- නෑනයි මස්සිනයි - (✓)

14

එදා සිද්ධිය වෙලා දැනට දවස් තුනක්. මේ දවස් ටිකට ටේටේ වගේම ජිමින් මාත් එක්ක වචනයක්වත් කතා කරේ නැති තරම්. ඉවසන්න බැරි ළඟින් හිටපු මිනිස්සු ඉක්මනට වෙනස් වෙන එක. ඊටත් වඩා එයාලා මාව අඳුරන්නැති කෙනෙක් ගානට දාලා සලකන එක.

ජිමින් හැමදාම උදේට ගෙදරින් කම්පැනි එකටයි හවසට කම්පැනි එකෙන් ගෙදරටයි එක්කගෙන ආවත් අඩුම එයා මගේ මූණවත් බලන්නෑ. හරිනම් එදා මට ගහපු එකට මමයි මූණ නොබලන්න ඕන.

" රෂ් මේ ෆයිල් එක 49 ෆ්ලෝර් එකේ මිස්ටර් හන්ට ගිහින් දීලා එයා දෙන ෆයිල් එක මට ගෙනත් දෙන්න. "

" හරි මිස්.. "

මම ඒ ෆයිල් එකත් අරගෙනම ගියේ 49 වෙනි ෆ්ලෝර් එකට. මන් ඒකත් භාර දීලා මිස්ටර් හන් දීපු ෆයිල් එකත් අරගෙන එද්දි මගේ ඇස් නතර වුණේ ටිකක් වෙනස් කාමරයක. ඒක පුරාම තිබුණෙ මෙහෙ ඉන්න අයිඩල්ලගෙ ෆොටෝස්. ඒ අතරින් මට දකින්න ලැබුණා ඒ කෝපි පාට ඇස් තියන ගෑණු ළමයා. කිම් ටේෂු... එයාගෙ ෆොටෝ එක යටින් ඒ විදියට ගහලා තිබුණා. එතන තවත් පරක්කු නොවී මන් ෆයිල් එකත් අර ගෙන ආවා.

ලන්ච් එක වෙලාවේ කැෆටේරියා එකේදි මන් ෆෝන් එකේ කිම් ටේෂු කියලා නම ගහලා සර්ච් කරා. මට ඕනි එයා ගැන විස්තර දැන ගන්න. එහෙනම් හරි... ටේටේගෙ නංගිත් මෙහේ හිටපු අයිඩල් කෙනෙක්. එයා නැති වෙලා තියෙන්නෙ බාත්රූම් එකේදි සූසයිඩ් කරන්. එහෙනම් මේ කම්පැනි එකේ මීට කලින් නැති වුණා කියලා කියපු අයිඩල් මෙයා. ඒත් මෙතන මොකක්හරි පටලැවිල්ලක් තියනවා. එයා සූසයිඩ් කරගත්තෙ නෑ. මේ තාක් මන් දකින හීනයක් කිසිම දවසක වැරදිලා නෑ. මෙතන මොනවහරි දෙයක් තියනවා. මට ඕනි ඒක දැන ගන්න.

ඒත් ටේටේගෙ නංගිට මොකද වුණේ කියලා දැන ගන්න මන් ආපහු ටේටේගෙ අත අල්ලන්න ඕනි. ඒත් එයා මාත් එක්ක කතා කරන්නෙවත් නෑනෙ.....

කැෆටේරියා එකේදි මන් කකා ඉද්දි දැක්කෙ පොඩි බලු තඩියෙක් කටත් ඇරන් කෙළ පෙරාගෙන මන් දිහාට දිවත් ඇඳන් උඩ පැන පැන දුවගෙන එන හැටි.
මට සීයට දාහක් ෂුවර් මේ පොඩි යකා එන්නෙ මන් දිහාවට කියලා. තත්පරයක්වත් පරක්කු නොවුණු මම කෑගහගෙනම නැග්ගෙ මන් ඉඳපු ටේබල් එකට. කියන්න සතුටුයි.. මුළු කැෆටේරියා එකේම අවධානෙ මන් ළඟ. ඒ මදිවට අර යක්ස බල්ලා මේසෙටත් කකුල් තියන් මට එකසිය ගානට බුරනවා.