انتهت العزيمه الصباح اخر يوم بالمزرعه الكل صاحي يجهز اغراضه الساعه 11 بيمشون
ريم:بنات انا خلصت
ملاذ:حتى انا
ريم:تعالي نحلل اخر ساعه
ملاذ:ويت وين نروح
ريم تسحبها:اكرميني بسكوتك والبسي نقابك و عبايتك وتعالي
عند الخيل عبدالله و عزيز
كل واحد ركب خيله يتمشى فيه
جو ريم و ملاذ
عبدالله:ايش تبون جايين
ملاذ:مدري عنها ساحبتني معها
عزيز بضحكه:ريومه وش تبين فيها
ريم:ابي احلل اخر ساعه و بنتسابق بالخيل دامكم معنا
عبدالله:يالله
كل واحد ركب خيله
ملاذ:انا اتسابق مع مين؟
عبدالله:انتي مع عزيز وانا مع ريم
ريم:خير انا ابي اخوي
ملاذ:حتى انا ابي اخوي
عبدالله:ياحمير عشان يصير تعادل لو ريم راحت عند عزيز عزيز بيخفف عشانها اخته
عزيز:شلون عرفت ياتيس
عبدالله:خبز يدي
ركبو و اول شي دور ريم وعبدالله
عزيز:ريمتي ابيك تفوزين على الدلخ ذا
عبدالله:هي وش دلخ
ريم:وهو صادق
عزيز:هههههههههههههههههههههههههههههههه
تسابقو ريم و عبدالله
ريم بصراخ:غشش خفف
خفف عبدالله عشان تفوز
صرخت ريم بفرح:فززتتتت
عزيز:كفوو اخت عزيز
ريم،:كفوك الطيب
عزيز:يالله دوري انا وملاذ
ملاذ بخوف:لا مابي اخاف
عزيز:ههههههههههه تخافين من خيل
ملاذ:الصدق ايي
الجده:ولعنهه انت وياه بسرعه تعالو شيلو الاغراض
عبدالله:أبشري
-
بسياره عبدالله
ملاذ
ريم
ساره
بسياره عزيز
هيام
دانه
رغدد
والباقي بسيارات ثانيه
بسياره عبدالله
ملاذ لاحظت نظرات عبدالله لرريم
قالت بنفسها والله ل اشبكهم
شغلت بالمسجل اصاله روح نجديه
"اذا تبغى قلبي عشان افداك انا بكبري
ريمك يعبدالله لجلك قلبها شويه
رضاك في الدنيا مسعاي من بدري"
رفع عبدالله نظره لريم وشافها تطالعه ابتسم
ريم ابتسمت من لاحظت نظراته والاغنيه كيف رفعو نظرهم كلهم مع بعض
ملاذ ابتسمت
بعد ساعه
ملاذ:عبودي نبي البقاله
عبدالله:يالله انزلو
نزلو
ملاذ:ابي ايس تي
ريم:حتى انا
اخذو اغراضهم
عند الكاشير
ريم مدت بطاقتها وعبدالله وخر يدها وحاسب؛ماله داعي
عبدالله:الا له داعي
راحو السياره وعبدالله عندالاغراض
ريم:افف اخوك يرفع الضغط
ملاذ بضحكه:انتي شفيك على عبدالله
ريم:يغث، الحين بسألك
ملاذ:اسألي
ريم:ليش عبدالله ماطلع عليك انتي وسارونه
بتجاوب ملاذ الا عبدالله ركب السياره
ملاذ:الا عبدالله ريم تسأل ليش انت مو مثلي انا وساره
ريم مدت يدها وقرصتها
عبدالله ضحك بخفه:كيف يعني مو نفسهم
ورفع نظره لريم
ريم تلعثمت؛اء مدري
ملاذ:انا مراح اجاوب عليك عبدالله بيجاوب
عبدالله:بجاوب بعدين
ريم سكتت وتفكر متى بيجاوب وليه ماجاوب الحين؟
،
وصلو ونزلو اغراضهم
ريم:انا بروح اخذ شاور لحد يكلمني
البنات:الله معكك
بغرفه ويم دخلت تتروش وطلعت وحست ان مافيها نوم راحت لغرفه الرسم حقتها
تذكرت لما قرب عبدالله وحط شماغه عليها رسمت الموقف الي صار بينهم
كانت ترسم بدون شعور
وكانت ريم فيها مشاعر ماتعرف كيف تطلعها وتروح ترسم خلصت رسم وخافت احد يشوفها راحت وحطتها بادولاب
اليوم الثاني
قامت ريم ونزلت عند. جدتها
لاحظت حركه غريبه بس سكتت
ريم:سلام
الجده:وعليكم السلام
ريم بأستغراب:جده شسالغه احس فيه حركه غريبه
الجده بحزن:عبدالله بيروح لدوره عسكريه
ريم ماتدري ليه حزنت انه بيروح بس قالت:متى يرجع
الجده:احتمال شهرين
ريم بصدمه:شهرينن!!
الجده:ايه شهرين شفيك؟
ريم:هاه بس مده طويله
بيت اول مره نزوره بيت اهل عبدالله
ملاذ والغصه بحلقها:الحين صدق بتروح
عبدالله:ايه ياعيوني
ساره بحزن:متى ترجع
عبدالله:بعد شهرين
ملاذ شهقت:شهرينن!
ساره بكت:بتطول
عبدالله بحزن على خواته:ليه تبكين ياعيون اخوك
ساره حضنته:بتروح وتخلينا
ملاذ لما شافت ساره تبكي بكت معها
عبدالله وخر ساره ومسك ملاذ من كتوفها:ملاذي ما بطول والله
ملاذ حضنته:ادري بس مااحبك لما تغيب عني
عبدالله:ولله برجع لاتخافين الحين امسحو دموعكم بروح ل امي وابوي وارجع
راح عبدالله ل ابوه وحب راسه:توصي بشي يالغالي
ابو عبدالله:تروح وترجع بالسلامه
راح عبدالله وحب راس امه ويدينها: ام عبدالله توصين بشي
ام عبدالله:ابي سلامتك ياعيوني
-
ودع عبدالله اهله كلهم وراح لريم يبي يكلمها
شافها واقفه عند باب المطبخ دخل من الباب الخلفي وسكر الباب وراه
شهقت ريم:شتسوي هنا
-
