( 8 )
ألام القلوب كالسرطان تمامآ ..
ينهش جسدك ويُضعفه ...ومهما حاولت مقاومته تفشل فشلاً ذريعاً ..
تعتقد أنه بإمكانك محاربته ومقاومته ولكن الحقيقة غير ذلك .. تراه يتغلل بأنحاء جسدك وانت لا تدري .. يحرقك ويحرق روحك ..وفي النهاية هو المنتصر
كهذا ألام القلوب ..
تلك الألام تنهش بقلبك وتفترسه دون رحمة .. ومهما عاندت هي المنتصرة بالنهاية ..
تبدوا قويآ أمام الجميع ولكن حينما تختلي بنفسك .. تبدأ تلك القوة بالأنهيار مرةً بعد مرة .. حتى تصبح جسدآ بلا روح ..
بعينيك الحياة تسوّد .. تصبح أسيرآ لذكرياتاً لأُناسٍ كانوا هم حياة ولكن الآن هم أغراب ..💔💔💔
( الشيماء )
______💔💔_____
منذ معرفته بالمكان وهو يقضي معظم وقته فيه .. لا يعلم سر هذا التعلق الغريب ... ولكنه يشعر بالراحة الشديدة بالتواجد فيه ..
بات يقضي كل وقته بالعمل وحينما ينتهي يأتي إلى هنا ويجلس بالساعات أمام البحر ..يشكو له حاله وحال قلبه ..
فالألم بات بقلبه مسكن ... لا يفارقه أبداً .. يبحث عن الراحة ولا يجدها .. قربه منها يؤلمه وبعده عنها أيضآ يؤلمه .. بات يجهل ماذا يريد ..
ماذا سيقرر الابتعاد أم الاقتراب .. يشعر أنه ضعيف ولا يستطيع أن يتخذ القرار الصائب ..
حينما يتخيل ابتعادها ..دقات قلبه تنتفض رعباً .. وبنفس الوقت يشعر بأن هناك حاجز بينه وبينها يمنعه من الاقتراب .. أي دوامة تلك التى تاه بها .. ترى اين الخلاص من هذا الألم الذى يرهق قلبه وجسده معاً
_ ايه يا عمنا ..
انتبه لصوت ابن خاله وزوج أخته.. غيث .. استدار ليتفاجئ به يتقدم باتجاهه
_ انت بتعمل ايه هنا وجيت إمتى
وقف غيث بجانبه بابتسامة جذابة ونظر للبحر الصافي وقال :
_ انت لدرجادي كنت سرحان لدرجة مسمعتش صوت عربيتي
نظر عمر أمامه وقال :
_ الظاهر كدا .. المكان جميل وغصبن عنك بتسرح فيه بس قلي عرفت مكاني ازاي
ابتسم غيث وقال :
_ لما عرفت انك جيت هنا قبل كدا اتأكدت اني هلاقيك هنا .. أنا اصلاً بفكر اشتري المكان دا .. انت مش ملاحظ انه بقا ملكية خاصة لينا .. كل واحد يزهق أو يتعب يجي هنا
_ المكان جميل ويستاهل
_ ممم وتفتكر اي سر جماله
_ البحر أكيد
_ ممم تعرف أنا نفسي افهم ايه الكميا بين البحر ومشاعرنا المتلخبطة أو بالأحرى همومنا
نظر له عمر باستغراب وقال :
_ تقصد ايه مش فاهمك
_ ليه لما بنحتاج بنعد عن الكل ونحس نفسنا تايهين بنحب نيجي نشتكليه ... ليه دايمن بفكرنا بكل الوجع إلي عشناه وبفكرنا بكل الناس الي بنحبهم وببعدوا عننا .. ايه السر بين البحر والهموم بتاعتنا ..
_ وانت يا عم الحبّيب مين ليك حد بتحبه وبعيد عنك
_ هههههه متفهمنيش خطأ أنا بتكلم بشكل عام .. أنا مليش حبيب غير أية .. لاعاش ولا كان إلي ياخد قلبي غيرها
ابتسم عمر وقال :
_ لدرجادي بتحبها
_ أية دي روحي ... الملجأ إلي بلجأله من بعد تعب نهار بحاله .. دي ملاذي وملاذ ولادي وعيلتي كلها .. انت مش متصور احساسي بكون ايه لما ارجع البيت من بعد نهار طويل ومتعب وألاقيها مستنياني ويا سلام لما بتكون بتضحكلك تعرف دا انا بنسى نفسي يا جدع ..
نظر غيث لعمر فوجده ينظر له بسرحان
_ ايه يا عم سرحت فين
_ بملجأ ... يعني ايه ملجأك
ابتسم غيث وقال بابتسامة عذبة وهو ينظر أمامه :
_يعني أماني وراحتي الي مش بلاقيها غير معاها .. ملجأ قلبي الي بكون تايه من غيرها .. قلبي إلي معرفش معني الحب غير معاها .. دي راحتي في الدنيا .. دي سعادتي وسعادة ولادي وعيلتي كلها .. ايه باختصار حياتي كلها .. بحبها ومش متخيل حياتي من غيرها ..
أنت تقرأ
ملجأ القلب ... حلقات خاصة من أية الغيث❤️❤️
Romanceملجأ القلب .. كنت ولا زالت ملجئآ لقلبي .. من صغري وأنا اراك كل أحلامي .. كنت دعوة أدعوها كل صلاة .. كنت أمنية أتمنها كلما نظرت للسماء في ساعات الليل الأخيرة .. كنت ألآمي ووجعي الذى أراه يتجسد في أمواج البحر العاتية .. تلك الأمواج القوية التى لا ترح...
