تهونها على نفسها هو لو يحبك ماكان كلم وحده غيرك
عزيز: عالبركه ياقلب اخوك
ريم: الله يبارك فيك
دخلت عند البنات واول ما دخلت البنات صفقوا وشغلوا السماعه كانو كلهم مستانسين الا عبدالله....
___
دخل عزيز الكتاب عليهم
وكان عبدالله عنده امل انه ريم ما توقع لكن خاب ظنه لما دخل عزيز بالكتاب وقالهم انه ريم وقعت
قاموا الرجال كلهم يباركون لهايف
قال هايف لابوه: يبه ابي اشوفها
ابو هايف: من حقك يولدي ولف على عزيز قل لاختك هايف بيدخل
شد عبدالله على يده وهو يحترق بيروح يشوف معشوقته
عزيز: ابشر يعم
دخل عزيز لريم وقالها انه هايف بيدخل
دخل هايف على ريم
&&
عند عبدالله قام وهو ضايق وراح دوره المياه بيغسل وجه يحس جسمه كله يرجف كان المفروض هو بدال هايف: اه يريم شسويتي فيني لييه انا ما استاهل انك تسوين فيني كذا!
&&
عند هايف دخل السلام عليكم :
ريم بكره: وعليكم السلام
هايف قرب منها وبعدت ريم: انشهد انك الموت الحمر
شده شامتها الي بعنقها قرب منها ومسكها بيده قرب بيبوسها لكن بعدت ريم
هايف بعصبيه: خير ان شاء الله
ريم سكتت
طنش هايف وباس خدها وطلع
لقى امه ودانه قدامه
ام دانه: امانه شلاقي فيها
هايف: فيها شامه هنا أشر على عنقه
جابت راسي
كان عبدالله بيطلع من دوره المياه سمع كلمه هايف عصب زياده كان بيروح يتهاوش معه مسكه عبد العزيز: عبدالله هد شفيك
عبدالله بعصبيه: يمدح شامتها مستوعب؟؟
عبد العزيز وهو سمع كلام هايف: زوجته ترا
عبدالله انهد حيله: وما قهرني انها حلال غيري
___
عند ريم استوعبت هي شسوت تجمعت الدموع بعيونها وراحت فوق
عند البنات كانوا ينتظرون ريم تجي شافوها راحت فوق
استغربوا لكن قالت الجده اكيد استحت ماتبي تجي
...
عند ريم دخلت غرفتها وتفاجأت باللي كان واقف ينتظرها
ريم بصدمه: شتسوي بغرفتي
عبدالله بقهر: لييه لييه سويتي فيني كذا اما انا قلت لك اني ابيك ليه توافقين على هايف بتحرقيني تفضلي حرقتيني وهديتي حيلي يريم
ريم بصوت مهزوز: انت لك وجه تجي تعاتبني بعد الي سويته فيني!
عبدالله: انا شسويت؟؟؟؟
ريم ببكى: قلت انك تحبني وتبيني بالاخير تكلم وحده غيري وتقولها نفس الكلام
عبدالله: ريم شقاعده تقولين مين كلمت انا
ريم: لاتسوي فيها مجنون انا سمعتك وانت تكلمها
عبدالله صرخ عليها: مييينن مين كلمت انااا
ريم: لاتصارخ لك وجه بعد تصرخ
عبدالله: ريم تكلمي خلصيني
ريم بصوت مهزوز: اا..نت ا.. نت تكلم دانه وتقولها انك تبي تخطبها وتحبها انا وش سويت دامك تحبها ليه تكلمني ليه لييه؟؟؟ غطت وجها بيدينها وقعدت تبكي
عبدالله قرب وحضنها
بعدته ريم وصرخت فيه: انااا مو حلالك انا انخطبت ورفعت يدها توريه الخاتم
عبدالله عصب زياده وقرب مسك الخاتم الي بيدها وحذفه بالارض: وقسم والي احل القسم انك ما تاخذينه ولو تنطبق السماء على الأرض انه ما ياخذك واذا على دانه انا ما كلمتها وبعدين مالقيتي الا دانه انا أخذها!!
ريم بصراخ: اطلع برا غرفتي اطلللع
طلع عبدالله وقبل يطلع لف عليها: اعرفي يريمي انك لي وراح تبقين لي وهايف يحلم ياخذك
طلع
دخلت ملاذ وهي لحقت ريم لما راحت فوق وسمعت كل كلامهم
ملاذ بصدمه: الي سمعته صدق
ريم لفت عليها: وش سمعتي
ملاذ: عبدالله يقول انه يحبك ويبيك وانتي رحتي وافقتي على هايف
ريم بكت زياده: ماتدرين اخوك وش سوا فيني
ملاذ قربت وحضنتها:دانه؟
ريم: الله ياخذها وياخذ اخوك معها
ملاذ بعدت ريم عنها وقالت: ريم انا اعرف انه عبدالله يحبك كنت اشوف نظراته لك وإذا على دانه فهو يكرها وما يحبها
ريم: انا بنفسي سمعته يكلمها
ملاذ: متى؟
ريم: قبل اسبوع تقريبا
ملاذ: لما كان بالدوره؟
ريم: اييه
ملاذ: اساسا ما يسمحون لهم يكلمون أهلهم الا مره وحده وعبدالله دق فيها علينا
ريم: خلاص انا وافقت على هايف واخوك خليه يروح يخطب دانه
ملاذ: ادري انك تحبينه وانك وافقتي على هايف بس عشان تقهرينه
ريم: انا كرهته خلاص
ملاذ وخرت عنها وقالت: اعرفي انه عبدالله ما كلم دانه ولا شي
ريم باستغراب: ووش الي يخليك متأكده
ملاذ: انا اعرف عبدالله وانه مايحبها ودانه خبيثه يمكن تكذب عليك
ريم: انا سمعتها تكلم وقالت اسم عبدالله
ملاذ: ماتدرين يمكن تكذب
ريم: خلاص الله يخليك فكيني من هالسالفه
راحت ملاذ ودخلت ريم تتروش تحس نفسها مخنوقه
____
عند بطلنا الي ماتهنى بمعشوقته
كان قاعد بالجبل
نزلت دموعه بضيق
شلون ما تنزل دموعه ومعشوقته صارت حلال غيره؟
راح يشوف كل انش فيها
راح يتهنى بحضنها ويملكها
يقدر يشوف شاماتها ويبوسها
التفكير بهذا كله يحرقه
صدره لهيب من النار
: سكت بضيق وقال ودموعه بعيونه
يا سعود كيف بنساه وهو كل ليله ببالي
يا سعود بنيت أحلامي معها تخيلته معها
يا سعود ووعدني ووعدتها بس يا سعود قاعدين
نخلف وعودنا يا سعود
يا سعود تمنيتها حلالي جاء غيري واخذها
-
