ضحك بخفه وقرب يبعد شعرها عن وجهها الي متناثر على وجهها ونزل انظاره لغيم الي بحضنها وانحنى يقبل خدها ويحاوط كتف ريم
رفعت نظرها تبتسم وسندت راسها على كتفه وغيم بحضنها ، عقدت حواجبها من انتبهت انها تحاول تنام لو شوي بس يضايقها لبسها ، عضت شفتها تناظره ونطقت:حرام واضح يضايقها
عبدالله حك جبينه يهمس:شسوي ؟
ريم ابتسمت تحاوط عنقه وتناظر غيم الي بحضنها:بروشها بس ماعندي ملابس لها ! وفستانها يضايقها
عبدالله تنحنح ياخذ مفتاحه واغراضه ووقف:اجيب لها الحين
ريم ابتسمت لان كل هالمشاعر الي فيها تذوب قلبها بشكل ، انحنت تحطها على الكنب وتحط المفرش عليها وتوجهت تاخذ جواله الي نساه ومشت خلفه وقربت تحاوط يده
ابتسم يناظرها ورجع شعرها خلف اذنها ، عض شفته يهمس:لو تلاحظين اني ما خذيت أ..
ضحكت تقاطعه لانها عرفت وش يقصد ، رفعت نفسها تعدل ياقة بدلته وترفع انظارها له تهمس:وش ودك ؟
ناظرها بشكل مطولّ ، وفهمت نيّته وتقدمت تمسك وجهه بكفوفها وتقبّل ثغره ، حاوط خصرها وسندها على الجدار الي امامه ، تنحنحت تبعد وشتت انظارها بخجل:خلاص مو قدام البنت !
عض شفته ينحني يقبّل عنقها وشامتها لثواني طويله ويديه تحاوط خصرها ، ابتعد عنها ومد يده يبعثر شعره وضحك يمد يده لخدها من حس بنظراتها ، ضحكت بخفه وتقدمت تحضنه وابعدت من حست بحركه غيم ، عضت شفتها بحياء وفتحت الباب تضحك:خلاص طولت
ابتسم يناظرها واخذ جواله الي بيدها وقبّل عنقها وطرف ثغرها ، توردت ملامحها وضربت صدره مباشره:مو قدامها عيب ! ، ضحك وطلع يسكر الباب خلفه
عضت شفتها بخجل ورجعت تجلس تحتضن غيم الي عجزت تعرف لها هاديه ولا هي نفس باقي الاطفال او هذا اثر الصدمه ، ابتسمت تجلس عدل وتقابلها ، ميلت شفتها وابتسمت:تجين معاي ، المطبخ ؟
غيم رفعت كتوفها بعدم معرفه ووقفت ريم تشيلها لحضنها ، ضحكت تناظرها لانها خفيفه وحجمها مايدل انها عمرها ٦ سنين ، عضت شفتها بضحكه وابتسمت: الله يخليك لامك بس
مشت تدخل المطبخ وحطتها على الرُخام تجلسها ، عضت شفتها بتفكير وهي ماعندها ايّ خبره بالطبخ ولا تعرف الا شي خفيف وجاهز
-
« جزر المالديف »
رفعت شعرها وابتسمت من شافته متمدد خلفها ويناظرها ، ضحكت تلف انظارها له:ماعجبتني نظراتك !
اشر لها تجيه ومشت تجلس عنده ، حاوط خصرها وانحنى يقبلها وسط ذهولها ، ضحك وسند راسه يقربها لحضنه وزفر بضيق من جته اوراق شغل على جواله ، ضحكت وهي تشوفه يقلب بالاوراق الي راسلينها له ، مدت يدها لعوارضه:شفيك معصب طيب ؟
ميهاب سكر جواله وزفر بضيق:الواحد يسافر يبعد عن الشغل وياخذ راحته بس الظاهر خلصت راحتنا
ملاذ ضحكت:لا تصير دلوع ! تراك تحب شغلك
هز راسه ياكد كلامها وتمدد بحضنها:بس مو الحين !
ابتسمت ومدت يدها تعدل ياقة قميصه ، وقفت تمسك يده:قوم نغير جو شوي
هز راسه ووقف يمشي خلفها ، طلعت وقربت للبحر ودخلت رجلها وشهقت من حسته يرفعها:لا ترميني بالبحر ولا ..
قاطعها يضحك وقربها له:ولا وش
ملاذ ضحكت تحاوط عنقه:ترا ما نسيت اخر مره رميتني بالماء !
ضحك ينحني يقبل عنقها ومشى يجلس على الكرسي وهي بحضنه ، كشرت تضرب صدره ووقفت تتوجه للمرجيحه القريبه وجلست فيها تطلع جوالها وتصور للبنات ، ضحكت من شافتهم يردون عليها واخذها الوقت معهم
ميهاب بصوت عالي:ماتبين تجين !
ضحكت تسكر جوالها ومشت تتوجه له من فتح حضنه لها وجلست ، حاوطها وعض شفته يدفن وجهه بنحرها
-
« بيت ال مطلق »
تمدد مازن على رجل العنود -اخته- ، خلخلت يدها بشعره ونطقت:ماتفكر تتزوج انت ؟
نوف اعتدلت تناظر فيهم:صح على هالطاري امي حاطه عينها على وحده لك
مازن التفت عليها:مين؟
العنود ابتسمت:رغد بنت عبدالله الوحيده
فز مازن يناظر فيهم بصدمه وتنحنت نوف ترقع:امي شافت ان بينكم تناسق وكذا بس للحين ما كلمنا احد
مازن ابتسم:بلا تناسق بلا كلام فاضي ، هذي الام الي تفهم بحال ولدها
العنود بصدمه:يعني تبيها !
عض شفته وابتسم يهز راسه ورفع فهد ولدها لحضنه:ايه ليه لا ؟
نوف ضحكت بصدمه وحضنت هتان الي بحضنها:صادق ؟
مازن هز راسه واعتدل من دخلت امه ، عقدت حواجبها بخفيف:شفيكم ؟
نوف ابتسمت:تعالي يمه الي بغيتيه بيصير !
جلست مزنه باستغراب وابتسمت العنود تكمل عن نوف:مازن يبي رغد
وسعت مزنه عيونها بصدمه ولفت انظارها لمازن الي ضحك يناظرهم:شفيكم مصدومين ! مو انتوا ازعجتوني تبوني اتزوج تفضلوا حققت لكم امنيتكم
مزنه بصدمه:انت صدق تبيها ولا عشان تتهرب من سالفة الزواج و..
قاطعها مازن يهز راسه بالنفي لانه فعلا يبغاها:لا انا ملّزم وابيها
