متجوز ابجورة في البيت !هو انا كوز درة قاعد معاك يعني ولا اي مش فاهمة بصراحة؟!
نظر لها الآخر وحاول استجماع كم الهدوء والحكمة التي يستطيع أن يتحلي بها
:روان حبيبتي انا عارف انك بتحبيني وبتخافي عليا ولا انتي مش ابجورة ولا كوز درة في حياتي انتي ملبن وكيكة شيكولاتة حياتي انتي الحاجة الحلوة الي حصلتلي في حياتي اصلا ولكن كون أن انا مقولتلكيش فأنا والله نسيت تماما وعلشان متفهميش غلط انا مش نسيتك انا نسيت اقولك علشان كنت ملبوخ زائد اصلا أن المأمورية دي اجت علي فجأة ومكنتش اعرف بيها غير النهاردة الساعة أربعة!فاتلبخت ونسيت اقولك اعذريني يا روان انا انسان زي زيك ومن حقي انسي وسط كل الي انا فيه يا روان ولو زعلتك بإسلوبي فأنا اسف حقك عليا وعلي قلبي يا روان متزعليش مني
نظرت له الأخري وصمتت قليلا لا تعرف كيف تعاتبه بعد الكلام الذي قاله لها فنظر لها ولصمتها وقال
:متتقليش عليا بقا علشان باين أن انت واقعة اوي بصراحة وسامحتيني خلاص
نظرت له الأخري واردفت بهدوء في بداية الأمر ثم بالنفعال في نهاية الأمر
:سامحتك لكن والله يا يحيى لو عملتها تاني مهتعرفلي طريق تمام!
نظر لها الآخر وقال بمرح
:ما هتعرفلي طريق علي أساس يا ختي أن طرقك مولعة الدنيا دا انتي من ابوكي للشركة ومن الشركة لابوكي هنستهبل!!
نظرت له الأخري ثم قالت
:طب سوق بقا يا اخويا سوق سوق
_________
وبعد فترة عادوا الي المنزل وناموا ثم استيقظ يحي في حوالي الساعة الخامسة صباحا وبالطبع استيقظت معه روان وقام بتجهيز كل ما يحتاجه لهذه المأمورية وبعد أن أتم كل شئ قال لها
:انا همشي انا بقا تمام!مش زعلانة مني صح!؟
ردت عليه هي بهدوء وحنان
:لا يا يحي مش زعلانة تروح وترجع بالسلامة ..
لا اله الا الله
نظر لها يحي بحب ثم قبل رأسها واحتضنها وقال
:سيدنا محمد رسول الله متخافيش دي مش اول مرة يعني انا روحت في مأموريات كتير قبل كدا وقبل ما اروح المكان الي هتقابل فيه انا وبقية الظباط هنزل تحت عند ماما وبابا اسلم عليهم لو عوزتي حاجة معاكي رقم عم محمود علي الترابيزة هناك رني عليه ومتنزليش من البيت طول مانا مش موجود تمام كل حاجة اصلا انا موفرهالك في البيت علشان متنزليش تمام كدا؟!
نظرت له بخوف وقالت
:تمام بس توعدني انك تبقي كويس لحد ما تيجي
نظر لها بحب ثم احتضنها مرة أخري وقال
:متخافيش أن شاء الله هبقا كويس..خليكي عارفة بس أن انا بحبك ولو مكنتش قولتلك النهاردة فدا علشان انا فعلا اتفاجئت ونسيت متزعليش مني
فأحتضنته وقالت
:مش زعلانة منك يا يحي والله وانا كمان بحبك ويلا بقا مش هنقضيها حب ولفلفا علشان المأمورية الي وراك دي مع السلامة يلا
نظر لها الآخر بابتسامة وقال
:ماشي يا ستي سلام
ثم ذهب الي عائلته وقام بتوديعهم وذهب الي مكان المأمورية
_____
في المأمورية كان عيسى أيضا في هذه المأمورية ولكن لم يكن يعلم بما سيفاجئه بعد أن اتفقوا علي الخطة الموضوعة للقبض على هذه الشحنة صدم يحي حينما خرج رجل مسن من سيارة سوداء وقال لحارسه بغضب
:اي الي بيحصل دا يا شوية اغبية انتوا حبة ظباط يعملوا كل دا ازاي؟!
نظر عيسي له بصدمة وتوقف بمكانه كأَّن الزمن قد توقف ولم تصدر منه سوي كلمة واحدة وهي
:بابا!!!؟
نظر له الآخر بصدمة وقد الجمت الصدمة لسانه خلال هذه اللحظات كان يحيى ومن معه قد قبضوا علي جميع المتواجدين وتجار المخدرات وأمر يحيى جميع الظباط بأن يذهبوا ولا يتبقي أحد سواه هو وعيسى ووالده حتي يواجه عيسى هذه الحقيقة المؤلمة
فنظر عيسى لوالده ثم اقترب قليلا منه ولم يقل سوي كلمة واحدة فقد
:ليه!!؟
نظر له والده وقال
: علشانك!
فرد عليه عيسى بتعجب
:علشاني!علشاني انا تبقي تاجر مخدرات!علشاني انا تبقي بتموت الناس وبتتشارك مع ناس زبالة زي دي!علشاني !لا معلش بس فهمني علشاني ازاي ؟؟!
فقال له
:علشان متبقاش غبي ومغفل ويضَّحك عليك ..علشان متبقاش ضدي ضد ابوك !علشان عارف انك شبه يحيى هو وابوه علشان هتعض ايد ابوك الي اتمدتلك وربيتك وتقف معاهم
نظر له الآخر بصدمة ثم قال بانفعال
:تربية وس**،الايد الي ربتني ربتني تربية وس**،انت بسببك كنت هقتل صاحب عمري وابن عمي بسببك انت كنت هضيع مستقبلي ومستقبل بنت ملهاش ذنب بسببك انت كنت هفضل طول عمري حقودي وغبي ومغفل والي مغفلني يبقا اقرب الناس ليا وابويا يعني مش اي حد بسببك انت لم يستطيع إكمال الكلام واجهش في البكاء بشدة فطلب يحى من الظباط بأن يقبضوا عليه ولكن قبل أن يمسكوا صرخ هو بهم
:لا مش عاصم عبد الصبور الي يحصلوا كدا ويتقبض عليه لا مش انا الي يتعمل فيَّا كدا علي آخر الزمن عيل زي دا يلعب عليا اللعبة دي والله ما هسيبك ثم اخد المسدس من الظابط بجانبه بسرعة وأطلق طلقة نارية دخلت بصدر الاخر
_______
في منزل يحيى وروان استيقظت روان بفزع من ذلك الكابوس الذي قد حلمت به فنظرت لهاتفها فوجدته يرن برقم يحيى فأجابت عليه بلهفة
:الو يا يحيى انت كويس؟؟!
فأجاب الطرف الآخر
:استاذ يحي بين الحياة والموت في مستشفي###
شعرت الأخري بالتوهان بعد أن استمعت لجملته ولم تستوعب ماذا يحدث حتي وجدت والده ووالدته يدقون علي غرفتها ويخبرونها بالذهاب معهم ليحيى بسرعة ولكن لم تدري هي ما حدث حينها فقد اسودت الرؤية في عينيها ولم تري شيئا بعدها 
_____
داخل المشفي
كان محمود وريناد والدا يحيى يصرخون بطاقم العمل في المشفي بأن يأخذوا روان ويرون ما بها بسرعة وخوف ،فجاء طاقم العمل في المشفي واخذوها وقال لهم الطبيب
:هي مجرد صدمة بسبب شعورها بالخوف وانا ركبتلها محلول علشان هي ضعيفة اوي وكمان حبة هتفوق
في هذه الأثناء ترك والد يحيى ريناد بجانب غرفة ابنها وظل هو مع روان حتي تستيقظ
_____
فتحت عينيها ببطئ شديد وظلت ترمش عدت مرات حتي تتعود علي الإضاءة داخل الغرفة ثم نظرت حولها فوجدت والد يحيى بجانبها فنظرت له وقالت بنبرة متعبة
:هو انا اي الي جابني هنا ؟؟!
نظر لها الآخر بهدوء وقال
:انتي أغمي عليكي لما...
ولم يكمل كلامه حينما قامت هي منتفضة وخلعت المحلول من يدها وقامت بسرعة وهي تقول له
:يحيى ..يحيى فين ؟يحيى كويس مش كدا؟ما ترد عليا؟
نظر لها الآخر بأسي وخوف علي فلذة كبده وقال
:يحيى في العمليات لحد دلوقتي بين الحياة والموت
نظرت له بخوف وهي تبكي وقالت
:طب يلا نروحله يلا
نظر لها بهدوء وقال
:تعالي يا بنتي
______
امام غرفة العمليات ذهب أمام الغرفة وهي تبكي ولكن صدمت عندما وجدته فنظر لها واقترب منها وقال
:انا اسف انا السبب يا روان
نظرت له الأخري بصدمة وقالت
:عيسى!!؟ انت السبب ازاي يعني؟!
نظر لها الآخر وهو ينظر إلي الأرض
:ابويا طلع تاجر المخدرات الي كنا هنقبض عليه وهو الي ضرب يحيى بالنار انا اسف
نظرت له الأخري ولم تدري بنفسها سوي وهي تصفعه صفعة دوي صوتها في الإرجاء ثم قالت بصراخ
:انتم اي ..انت لي كدا ..جوزي جوا مبين الحياة والموت بسببك انت وابوك متبعد بقا عننا انت وابوك ،انت اي مبتحسش معندكش قلب منك لله حسبي الله ونعم الوكيل فيك
نظر لها الآخر بصدمة كبيرة وقال
:انا... انا اسف!؟
ثم ذهب من المكان بسرعة البرق
___________
انتهي/.......
استنوا البارت الجاي
اي رايكوا في البارت دا متنسوش الفوت والكومنت الجميل
الكاتبة:مني دياب
بحبكم⁦❤️⁩