عبدالله:ماهان علي اروح وانا ماسمعت اجابتك
ريم بأستغراب:اي اجابه
عبدالله:ريم اذا رجعت بتقدملك توافقين؟
ريم بصدمه:شقاعد تقول انت
عبدالله:بروح واذا رجعت ابي منك اجابه
ريم:انا ماعندي اجابه لشي
عبدالله،:ريم تدرين اني احبك
[قالو توادع قلت يصعب الوداع]
[شلون اوادع من معه قلبي وديع]
ريم كانت بتتكلم رفع عبدالله يده يسكتها:ابي الاجابه منك وبنفس المكان بس مو الحين
راح عبدالله وترك ريم بحيرتها
اخر الليل راحت ريم السطح تبي تفكر
ريم بنفسها الحين هو صدق يحبني
بس انا ماعرف شعوري تجاهه اخاف اعجاب بس
سمعت صوت اذان الفجر
ريم بصدمة:اذن الفجر وانا للحين افكر شلون ماحسيت بنفسي
نزلت تركض وراحت غرفتها توضت وصلت وقعدت تدعي
يارب طمن قلبي يارب. اني استودعك قلبي ونفسي يارب عبدالله يكون فعلا يحبني مو يتسلى حست انها ارتاحت راحت نامت
قامت ريم وراحت ل ملاذ ماشافتها امس
ريم:الحين عبدالله راح انتي ليه من امس ماشفتك
ملاذ:ماكان لي خلق انزل
ريم:طيب انا اشتقت لك تعالي
ملاذ:دقيقه بروح غرفه عبدالله
ريم:شتبين فيها
ملاذ:,باخذ شغله
راحت غرفه عبدالله
ريم بصدمه:الله تجنن غرفته
بعدها شهقت ريم:اخوكك يكتبب
ملاذ:خرشتيني اي يكتب يحبيبتي
ريم ابتسمت:حركات ماتوقعت
ملاذ بغمزه:عقبال ماتتزوجون ويكتب كتاب كامل عنك
ريم:ههههههههههههه انا وعبدالله لا مستحيل
ملاذ:نشوف
"الخصر خصر اللى عن الزاد صايم
والوجه من حسنه ينور مصابيح
شعر حرير كاسى ..التمايم
يداعب النسمه ويلعب مع الريح"
ريم بصدمه معقوله شافها وهي تهز اخذت الورقه وخبتها بجيبها
ملاذ:يالله نطلع
ريم مو معها للحين تفكر
ملاذ:ياهوه اتكلم
ريم:هاه
ملاذ:ولعنه امشي
ريم:يلا
عند عبدالله كان يفكر بأجابتها هل راح توافق ولا
ابتسم بخفه من تذكر شامتهاا الي بعنقها شد على يده من داهمه الشوق لها سكت بحيره وهو يفكر بأجابتها
بعد مرور شهرين بدون احداث
طبعاً دانه كانت تحترق من تتذكر موقف ريم وعبدالله لما عبدالله لبسها شماغه
وجهزت خطه
عند البنات
ريم الا الان تتذكر موقف عبدالله وتبتسم
ملاذ:هي وين رحتي
هيام:الي ماخذ القلب يتهنى
ريم:كولو تبن بروح الحوش بشم هوا
دانه من قالت بروح الحوش ركضت قبلها
هيام:شبلاها ذي
راحت الحوش ريم سمعت دانه تكلم
دانه:حبيبي عبدالله اذا رجعت تخطبني
ريم بصدمه ذي شقاعده تقول
دانه:حتى انا احبك ياروحي
تجمعت الدموع بعيون ريم ومشت بقهر
لفت دانه وابتسمت بخبث لما شافت ريم راحت
عند ريم راحت السطح وجسمها كله يحترق
ريم:هو قال يحبني ليش يسوي فيني كذا
دخلت ملاذ وسمعت اخر كلام زيم:مين يسوي فيك كذا. شفيكك؟
ريم مسحت دموعها:محدد
ملاذ:ريم انا اختك علميني
ريم عضت شفتها بقهر شلون تقول اخوك قال بيخطبني والحين بيخطب دانه
ملاذ:ريم تكلمي اخلصي
ريم بكت قربت ملاذ وحضنتها وهي تسمع شهقاتها:يعني ماتعلميني
ريم:ملاذمافيني طاقه اني اتكلم بروح انام
ملاذ:تتهربين يعني وين بتروحين مني
راحت ريم لغرفتها تحس فيها طاقه سلبيه دخلت غرفه الرسم حقتها وقعدت ترسم
بحر دموع تحس تبي توصف حالها من غير ماتتكلم تبي تطلع قهرها بالرسم
-
وقت رجعة عبدﷲ
ووقت خطبت معشوقته
&&&
العصر
الجده: ريم
ريم: لبيه
الجده: هايف تقدم لك
ريم بنفسها شلون وعبدالله تذكرت مكالمته لدانه وقالت: انا موافقه
الجده: اجل على البركه
دخل عزيز: وافقتي
ريم: كنت تدري
عزيز: كنت بقولك بس جدتي عيت
ريم: المهم ترا وافقت
عزيز: الله يوفقك
_
بالليل وقت الخطبه وقت رجعت عبدالله
دخل عبدالله وقال بصوته الرجولي: السلام عليكم
فزوا الرجال كلهم: وعليكم السلام
راح عبدالله وحب راس ابوه: شالاخبار يابو عبدالله
ابو عبدالله: بخير بشوفتك
عبد العزيز: شخبارك ياعبدالله
عبدالله: نحمد الله
دخل هايف: وصل المملك
عبدالله باستغراب: شسالفه
عزيز: ابد والله خايف خطب
عبدالله: ماشاءالله مين اخذ
عزيز: ريم اختي
عبدالله بصدمه: وشووو
لفو الرجال كلهم عليه
عبدالله: حرام حرم الدم انه ياخذها
ابو عبدالله: عبدالله يبوك شفيك
عبدالله: انا كنت ابيها كنت بخطبها؟
عزيز: كان قلت لي كان ما خليته ياخذها
_____
عند البنات كانوا كاشخين عشان ملكة ريم
دخلت ملاذ تركض: عبدالله جاء
ريم: جااء؟
_____
عند الرجال
عبدالله بعصبيه: والله ما ياخذها والمملك الي جبتوه انا بخطب بدال هايف
هايف: خيير يالطيب انا بخطبها وانا الي باخذها
ابو عبدالله تكلم بحكم انه اكبر واحد بالمجلس: هايف بيملك عليها والبنت موافقه وهو تكلم قبلك
عبدالله بصوت مهزوز: بس يايبه انا ابيها
ابو عبدالله بعصبيه: بس خلاص
دخل المملك ووافق هايف ودخل عزيز الكتاب لريم عشان توقع وهو ضايق على عبدالله
ريم ووقعت وقلبها يتقطع على حبيب قلبها بس قالت تهونها على نفسها هو لو يحبك ماكان كلم وحده غيرك
-
